FD-யை விட அதிக வட்டி தரும் 5 அரசு சேமிப்புத் திட்டங்கள்

சிறு சேமிப்புத் திட்டங்கள் வருமானம்: வங்கிகள் அவ்வப்போது FD மீதான வட்டி விகிதங்களைக் குறைத்து வருகின்றன. இத்தகைய சூழ்நிலையில், இடர் இல்லாத முதலீட்டைத் தேடுபவர்களுக்கு அஞ்சல் அலுவலக அரசுத் திட்டங்கள் சிறந்த வாய்ப்பாக உள்ளன. 

1- மூத்த குடிமக்கள் சேமிப்புத் திட்டம் (Senior Citizen Savings Scheme)

அஞ்சல் அலுவலகத்தின் மூத்த குடிமக்கள் சேமிப்புத் திட்டம் (Senior Citizen Savings Scheme) ஆண்டுக்கு 8.2% வட்டி வழங்குகிறது. இதில் குறைந்தபட்சம் ரூ.1000 மற்றும் அதிகபட்சமாக ரூ.30 லட்சம் வரை முதலீடு செய்யலாம். வருமான வரிச் சட்டத்தின் பிரிவு 80Cன் கீழ் வரிச் சலுகையும் கிடைக்கிறது.

2- மாத வருமானத் திட்டம் (Monthly Income Scheme)

பெரும்பாலான வங்கிகள் நிலையான வைப்புத்தொகைக்கு (FD) 6.5% முதல் 7% வரை வட்டி வழங்கும் நிலையில், அஞ்சல் அலுவலக மாத வருமானத் திட்டம் (Monthly Income Scheme) ஆண்டுக்கு 7.4% வட்டி அளிக்கிறது. எனவே, இந்தத் திட்டம் FD-யை விட அதிக வட்டி தருகிறது.

3- கிசான் விகாஸ் பத்ரா (Kisan Vikas Patra)

கிசான் விகாஸ் பத்ரா (Kisan Vikas Patra) திட்டத்தில் ஆண்டுக்கு 7.5% வட்டி கிடைக்கிறது. இதில் 115 மாதங்கள் அதாவது 9.5 ஆண்டுகளில் பணம் இரட்டிப்பாகும். இடர் இல்லாத வருமானத்தை எதிர்பார்ப்பவர்களுக்கு இது ஒரு சிறந்த திட்டம்.

4- National Savings Certificate (NSC)

National Savings Certificateல் ஆண்டுக்கு 7.7% வட்டி கிடைக்கிறது. இதில் குறைந்தபட்ச வைப்புத்தொகை ரூ.1000 மற்றும் அதிகபட்ச வரம்பு எதுவும் இல்லை. இந்தத் திட்டத்திலும் வரிச் சலுகை உண்டு.

5- Mahila Samman Savings Certificate (MSSC)

Mahila Samman Savings Certificate திட்டத்தில் அரசு தற்போது ஆண்டுக்கு 7.5% வட்டி வழங்குகிறது. இருப்பினும், இந்தத் திட்டத்தில் வரிச் சலுகை இல்லை. வட்டி வருமானத்திற்கு வருமான வரி விதிக்கப்படும்.