ரூ.3.70 லட்சத்தில் 6 ஏர்பேக்.. 33 கிமீ மைலேஜ்.. கேம் சேஞ்சர் கார் எது தெரியுமா?
மாருதி சுசூகியின் ஆல்டோ கே10, ஜனவரி 2026-ல் 12,314 யூனிட்கள் விற்பனையாகி மீண்டும் எழுச்சி கண்டுள்ளது. ரூ.3.70 லட்சம் ஆரம்ப விலையில், சிறந்த மைலேஜ், 6 ஏர்பேக்குகள் போன்ற பாதுகாப்பு அம்சங்களுடன் வருகிறது.
ரூ.4 லட்சத்திற்குள் கார்
ரூ.3.70 லட்சத்தில் பாதுகாப்பு, மைலேஜும், நம்பிக்கையும்... இவை மூன்றையும் ஒரே கார் தருமா? இந்திய குடும்பங்களின் பதில் "ஆம்" என்பதே. சிறிய கார்கள் விற்பனை சற்று சரிந்த சூழலிலும், மாருதி சுசூகியின் ஆல்டோ கே10 ஜனவரி 2026-ல் மீண்டும் எழுச்சி கண்டுள்ளது. அந்த மாதம் மட்டும் 12,314 குடும்பங்கள் இந்த ஹாட்ச்பேக்கை தேர்வு செய்துள்ளன. இதன் மூலம் குறைந்த செலவில் நம்பகமான கார் என்ற பெயரை ஆல்டோ மீண்டும் உறுதிப்படுத்தியுள்ளது.
குறைந்த விலை ஹாட்ச்பேக்
ரஷ்லன் வெளியிட்ட தகவலின்படி, ஜனவரி 2025-ல் விற்ற 11,352 யூனிட்டுகளை விட 962 கார்கள் அதிகமாக விற்றுள்ளன. இது ஆண்டு அடிப்படையில் 8.47 சதவீத வளர்ச்சியைக் குறிக்கிறது. மேலும், டிசம்பர் 2025-இல் இருந்து 10,829 யூனிட்டுகளை விட 13.71 சதவீத உயர்வும் பதிவு செய்யப்பட்டுள்ளது. கடும் போட்டி நிலவும் சந்தையிலும், ஆல்டோவின் தேவை குறையாதது கவனிக்கத்தக்கது.
நகர போக்குவரத்துக்கு ஏற்ற கார்
ஹியர்டெக்ட் தளத்தில் உருவாக்கப்பட்ட இந்த கார், 1.0 லிட்டர் K-சீரிஸ் Dual Jet, Dual VVT பெட்ரோல் என்ஜினுடன் வருகிறது. இது 65.7 bhp சக்தியும், 89 Nm டார்க்கும் வழங்குகிறது. 5-ஸ்பீட் மேனுவல் கியர்பாக்ஸ் மற்றும் தேர்ந்தெடுக்கப்பட்ட வேரியண்ட்களில் AGS ஆப்ஷனும் கிடைக்கிறது. நகர போக்குவரத்துக்கு ஏற்ற எளிய வடிவமைப்பு இதன் பலமாக உள்ளது.
ஆல்டோ கே10 மைலேஜ்
மைலேஜ் விஷயத்தில் ஆல்டோ கே10 முன்னிலை வகிக்கிறது. பெட்ரோல் மாடலில் 24.90 கிமீ/லிட்டர் வரை, சிஎன்ஜி மாடலில் 33.40 கிமீ/கிலோ வரை மைலேஜ் வழங்குகிறது. மேலும், அடிப்படை மாடலில்கூட 6 ஏர்பேக்குகள், EBD உடன் ABS, ரிவர்ஸ் பார்கிங் சென்சார், ESP போன்ற பாதுகாப்பு அம்சங்கள் வழங்கப்பட்டுள்ளன.
ஆல்டோ ஜனவரி 2026 விற்பனை
உள்ளமைப்பிலும் 7-இஞ்ச் டச் ஸ்கிரீன், Apple CarPlay, Android Auto, டிஜிட்டல் ஸ்பீடோமீட்டர் போன்ற வசதிகள் உள்ளன. ரூ.3.70 லட்சம் ஆரம்ப விலையுடன் கிடைக்கும் இந்த கார், குறைந்த பராமரிப்பு செலவு மற்றும் விரிவான சேவை வலையமைப்பு காரணமாக நடுத்தர மக்களின் நம்பிக்கை தொடர்ந்து காக்கிறது. SUV களின் ஆட்டம் நடக்கும் சந்தையிலும், சிறிய கார்கள் இன்னும் உயிருடன் இருப்பதை ஆல்டோ நிரூபித்துள்ளது.
