உங்க வண்டியில் மைலேஜ் அதிகம் கிடைக்கணுமா? இந்த ஈசியான டிப்ஸ் ட்ரை பண்ணுங்க!

வண்டி டயர்களில் சரியான அளவு காற்று இருப்பது மிகவும் அவசியம். குறைந்த காற்று இருந்தால் அதிக எரிபொருள் செலவாகும். மைலேஜ் குறையும். சிலர் பிரேக் தளர்வாக இருப்பதைக் கண்டு தாங்களாகவே போல்ட்டை இறுக்கிக்கொள்கிறார்கள். இதைச் செய்வது ஆபத்தானது என்பது நிபுணர்கள் எச்சரிக்கை.

பொதுவாக காரில் ஏசி போடும்போது எரிபொருள் பயன்பாடு அதிகரிக்கும். எனவே தேவையானபோது மட்டும் ஏர் கண்டிஷனரை பயன்படுத்தவும். நல்ல தரமான எரிபொருளைப் பயன்படுத்துவன் மூலம் மைலேஜ் அதிகரிக்கும். கார்பூரேட்டர் மற்றும் என்ஜின் பிளக்கை சுத்தம் செய்வதால் அதிக எரிபொருள் செலவாவதைத் தவிர்க்கலாம்.

தேவை இல்லாமல் சடன் பிரேக் போடுவது, சீரான வேகத்தில் ஓட்டாமல் வேகத்தை மாற்றிக்கொண்டே இருப்பது ஆகியவையும் மைலேஜைப் பாதிக்கிறது. சீராகன வேகத்தில் ஓட்டினால் எரிபொருள் மிச்சமாகும்.

வாகனத்தை அதிக வேகத்தில் ஓட்டினால் பெட்ரோல், டீசல் அதிகம் செலவாகும். குறைந்த வேகம் அதாவது மணிக்கு 50-60 கிமீ வேகம் மைலேஜை அதிகரிக்கும். வாகனங்களின் ஸ்பீடோமீட்டரில் இருக்கும் பச்சை, மஞ்சள் மற்றும் சிவப்பு ஸ்டிக்கர்கள் மூலம் இது குறித்து அலர்ட் செய்யும் அம்சம் இருக்கும். பெரும்பாலான மக்கள் இதை கவனிப்பதில்லை.

டிராபிக் சிக்னல்கள், பெட்ரோல் பங்க் போன்ற இடங்களில் வண்டியை நிறுத்தும்போது சிறிது நேரம் என்ஜினை ஆஃப் செய்யலாம். இதன் மூலம் எரிபொருள் பயன்பாட்டை குறைக்கலாம். வண்டியில் இருக்கும் தேவையற்ற பொருட்களையும் அகற்றவும். வண்டியின் எடையைக் குறைப்பது மைலேஜை மேம்படுத்தும்.

கியர் மாற்றும்போது, ​​பிரேக் போடும்போதும் மட்டும் கிளட்சை பயன்படுத்த வேண்டும். கிளட்சை பிடித்து ஆக்ஸிலரேட்டர் கொடுப்பதால் பெட்ரோல் உபயோகம் அதிகரிக்கிறது. சரியான கியர்களில் வாகனத்தை ஓட்டினால் எரிபொருளை மிச்சப்படுத்தலாம்.

முன்பெல்லாம் கார், பைக்குகள் முழுக்க இரும்பினால் தயாரிக்கப்பட்டன. தற்போது ஃபைபரை வைத்துத் தயாரிக்கிறார்கள். இதனால் சூரிய ஒளி எரிபொருள் டேங்கில் படும்போது எரிபொருள் ஆவியாகிவிடும். எனவே தொட்டியை ஏதேனும் துணி அல்லது கவர் கொண்டு மூடுவது நல்லது. வாகனத்தை ஆறு மாதங்களுக்கு ஒரு முறையாவது சர்வீஸ் செய்வதும் அவசியம். எண்ணெய், வடிகட்டிகள், பிளக்குகள் போன்ற பாகங்களை சுத்தம் செய்வது முக்கியம்.

ஒரு வண்டியில் அதிகபட்சம் இரண்டு பேர் அமர வேண்டும். ஆனால் இப்போது சிலர் பைக்கில் மூன்று அல்லது நான்கு பேர் அமர்ந்து செல்கின்றனர். மைலேஜ் குறைவதற்கு இதுவும் ஒரு காரணம்.