120 கி.மீ மைலேஜ்: சூப்பர் எக்கோ டி1 vs வாரிவோ ஏரோ; தினசரி ஆபீஸ் பயணத்திற்கு ஏற்ற எலக்ட்ரிக் ஸ்கூட்டர் எது?

ஒரு லட்ச ரூபாய்க்கும் குறைவான பட்ஜெட்டில் தினசரி பயணங்களுக்கான சிறந்த எலக்ட்ரிக் ஸ்கூட்டர்களாக சூப்பர் எக்கோ டி1 மற்றும் வாரிவோ ஏரோ ஆகிய மாடல்கள் உருவெடுத்துள்ளன.

Image Credit : X

பட்ஜெட் எலக்ட்ரிக் ஸ்கூட்டர்

ஒரு லட்ச ரூபாய்க்கும் குறைவான விலையில், தினசரி அலுவலகப் பயணங்களுக்கும் உள்ளூர் தேவைகளுக்கும் ஏற்ற பட்ஜெட் எலக்ட்ரிக் ஸ்கூட்டர்களைத் தேடுபவர்களுக்காக சூப்பர் எக்கோ டி1 (Super Eco T1) மற்றும் வாரிவோ ஏரோ (Warivo Aero) ஆகிய 2 மாடல்கள் சந்தையில் கவனத்தை ஈர்த்து வருகின்றன. இந்த 2 ஸ்கூட்டர்களில் எந்த வண்டி சிறந்தது, எதனுடைய விலை மற்றும் சிறப்பம்சங்கள் எப்படி இருக்கின்றன என்பதை பற்றி விரிவாகப் பார்ப்போம்.

Image Credit : X

சூப்பர் எக்கோ டி1 (Super Eco T1)

சூப்பர் எக்கோ டி1 என்பது குறைந்த பட்ஜெட்டில் எலக்ட்ரிக் ஸ்கூட்டர் வாங்க விரும்புவோருக்காக பிரத்யேகமாக வடிவமைக்கப்பட்ட மாடலாகும்.

விலை - இதன் தோராயமான எக்ஸ்-ஷோரூம் விலை ரூ.56,772 ஆகும்.

மோட்டார் & பேட்டரி - இதில் 800W மோட்டார் மற்றும் 1.26 kWh லித்தியம் அயன் பேட்டரி கொடுக்கப்பட்டுள்ளது.

மைலேஜ் & வேகம் - ஒருமுறை சார்ஜ் செய்தால் 70 முதல் 80 கிலோமீட்டர் வரை மைலேஜ் தரும் என்றும், இதன் உச்ச வேகம் மணிக்கு 55 கிமீ என்றும் பட்டியலிடப்பட்டுள்ளது.

சார்ஜிங் நேரம் - பேட்டரியை முழுமையாக சார்ஜ் செய்ய 4 முதல் 6 மணி நேரம் தேவைப்படும்.

முக்கிய அம்சங்கள் - டிஜிட்டல் இன்ஸ்ட்ரூமென்ட் கன்சோல், எல்இடி லைட்டிங், டூப்லெஸ் டயர்கள் மற்றும் திருட்டுத் தடுப்பு எச்சரிக்கை (Anti-theft alert) போன்ற அடிப்படை வசதிகள் இதில் இடம்பெற்றுள்ளன.

பிரேக்கிங் - முன்பக்கத்தில் டிஸ்க் பிரேக்கும், பின்பக்கத்தில் டிரம் பிரேக்கும் கொடுக்கப்பட்டுள்ளது. குறைந்த விலையில் குறுகிய தூரப் பயணங்களுக்கு இது சிறந்த தேர்வாக இருக்கும் என்றாலும், வாங்குவதற்கு முன் அதன் உண்மையான வேகம் மற்றும் பேட்டரி விபரங்களை டீலரிடம் உறுதி செய்து கொள்வது நல்லது.

Image Credit : X

வாரிவோ ஏரோ (Warivo Aero)

நவீன தோற்றம் மற்றும் கூடுதல் அம்சங்களை விரும்பும் நகர்ப்புற வாடிக்கையாளர்களுக்காக உருவாக்கப்பட்டுள்ளது வாரிவோ ஏரோ எலக்ட்ரிக் ஸ்கூட்டர்.

