Budget Bikes: விலையும் கம்மி! மைலேஜும் அதிகம்! நடுத்தர மக்களுக்கு ஏத்த டாப் 5 பட்ஜெட் பைக்குகள் இதோ!

Bikes: நடுத்தர மக்களுக்குப் பைக் வாங்குவது ஒரு சவாலாகவே உள்ளது. இருப்பினும், பட்ஜெட் விலையில் அதிக மைலேஜ் தரும் டூ-வீலர்களுக்கு இங்கு எப்போதும் மவுசு அதிகம். டாப் 5 அதிக மைலேஜ் பைக்குகளை பற்றி இங்கே பார்க்கலாம்.

Image Credit : stockPhoto

டாப் 5 அதிக மைலேஜ் பைக்குகள்

இந்தியாவில் பெட்ரோல் விலை உயர்வு மற்றும் பராமரிப்பு செலவுகள் காரணமாக, நடுத்தர மக்களுக்கு பைக் வாங்குவது ஒரு சவாலாகவே இருந்து வருகிறது. மற்ற நாடுகளை விட இந்தியாவில் தான் பைக் விற்பனையும் அதிகம். இருப்பினும், பட்ஜெட் விலையில் அதிக மைலேஜ் தரும் டூ-வீலர்களுக்கு இங்கு எப்போதும் மவுசு அதிகம். அந்த வகையில் இந்திய சந்தையில் குறைந்த விலையில் கிடைக்கும் டாப் 5 அதிக மைலேஜ் பைக்குகளை பற்றி இங்கே பார்க்கலாம்.

Image Credit : tvs sport

டிவிஎஸ் ஸ்போர்ட்

டிவிஎஸ் ஸ்போர்ட் பைக் பார்க்க 125cc அல்லது 150cc பைக் போல ஸ்டைலான தோற்றம் கொண்ட இந்த பைக், மைலேஜிலும் பட்டையை கிளப்புகிறது. கிக்-ஸ்டார்ட் மாடல் ரூ.58,750; செல்ஃப்-ஸ்டார்ட் மாடல் ரூ.59,950 (எக்ஸ்-ஷோரூம்). இந்த பைக் நான்கு வண்ணங்களில் கிடைக்கிறது. இதில் 109.7cc இன்ஜின் உள்ளது. ARAI சான்றின்படி, ஒரு லிட்டருக்கு 80 கி.மீ. வரை மைலேஜ் தரும்.

Image Credit : Social media

ஹீரோவின் பட்ஜெட் பைக்

இந்தியாவிலேயே மிகக் குறைந்த விலையில் கிடைக்கக்கூடிய பைக்குகளில் இதுவும் ஒன்றாகும். சில ஸ்கூட்டர்களை விடவும் இதனுடைய விலை ரொம்ப கம்மி. ஆரம்ப விலை ரூ.58,977 முதல் அதிகபட்சமாக ரூ.71,470 வரை. 97.2cc இன்ஜின், 110-112 கிலோ எடை மற்றும் 123.5mm வீல்பேஸ் கொண்டது. ஒரு லிட்டர் பெட்ரோலுக்கு 70 கி.மீ. மைலேஜ் கொடுக்கிறது.

Image Credit : stockPhoto

பஜாஜ் பிளாட்டினா 100

நெரிசலான சாலைகளுக்கு ஏற்றவாறு சிறந்த கிரவுண்ட் கிளியரன்ஸ் கொண்ட பைக் இது. ஆரம்ப விலை ரூ.68,711 ஆகும். 99.59cc இன்ஜின், 7.90hp பவர், 8.34Nm டார்க், எலக்ட்ரிக் ஸ்டார்ட், LED DRL மற்றும் 200mm கிரவுண்ட் கிளியரன்ஸ். ஒரு லிட்டர் பெட்ரோலுக்கு 70 கி.மீ. மைலேஜ் தரும்.

Image Credit : Flipkart

டிவிஎஸ் ரேடியான்

ஹீரோ ஸ்பிளெண்டர் பைக்குக்குப் போட்டியாக டிவிஎஸ் நிறுவனம் இந்த ஸ்டைலான பைக்கை அறிமுகப்படுத்தியது. ரூ.73,346 முதல் ரூ.82,897 வரை. 109.7cc இன்ஜின், 18-இன்ச் வீல்கள், மொபைல் சார்ஜ் செய்ய USB போர்ட் வசதி மற்றும் பல வண்ணங்கள். ஒரு லிட்டர் பெட்ரோலுக்கு 73 கி.மீ. மைலேஜ் கொடுக்கிறது.

Image Credit : TVS

டிவிஎஸ் ஸ்டார் சிட்டி பிளஸ்

டிவிஎஸ் நிறுவனம் குறைந்த விலையில் பல பைக்குகளை வழங்குகிறது. அதில் ஸ்டார் சிட்டி பிளஸ் ஒன்றாகும். ட்ரம் பிரேக் மாடல் ரூ.72,500; டிஸ்க் பிரேக் மாடல் ரூ.75,200 (எக்ஸ்-ஷோரூம்). 109.7cc இன்ஜின். ஒரு லிட்டர் பெட்ரோலுக்கு 62.71 கி.மீ. மைலேஜ் தரும்.