R15, MT-15 போலவே அதே 155cc என்ஜின்.. யமஹா XSR 155 டெலிவரி ஆரம்பம்.. விலை, அம்சங்கள் இதோ
இந்தியாவில் யமஹா எக்ஸ்எஸ்ஆர் 155 பைக்கின் டெலிவரி அதிகாரப்பூர்வமாக தொடங்கியுள்ளது. இந்த பைக், கிளாசிக் நியோ-ரெட்ரோ டிசைன், R15/MT-15-ல் உள்ள அதே சக்திவாய்ந்த 155cc என்ஜின், டூயல்-சேனல் ஏபிஎஸ் போன்ற நவீன பாதுகாப்பு அம்சங்களுடன் வருகிறது.
யமஹா எக்ஸ்எஸ்ஆர் 155
இந்தியாவில் யமஹா எக்ஸ்எஸ்ஆர் 155 (XSR 155) பைக்கின் டெலிவரி அதிகாரப்பூர்வமாக தொடங்கிவிட்டது. ரூ.1.50 லட்சம் (எக்ஸ்-ஷோரூம்) விலையில் அறிமுகமான இந்த பைக், யமஹாவின் லைன்அப்பில் மிகவும் வித்தியாசமான ஒன்றாக உள்ளது. புதிய ஈரோக்ஸ் e, EC-06 போன்ற எலக்ட்ரிக் மாடல்களை அறிமுகப்படுத்திய பின்னர், பெட்ரோல் பிரியர்களுக்கான சிறப்பு விருப்பமாக XSR 155 வந்துள்ளது. எலெக்ட்ரிக், பெட்ரோல் என எல்லா வகை ரைடர்களையும் கவரும் வகையில் யமஹா தனது தயாரிப்புகளை விரைவாக விரிவுபடுத்துகிறது.
கிளாசிக் லுக் + மாடர்ன் டெக்
XSR 155-ன் மிகப்பெரிய அம்சம் அதன் நியோ-ரெட்ரோ டிசைன் ஆகும். பழமையான பைக் ஸ்டைலையும், இன்றைய தொழில்நுட்பத்தையும் சேர்த்து உருவாக்கிய மிக அழகான வடிவமைப்பு இதன் USP. ரவுண்ட் LED ஹெட்லெம்ப், அதே முறையில் வட்ட LED டெயில் லைட், நீளமான 'tedrop' ஃபியூஎல் டேங்க்-அனைத்தும் ஒரு விண்டேஜ் அழகைக் கொடுக்கிறது. கிளாசிக் தோற்றமும், சுகமான ரைடிங் அனுபவமும் கொடுக்கிறது.
மேம்பட்ட பாதுகாப்பு அம்சங்கள்
இது வெறும் அழகுக்கான பைக் மட்டும் அல்ல. யமஹா இதில் மாடர்ன் அம்சங்களை முழுமையாகச் சேர்த்துள்ளது. முழு LED லைட்டிங், டூயல்-சேனல் ஏபிஎஸ், இழுவைக் கட்டுப்பாட்டு அமைப்பு, ஸ்மார்ட்போன் இணைப்புடன் Yamaha Motorcycle Connect போன்ற அம்சங்கள் உள்ளன. புதிய ரைடர்களுக்கும், அனுபவம் உள்ள ரைடர்களுக்கும் பொருந்தும் வகையில் பாதுகாப்பும், செயல்திறனும் சமநிலையாக உள்ளது. எந்த சாலையிலும் பாதுகாப்பான பிரேக்கிங்கை வழங்குவது dual-channel ABS மிக முக்கிய பங்கு வகிக்கிறது.
R15 / MT-15 போலவே அதே 155cc என்ஜின்
XSR 155-ல் உள்ள 155cc திரவ-குளிரூட்டப்பட்ட என்ஜின், R15 மற்றும் MT-15-ல் பயன்படுத்தப்படும் அதே பவர்ஃபுல் இன்ஜின். இது 18.4 HP பவர் மற்றும் 14.1 Nm டார்க் வழங்குகிறது. 6-வேக கியர்பாக்ஸ் உடன் வரும் இந்த பைக், ரெட்ரோ லுக்கில் இருந்தாலும் செயல்திறனில் ஒரு நவீன ஸ்போர்ட்ஸ் பைக் போலவே இருக்கும். இந்தியா முழுவதும் டெலிவரிகள் தொடங்கியுள்ள நிலையில், கிளாசிக் லுக்கையும், கச்சிதமான மாடர்ன் செயல்திறன்-னையும் விரும்பும் ரைடர்களின் விருப்பப்பட்டியலில் XSR 155 முன்னிலை பெறுவது உறுதி என்றே கூறலாம்.