CNG Cars: 10 லட்சத்திற்குள் அதிக மைலேஜ் வாரி வழங்கும் CNG கார்கள் என்னென்ன? முழு லிஸ்ட் இதோ
CNG Cars Under 10 Lakhs : 10 லட்சம் ரூபாய் பட்ஜெட்டில் ஒரு நல்ல CNG கார் வாங்க திட்டமிடுகிறீர்களா? சிறந்த மாடல்களின் விலை, மைலேஜ் மற்றும் முக்கிய அம்சங்கள் பற்றி இங்கே விரிவாகப் பார்க்கலாம்.
CNG Cars under 10 lakhs
புதிதாக ஒரு CNG கார் வாங்க பிளான் இருக்கா? அதுவும் உங்கள் பட்ஜெட் 10 லட்ச ரூபாய்க்குள் என்றால், மார்க்கெட்டில் இருக்கும் சில சிறந்த ஆப்ஷன்கள் இதோ. மாருதி செலிரியோ, டாடா பஞ்ச், மாருதி ஃபிரான்க்ஸ், ஹூண்டாய் ஆரா CNG போன்ற கார்கள் இந்தப் பட்டியலில் இடம்பெற்றுள்ளன. இதில், மாருதி செலிரியோ சுமார் ரூ.5.97 லட்சத்தில் இருந்து தொடங்குகிறது. ஒரு கிலோ CNG-க்கு சுமார் 34.43 கிமீ மைலேஜ் தருகிறது. குறைந்த பட்ஜெட்டில் நல்ல மைலேஜ் எதிர்பார்ப்பவர்களுக்கு இந்த கார் ஒரு சூப்பரான தேர்வாக இருக்கும்.
மாருதி செலிரியோ
மைலேஜ் விஷயத்தில் செலிரியோ CNG தான் கிங். ஒரு கிலோ CNG-க்கு 34.43 கிமீ மைலேஜ் தருவதாக நிறுவனம் கூறுகிறது. இந்தியாவில் ஃபேக்டரி-ஃபிட்டட் CNG கார்களிலேயே இதுதான் டாப். இதன் 998 சிசி 3-சிலிண்டர் இன்ஜின், CNG மோடில் 55.92 bhp பவரை கொடுக்கும். பாதுகாப்புக்கு டூயல் ஏர்பேக்குகள், EBD உடன் ABS, ரியர் பார்க்கிங் சென்சார்கள், சைல்டு சேஃப்டி லாக்ஸ் எனப் பல அம்சங்கள் உள்ளன. இதன் ஆரம்ப விலை ரூ.5.97 லட்சம்.
டாடா பஞ்ச் CNG
டாடா பஞ்ச் CNG கார், ஒரு கிலோவுக்கு 26.99 கிமீ மைலேஜ் தருகிறது. இந்த லிஸ்டில் 5-ஸ்டார் குளோபல் NCAP பாதுகாப்பு ரேட்டிங் பெற்ற ஒரே கார் இதுதான். இதில் ட்வின்-சிலிண்டர் டெக்னாலஜி இருப்பதால், CNG டேங்க் இருந்தாலும் 210 லிட்டர் பூட் ஸ்பேஸ் கிடைக்கிறது. இதன் டாப் வேரியண்ட்களில் 10.25 இன்ச் டச்ஸ்கிரீன், வாய்ஸ் அசிஸ்டட் சன்ரூஃப், ஆறு ஏர்பேக்குகள் போன்ற கூடுதல் வசதிகள் உள்ளன. இதன் ஆரம்ப விலை ரூ.6.74 லட்சம்.
மாருதி ஃபிரான்க்ஸ் CNG
மாருதி ஃபிரான்க்ஸ் CNG காரில் 1197 சிசி, 4-சிலிண்டர் K-சீரிஸ் இன்ஜின் உள்ளது. இது 76.43 bhp பவரை உற்பத்தி செய்து, ஒரு கிலோவுக்கு 28.51 கிமீ மைலேஜ் தருகிறது. வயர்லெஸ் ஆண்ட்ராய்டு ஆட்டோ, ஆப்பிள் கார்பிளே, ஆட்டோமேட்டிக் ஏசி, ஆறு ஏர்பேக்குகள், ESP, ஹில் ஹோல்ட் அசிஸ்ட் போன்ற ஸ்டாண்டர்ட் அம்சங்களுடன் வருகிறது. இந்த லிஸ்டிலேயே இது ஒரு பிரீமியம் CNG கார் என்று சொல்லலாம். இதன் ஆரம்ப விலை ரூ.7.86 லட்சம்.
ஹூண்டாய் ஆரா CNG
ஹூண்டாய் ஆரா CNG-யில் 1197 சிசி, 4-சிலிண்டர் பயோஃபியூயல் இன்ஜின் உள்ளது. இது ஒரு கிலோவுக்கு 28.4 கிமீ மைலேஜ் தருகிறது. CNG மோடில் 68 bhp பவரை கொடுக்கும். கமர்ஷியல் மாடலைத் தவிர மற்ற எல்லா வேரியண்ட்களிலும் ஆறு ஏர்பேக்குகள் ஸ்டாண்டர்டாக வருகின்றன. 8-இன்ச் டச்ஸ்கிரீன், ரியர் ஏசி வென்ட்கள், TPMS, ரியர் பார்க்கிங் கேமரா போன்ற வசதிகளுடன், இந்த லிஸ்டிலேயே இது மிகவும் வசதியான செடான் கார் ஆகும். இதன் ஆரம்ப விலை ரூ.6.90 லட்சம்.