விலை - இதன் தோராயமான எக்ஸ்-ஷோரூம் விலை சுமார் ரூ.70,000 ஆகும்.

மோட்டார் & மைலேஜ் - இதன் அதிகாரப்பூர்வ வலைத்தளத்தின்படி, இது 500W மோட்டார் மற்றும் ஒருமுறை சார்ஜ் செய்தால் அதிகபட்சமாக 120 கிலோமீட்டர் வரை மைலேஜ் தரும் திறனுடன் பட்டியலிடப்பட்டுள்ளது.

செயல்திறன் - 0-40 கிமீ வேகத்தை எட்ட சுமார் 8.59 விநாடிகள் எடுத்துக் கொள்ளும்.

முக்கிய அம்சங்கள் - எல்இடி லைட்டிங் உடன் கூடிய பகல்நேர விளக்குகள் (DRLs), டிஜிட்டல் டிஸ்ப்ளே, பாக்கிங் மோடு மற்றும் 3 ஆண்டு வாரண்டி ஆகியவை இதன் சிறப்பம்சங்களாகும்.

சஸ்பென்ஷன் - டெலஸ்கோபிக் முன்பக்க சஸ்பென்ஷன் மற்றும் டூயல் பின்புற ஷாக் அப்சார்பர்கள் இதன் சவாரித் தரத்தை மேம்படுத்துகின்றன. இருப்பினும், சில இடங்களில் இதன் மோட்டார் திறன் மற்றும் மைலேஜ் அளவுகளில் சிறிய வேறுபாடுகள் காணப்படுவதால், வாடிக்கையாளர்கள் வாங்கும் முன் சரியான வேரியண்ட்டை உறுதி செய்து கொள்வது அவசியமாகும்.

Image Credit : X

விலை & மைலேஜ் ஒப்பீடு

விலை வித்தியாசம் - விலையைப் பொறுத்தவரை சூப்பர் எக்கோ டி1 வண்டியானது, வாரிவோ ஏரோ வண்டியை விட சுமார் ரூ.13,000 ரூபாய் வரை குறைவாகக் கிடைக்கிறது. ஆரம்பச் செலவைக் குறைக்க நினைப்போருக்கு இது மிகப்பெரிய லாபமாகும். அதேசமயம், வாரிவோ ஏரோ சற்று கூடுதல் விலை கொண்டிருந்தாலும், அதிக மைலேஜ் மற்றும் 3 வருட வாரண்டி போன்ற கூடுதல் பலன்களை வழங்குகிறது.

மைலேஜ் ஒப்பீடு - டி1 மாடல் 70-80 கிமீ மைலேஜையும், ஏரோ மாடல் அதிகபட்சமாக 120 கி.மீ மைலேஜையும் தருவதாகக் கூறுகிறது. எனினும் நிஜ உலக சாலைகளில் இதன் செயல்பாடு மாறுபடலாம் என்பதால், வாடிக்கையாளர்கள் தங்களது தேவைக்கேற்ப தேர்வு செய்வது நல்லது.

Image Credit : X

எதைத் தேர்ந்தெடுக்கலாம்?

சூப்பர் எக்கோ டி1 - குறைந்த விலையில், ஆரம்பகட்ட செலவு குறைவாக இருக்க வேண்டும் மற்றும் தினசரி சிறிய தூரப் பயணங்களுக்கு மட்டும் ஸ்கூட்டர் வேண்டும் என்பவர்கள் சூப்பர் எக்கோ டி1 மாடலைத் தேர்ந்தெடுக்கலாம்.

வாரிவோ ஏரோ - மாறாக, நவீன தோற்றம், கூடுதல் அம்சங்கள் மற்றும் அதிக மைலேஜ் தரும் ஒரு வண்டி வேண்டும் என்றால், டீலரிடம் நேரில் உறுதி செய்துகொண்டு வாரிவோ ஏரோ மாடலைத் தேர்வு செய்வது சிறப்பான தேர்வாக இருக்கும். வண்டி வாங்குவதற்கு முன் அந்தந்தப் பகுதிகளில் ஆன்-ரோடு விலை, பேட்டரி வாரண்டி மற்றும் சர்வீஸ் வசதிகள் எப்படி இருக்கின்றன என்பதை விசாரித்துவிட்டு முடிவெடுப்பது புத்திசாலித்தனமாகும்.