டஸ்டர் பின் புதிய அதிரடி… Bridger SUV மூலம் ரெனால்ட் இந்தியாவில் மீண்டும் வரவு
ரெனால்ட் நிறுவனம், கைகர் மற்றும் டஸ்டர் மாடல்களுக்கு இடையில் 'பிரிட்ஜர்' என்ற புதிய சப்-4 மீட்டர் SUV-யை அறிமுகப்படுத்த உள்ளது. அதிக இடவசதி மற்றும் பல்வேறு இன்ஜின் ஆப்ஷன்களுடன் வருகிறது.
Renault Bridger SUV
பிரெஞ்ச் கார் தயாரிப்பு நிறுவனமான ரெனால்ட், இந்திய சந்தையில் மீண்டும் வலுவான அடையாளமாக தயாராகியுள்ளது. மூன்றாம் தலைமுறை ரெனால்ட் Duster மூலம் ஒரு புதிய “கம்பேக்” முயற்சியைத் தொடங்கியுள்ள இந்த நிறுவனம், ‘Futureaadi’ திட்டத்தின் கீழ் 2027-க்குள் 7 புதிய மாடல்கள் மற்றும் 2 புதிய பிளாட்ஃபார்ம்களை அறிமுகப்படுத்த திட்டமிடப்பட்டுள்ளது. இந்த பிளாட்ஃபார்ம்கள் பெட்ரோல், ஹைப்ரிட், CNG மற்றும் எலக்ட்ரிக் என பல்வேறு இன்ஜின் வகைகளை ஆதரிக்கும் வகையில் வடிவமைக்கப்பட்டுள்ளன.
இந்த வரிசையில் முக்கிய கவனம் பெறுவது ரெனால்ட் Boreal (Bridger Concept) என அழைக்கப்படும் பிரிட்ஜர் கான்செப்ட் SUV. மார்ச் 2026-ல் வெளியிடப்பட்ட இந்த கான்செப்ட், ரெனால்டின் அடுத்த சப்-4 மீட்டர் SUV எப்படி இருக்கும் என்பதை முன்கூட்டியே காட்டுகிறது. கைகர் மற்றும் டஸ்டர் மாடல்களுக்கு நடுவில் இந்த கார் இடம் பெறும் என்று எதிர்பார்க்கப்படுகிறது. இதனால், இந்திய சந்தையில் அதிகம் போட்டியிடும் சப்-காம்பாக்ட் SUV பிரிவில் ரெனால்ட் புதிய போட்டியை உருவாக்க முயற்சிக்கிறது.
Bridger SUV First Look
பிரிட்ஜர், ரெனால்டின் RGMP (ரெனால்ட் Global Modular Platform) என்ற புதிய பிளாட்ஃபார்மில் உருவாகிறது. இதில் Google உடன் இணைந்து உருவாக்கப்பட்ட நவீன எலக்ட்ரிக்கல் மற்றும் எலக்ட்ரானிக்ஸ் அமைப்பு (E&E architecture) இடம்பெற்றுள்ளது. டிசைன் பகுதியில், இந்த ரெனால்டின் பழைய கார்களிலிருந்து முற்றிலும் வேறுபட்ட தோற்றத்தை அளிக்கிறது. உயரமான, பாக்ஸ் ஸ்டைல் வடிவமைப்பு, அக்ரெஸ்ஸிவ் முன்புறம், பெரிய கிரில், LED விளக்குகள் மற்றும் மஸ்குலர் ஸ்கிட் பிளேட் ஆகியவை இதன் முக்கிய அம்சங்கள். பக்கவாட்டில் 18 இன்ச் அலாய் வீல்கள், திடமான வீல் ஆர்ச்சுகள், மறைவு டோர் ஹேண்டில் போன்றவை அதனை மேலும் பிரீமியம் தோற்றமளிக்கச் செய்கின்றன. பின்புறத்தில் LED டெயில் லைட்கள் மற்றும் ஸ்பேர் வீல் அமைப்பு இந்த SUV-க்கு வலிமையான தோற்றத்தை அளிக்கிறது.
மேலும், இந்த SUV-யில் 200mm வரை கிரவுண்ட் கிளியரன்ஸ் மற்றும் சுமார் 400 லிட்டர் பூட் ஸ்பேஸ் கிடைக்கும் என நிறுவனம் தெரிவித்துள்ளது. வெளியே காம்பாக்டாக தோன்றினாலும், உள்ளே விசாலமான கேபின் இடவசதி கிடைக்கும் என்பது குறிப்பிடத்தக்கது. மைலேஜ், இடவசதி மற்றும் பல இன்ஜின் விருப்பங்களுடன், இந்த புதிய பிரிட்ஜர் SUV இந்திய சந்தையில் ரெனால்டுக்கு ஒரு முக்கிய திருப்பமாக அமையும் என எதிர்பார்க்கப்படுகிறது.
