இந்த காருக்கு ரூ.2 லட்சம் வரை அதிரடி தள்ளுபடி.. மாருதி சுசூகி கார் வாங்க சரியான டைம்..
மாருதி சுசூகி நெக்ஸா ஷோரூம்கள் இந்த நவம்பர் மாதத்தில் பிரீமியம் கார்களுக்கு சிறப்பு தள்ளுபடிகளை அறிவித்துள்ளன. இந்த சலுகைகள் வாடிக்கையாளர்களுக்கு ஒரு சூப்பர் சேவிங்ஸ் வாய்ப்பை வழங்குகிறது.
மாருதி சுசூகி தள்ளுபடி
மாருதி சுசூகி நிறுவனத்தின் நெக்ஸா ஷோரூம்கள் நவம்பர் மாதத்திற்காக வாடிக்கையாளர்களுக்கு சிறப்பு தள்ளுபடிகள் வழங்கப்படுகின்றன. நடுத்தர மக்களுக்கு கார் வாங்கும் கனவை எளிதாக்கும் வகையில், பல பிரீமியம் மாடல்களில் ரூ.2 லட்சம் வரை சலுகைகள் அறிவிக்கப்பட்டுள்ளன.
மாருதி கார்களின் சலுகை
இதில் கிராண்ட் விட்டாரா, இன்விக்டோ, ஃப்ராங்க்ஸ், ஜிம்னி, இக்னிஸ், பலேனோ, எக்ஸ்எல்6 மற்றும் சியாஸ் ஆகிய மாடல்கள் அடங்கும். ரொக்கத் தள்ளுபடி, எக்ஸ்சேஞ்ச் போனஸ், கார்ப்பரேட் சலுகை மற்றும் கிராமப்புற தள்ளுபடிகள் என மொத்தம் பல பிரிவுகளில் சலுகைகள் கிடைக்கின்றன.
கிராண்ட் விட்டாரா ஆஃபர்
அவற்றில் கிராண்ட் விட்டாரா ஹைப்ரிட் மாடலுக்கு மிகப்பெரிய சலுகை அறிவிக்கப்பட்டுள்ளது. ரூ.2.1 லட்சம் வரை தெரிவிக்கப்பட்டுள்ளது. இதன் பெட்ரோல் ரூ.1.75 லட்சம் வரை தள்ளுபடி கிடைக்கிறது. மேலும், பழைய மாருதி அல்லது பிற மிட்சைஸ் எஸ்யூவி வாகனங்களை மாற்றிக் கொடுத்தால், அப்கிரேடு போனஸ் மற்றும் நீட்டிக்கப்பட்ட வாரண்டியும் வழங்கப்படுகிறது.
வாகன தள்ளுபடி
இதன் விலை ரூ.10.77 லட்சம் முதல் ரூ.19.72 லட்சம் வரை உள்ளது. இன்விக்டோ எம்பிவி-க்கு ரூ.1.4 லட்சம் வரை சலுகை, அதேசமயம் ஃபிராங்க்ஸ் டர்போ வகைகளில் ரூ.78,000 வரை தள்ளுபடி அறிவிக்கப்பட்டுள்ளது. ஜிம்னி-யின் ஆல்ஃபா ப்ரோ மாடலுக்கு ரூ.75,000 வரை நேரடி ரொக்கத் தள்ளுபடி கிடைக்கும்.
ஹைப்ரிட் கார் ஆஃபர்
மேலும் இக்னிஸ் ஏஎம்டி மாடல்களுக்கு ரூ.57,000 வரை சலுகை வழங்கப்பட்டுள்ளது. பலேனோ மாடல்களில் ரூ.47,000 வரை தள்ளுபடி, XL6 மாடல்களில் ரூ.45,000 வரை சலுகை வழங்கப்படுகிறது. குறிப்பிடத்தக்கது, XL6-ன் CNG வகைகள் பெட்ரோல் மாடல்களை விட அதிக தள்ளுபடி பெறுகின்றன.
நவம்பர் ஆஃபர்
சியாஸ் செடான் மாடல் 40,000 வரை சலுகையுடன் சில டீலர்களிடம் இன்னும் கிடைக்கிறது. மொத்தத்தில், இந்த நவம்பர் மாதம் மாருதி நெக்ஸா வாடிக்கையாளர்களுக்கு ஒரு “சூப்பர் சேவிங்ஸ் சீசன்” எனலாம். வாகன மாடல் மற்றும் நகரத்தைப் பொறுத்து தள்ளுபடி மாறுபடும் என்பதால், அருகிலுள்ள நெக்ஸா ஷோரூமில் சரிபார்த்து வாங்குவது சிறந்தது.
