Brezza Facelift: புது அவதாரம் எடுக்கும் மாருதி பிரெஸ்ஸா! இனி வீட்டுக்கு வீடு இந்த கார் தான்..

மாருதி சுஸுகி கார்களில் சாதனை படைத்த பிரெஸ்ஸா, இப்போது புத்தம் புதிய அவதாரத்தில் களமிறங்குகிறது. 1.0 லிட்டர் இன்ஜின், அசத்தலான டிசைன் என பல புதுமைகளுடன் வருகிறது இந்த கார்.

Image Credit : Google

புதிய டிசைனில் புதிய பிரெஸ்ஸா கார்

இந்தியாவில் மாருதி சுசுகி நிறுவனம் அதிக விற்பனை சாதனையைப் படைத்துள்ளது. மாருதி சுசுகியின் ஏறக்குறைய அனைத்து கார்களும் முதல் இடத்தில் உள்ளன. இவற்றுள், மிகவும் வெற்றிகரமான காரான மாருதி சுசுகி பிரெஸ்ஸா, தற்போது ஒரு புதிய அவதாரத்தில் அறிமுகப்படுத்தப்படுகிறது. இந்தக் கார் புதிய வடிவமைப்பு, புதிய இன்ஜின் மற்றும் புதிய அம்சங்களைக் கொண்டுள்ளது.

Image Credit : x

புதிய மாருதி சுஸுகி பிரெஸ்ஸா ஃபேஸ்லிஃப்ட் கார்

மாருதி சுசுகி பிரெஸ்ஸா ஃபேஸ்லிஃப்ட் இன்னும் சில நாட்களில் அறிமுகப்படுத்தப்பட உள்ளது. இது சோதனைகளை நிறைவுசெய்து, கார் பிரியர்களுக்குப் பல ஆச்சரியங்களை அளிக்கத் தயாராக உள்ளது. முன்பக்கத்தில் அகலமான கிரில் பயன்படுத்தப்பட்டுள்ளது. குரோம் பாகங்கள் பயன்படுத்தப்பட்டுள்ளன. இது காரின் தோற்றத்தை மேலும் மெருகேற்றியுள்ளது.

Image Credit : x

முதல் பார்வையிலேயே கவரும் டிசைன்

செங்குத்தான பனி விளக்குகள் மற்றும் வெள்ளி நிற ஸ்கிட் பிளேட் பயன்படுத்தப்பட்டுள்ளன. மேலும், டெயில் லைட் மற்றும் ஹெட்லைட் ஆகியவை மேலும் கவர்ச்சிகரமாக மாற்றப்பட்டுள்ளன. முதல் பார்வையிலேயே, இந்த சப்-காம்பாக்ட் எஸ்யூவி கார் அனைவரையும் நிச்சயம் கவரும். அதுமட்டுமின்றி, இன்ஜின் மற்றும் அம்சங்களிலும் புதுமைகள் செய்யப்பட்டுள்ளன.

Image Credit : maruti suzuki

1.0 லிட்டர் டர்போ இன்ஜின் சாத்தியம்

மாருதி சுசுகி பிரெஸ்ஸா முதல் முறையாக 1.0-லிட்டர் டர்போ பெட்ரோல் இன்ஜினுடன் அறிமுகப்படுத்தப்படவுள்ளது. இது 6-ஸ்பீடு டிரான்ஸ்மிஷனுடனும் கிடைக்கும். 1.2-லிட்டர் இன்ஜின் ஆப்ஷனும் வழங்கப்படும். இது வாடிக்கையாளர்களுக்குப் பலவிதமான இன்ஜின் தேர்வுகளை வழங்கும்.

Image Credit : Cardeko

புதிய பிரெஸ்ஸாவின் அம்சங்கள்

இதில் 10.1-அங்குல தொடுதிரை இன்ஃபோடெயின்மென்ட் சிஸ்டம் இடம்பெறும். தற்போதைய பிரெஸ்ஸா காரில் 9-அங்குல சிஸ்டம் பயன்படுத்தப்படுகிறது. இதில் காற்றோட்ட வசதியுள்ள இருக்கைகள் மற்றும் பனோரமிக் சன்ரூஃப் உள்ளன. இந்தக் கார் பெட்ரோல் மற்றும் சிஎன்ஜி வகைகளில் கிடைக்கும்.

Image Credit : Asianet News

பிரெஸ்ஸாவின் போட்டி கார்கள்

மாருதி சுசுகி பிரெஸ்ஸா சப் காம்பாக்ட் பிரிவில் பல சாதனைகளைப் படைத்துள்ளது. இது டாடா நெக்ஸான், ஹூண்டாய் வென்யூ, கியா சோனெட், மஹிந்திரா 3XO, ஸ்கோடா கல்க் மற்றும் பல சப் காம்பாக்ட் கார்களுக்குப் போட்டியாக விளங்குகிறது.