ஆன்டி-கிளேர் 2.1K டிஸ்ப்ளே, ஹீலியோ G300 பிராசஸர்: 7,060mAh பேட்டரியுடன் லெனோவா 10.1 இன்ச் டேப்லெட்!

கண்களுக்குப் பாதுகாப்பு தரும் பிரத்யேக ஆன்டி-கிளேர் தொழில்நுட்பத்துடன் கூடிய 'சியாவோக்சின் 10.1 கலர் இங்க் சாஃப்ட் லைட் எடிஷன்' டேப்லெட்டை லெனோவா அறிமுகம் செய்துள்ளது. இதன் சிறப்பம்சங்கள் மற்றும் முழு தகவல்களை பார்ப்போம்.

Image Credit : Lenovo

லெனோவா புதிய 10.1 இன்ச் டேப்லெட் அறிமுகம்!

லெனோவா நிறுவனம் தனது சியாவோக்சின் (Xiaoxin) டேப்லெட் வரிசையில், வெளிர் நீல நிற வடிவமைப்பு மற்றும் பிரத்யேக ரியர் கேமரா அமைப்புடன் கூடிய புதிய 'சியாவோக்சின் 10.1 கலர் இங்க் சாஃப்ட் லைட் எடிஷன்' (Xiaoxin 10.1 Color Ink Soft Light Edition) டேப்லெட்டை சீனாவில் பட்டியலிட்டுள்ளது. 120Hz ஆன்டி-கிளேர் திரை, மூன்று பிரத்யேக திரைக் காட்சி முறைகள் (Viewing modes), ஹீலியோ G300 பிராசஸர், 8GB வரை ரேம் மற்றும் 7,060mAh பேட்டரி உள்ளிட்ட சிறப்பம்சங்களுடன் இந்த டேப்லெட் அறிமுகமாகியுள்ளது.

Image Credit : Lenovo

கண்களைப் பாதுகாக்கும் ஆன்டி-கிளேர் டிஸ்ப்ளே

இந்த டேப்லெட்டில் 2,136 × 1,280 பிக்சல்கள் தெளிவுத்திறன் (Resolution), 120Hz புதுப்பிப்பு வீதம் (Refresh rate) மற்றும் 500 நிட்ஸ் பிரைட்னஸ் கொண்ட 10.1 இன்ச் எல்சிடி (LCD) திரை வழங்கப்பட்டுள்ளது. ஸ்கிரீனின் மேல் ஆன்டி-கிளேர் (Anti-glare coating) கொடுக்கப்பட்டுள்ளதுடன், பயன்பாட்டிற்கு ஏற்ப மாற்றிக்கொள்ளும் வகையில் 3 காட்சி முறைகள் இடம்பெற்றுள்ளன.

ஒரிஜினல் கலர் (Original Color), கலர் பேப்பர் (Color Paper), இங்க் பேப்பர் (Ink Paper) மேலும், குறைவான நீல ஒளி உமிழ்வு (Low blue light), ஃப்ளிக்கர் இல்லாத இயக்கம், ஆன்டி-கிளேர் செயல்திறன் மற்றும் வண்ண-மை கண் பாதுகாப்பு ஆகியவற்றிற்காக TÜV Rheinland சான்றிதழ்களையும் பெற்றுள்ளது. வழக்கமான எலக்ட்ரானிக் இங்க் (E-ink) திரைகளைப் போலன்றி, இந்த எல்சிடி திரை எழுத்துக்களுடன் வண்ணப் படங்கள் மற்றும் வீடியோக்களையும் தடையின்றி இயக்கும் திறன் கொண்டது.

முன்னதாக வெளியான 'சியாவோக்சின் பேட் பிளஸ் கம்ஃபோர்ட் எடிஷன்' 12.7 இன்ச் பெரிய திரையைக் கொண்டிருந்தது; அதேசமயம் பழைய மாடலான 'டேப் M10 (3rd Gen)' 10.1 இன்ச் அளவைக் கொண்டிருந்தாலும், அது 60Hz பேனல் மற்றும் 320 நிட்ஸ் பிரைட்னஸ் மட்டுமே கொண்டிருந்தது குறிப்பிடத்தக்கது.

Image Credit : Lenovo

செயல்திறன் மற்றும் மெமரி விவரங்கள்

புதிய சியாவோக்சின் 10.1 டேப்லெட் மீடியாடெக் ஹீலியோ G300 (MediaTek Helio G300) பிராசஸர் மூலம் இயங்குகிறது. இது 6GB அல்லது 8GB ரேம் தேர்வுகளில் கிடைக்கிறது. இரண்டு மாடல்களிலும் 128GB உள்ளடக்க சேமிப்பகம் (Internal storage) வழங்கப்பட்டுள்ளதுடன், மெமரி கார்டு மூலம் சேமிப்பகத்தை மேலும் விரிவாக்கிக் கொள்ளும் வசதியும் உள்ளது.

நீண்ட நேரப் பயன்பாட்டிற்கு ஏற்ற 7,060mAh பேட்டரி, பின்பக்கத்தில் 8 மெகாபிக்சல் கேமரா மற்றும் வீடியோ கால்களுக்காக முன்பக்கத்தில் 5 மெகாபிக்சல் கேமரா, வினாடிக்கு 480Mbps வரை டேட்டா பரிமாற்ற வேகம் கொண்ட USB-C போர்ட் வழங்கப்பட்டுள்ளது. அத்துடன் வயர்டு இயர்போன்களைப் பயன்படுத்த 3.5 மி.மீ ஹெட்ஃபோன் ஜாக் வசதியும் இதில் தக்கவைக்கப்பட்டுள்ளது.

Image Credit : Lenovo

மாணவர்களுக்கான பிரத்யேக வசதிகள்

மாணவர்கள் மற்றும் இளம் பயனர்களுக்காக, லெனோவாவின் 'தியான்ஜியாவோ அகாடமி' (Tianjiao Academy) கற்றல் தளம் இதில் இணைக்கப்பட்டுள்ளது. இத்தளம் மூலமாக கல்வி வளங்கள், ஏஐ (AI) அடிப்படையிலான பேச்சுப் பயிற்சி, புகைப்படங்களை ஸ்கேன் செய்து வினாக்களுக்கு விடை காணும் வசதி, கலைக்களஞ்சியத் தேடல்கள் மற்றும் வரைதல் கருவிகள் போன்ற பல வசதிகளைப் பெறலாம். பெற்றோர்கள் தங்கள் குழந்தைகளின் பயன்பாட்டைக் கண்காணிக்க 'பேரன்டல் கன்ட்ரோல்' (Parental controls) வசதியும் உள்ளது. மேலும், பிரத்யேக பாதுகாப்பு உறை (Case) மற்றும் ஸ்டைலஸ் பென் (Stylus) அடங்கிய தனியான லேர்னிங் பண்டிலும் கிடைக்கிறது.

Image Credit : Lenovo

விற்பனை விவரங்கள்

சீனாவில் இந்த 'சியாவோக்சின் 10.1 கலர் இங்க் சாஃப்ட் லைட் எடிஷன்' டேப்லெட்டின் விற்பனை 2026 அக்.30 அன்று உள்ளூர் நேரப்படி இரவு 8 மணிக்குத் தொடங்கும் என லெனோவா அறிவித்துள்ளது. இதன் விலை விவரங்கள், பிற சர்வதேச சந்தைகளில் எப்போது வெளியாகும் என்பது குறித்த தகவல்களை நிறுவனம் இன்னும் அதிகாரப்பூர்வமாக வெளியிடவில்லை.