ரூ.30000 போதும்! 400 கிமீ ரேஞ்ச், அசத்தலான எலக்ட்ரிக் சைக்கிளை அறிமுகப்படுத்தும் ஜியோ

தொலைத்தொடர்புத் துறையில் பெரும் புரட்சியை ஏற்படுத்திய ஜியோ நிறுவனம், தற்போது அனைத்துத் துறைகளிலும் விரிவடைந்து வருகிறது. ஆடை முதல் பெட்ரோல் வரை ஜியோ பிராண்ட் இல்லாத துறையே இல்லை. இந்நிலையில், ஜியோ நிறுவனம் எலக்ட்ரிக் வாகன உற்பத்தித் துறையிலும் கால் பதிக்கவுள்ளதாகத் தகவல்கள் வெளியாகின்றன. இது தொடர்பான செய்திகள் சமூக வலைதளங்களில் வைரலாகி வருகின்றன. அவை என்னவென்று இப்போது பார்ப்போம்.

Jio Electric Cycle: ரிலையன்ஸ் ஜியோ எலக்ட்ரிக் வாகனங்கள் தயாரிக்கும் துறையில் இறங்க உள்ளதாக தெரிகிறது. இந்த ஆண்டு இறுதிக்குள் ஜியோ எலக்ட்ரிக் சைக்கிளை அறிமுகப்படுத்த திட்டமிட்டுள்ளதாக சொல்லப்படுகிறது. இந்த இ-பைக் தினசரி பயணங்களுக்கு மிகவும் பயனுள்ளதாக இருக்கும். இருப்பினும், ரிலையன்ஸ் இதுவரை எந்த அதிகாரப்பூர்வ அறிவிப்பும் வெளியிடவில்லை. ஆனால் சமூக ஊடகங்களில் சில அம்சங்கள் மற்றும் விலை விவரங்கள் வைரலாகி வருகின்றன.

ஜியோ எலக்ட்ரிக் சைக்கிள்

ஜியோ எலக்ட்ரிக் சைக்கிள் அதிக மைலேஜுடன் அறிமுகப்படுத்தப்பட வாய்ப்புள்ளதாக தெரிகிறது. இந்த சைக்கிள் முழு பேட்டரி சார்ஜிங்கில் 400 கிமீ வரை செல்லும் என்று செய்திகள் வந்துள்ளன. எலக்ட்ரிக் சைக்கிள் பிரிவில் இது ஒரு மைல்கல்லாகக் கருதப்படுகிறது. இதில் லித்தியம் அயன் பேட்டரி கொடுக்கப்படலாம். இந்த சைக்கிள் பேட்டரியை வெறும் 5 மணி நேரத்தில் முழுமையாக சார்ஜ் செய்யலாம்.

எலக்ட்ரிக் சைக்கிள்

மேலும் இந்த சைக்கிளில் ரிமூவபிள் பேட்டரி கொடுக்க வாய்ப்புள்ளதாக தெரிகிறது. இந்த எலக்ட்ரிக் சைக்கிளில் 250 வாட்ஸ் முதல் 500 வாட்ஸ் ரிமூவபிள் பேட்டரி கொடுக்க வாய்ப்புள்ளதாக தெரிகிறது. வசதியான ரைடுக்கு இதில் ஸ்மூத் ஆக்சிலரேஷன் வழங்கப்படலாம். எக்கோ, நார்மல், ஸ்போர்ட் போன்ற மோட்கள் வழங்கப்படும். ஃபாஸ்ட் சார்ஜிங் பயன்படுத்தினால் 3 முதல் 5 மணி நேரத்திலும், நார்மல் சார்ஜிங்கில் 6 முதல் 8 மணி நேரத்திலும் பேட்டரி முழுமையாக சார்ஜ் ஆகும் வகையில் வடிவமைக்கப்படும் என்று கூறப்படுகிறது.

நீண்ட பயணத்திற்கு ஏற்ற எலக்ட்ரிக் சைக்கிள்

அதேபோல் இதில் எல்இடி லைட், ஸ்பீடுடன் பேட்டரி அளவைக் காட்டும் டிஜிட்டல் இன்ஸ்ட்ரூமென்ட் கிளஸ்டர், ஜிபிஎஸ், புளூடூத், மொபைல் ஆப் ஒருங்கிணைப்புடன் ஸ்மார்ட் கனெக்டிவிட்டி கொடுக்க வாய்ப்புகள் உள்ளன. விலை பற்றி பேசுகையில், இந்த எலக்ட்ரிக் சைக்கிள் சுமார் ரூ. 30 ஆயிரம் முதல் ரூ. 50 ஆயிரம் வரை இருக்கலாம் என்று தெரிகிறது. இந்த ஆண்டு இறுதிக்குள் இந்த சைக்கிள் சந்தைக்கு வர வாய்ப்புள்ளதாக தெரிகிறது. இந்த செய்தியில் எவ்வளவு உண்மை இருக்கிறது என்பதை அறிய அதிகாரப்பூர்வ அறிவிப்பு வரும் வரை காத்திருக்க வேண்டும்.