கார் வாங்கப் போறீங்களா? பெஸ்டான இன்சூரன்ஸ் எடுக்குறது எப்படி? இந்த டிபஸ் தெரிஞ்சுகோங்க!
புதிய கார் வாங்குபவர்கள் தங்கள் தேவை மற்றும் பட்ஜெட்க்கு ஏற்ற பொருத்தமான இன்சூரன்ஸ் பாலிசி எடுப்பது எப்படி என்று பார்க்கலாம்.
How to buy a Car insurance?
புதிய காரை வாங்கும்போது அதற்கான காப்பீட்டையும் தேர்ந்தெடுப்பதும் அவசியம். பாதுகாப்பை உறுதி செய்வதற்கு சரியான கார் காப்பீட்டைத் தேர்ந்தெடுப்பது மிகவும் முக்கியமானது. தேவை மற்றும் பட்ஜெட்க்கு ஏற்ற பொருத்தமான இன்சூரன்ஸை எடுப்பது எப்படி என்று பார்க்கலாம்.
Car insurance coverage
கவரேஜ் வகைகள்: கார் இன்சூரன்ஸ் பல கவரேஜ் ஆப்ஷன்களுடன் வருகின்றன. ஒவ்வொன்றும் ஒரு நோக்கத்தைக் கொண்டவை. பொறுப்பு (Liability) அல்லது மூன்றாம் தரப்பு கவரேஜ் மற்றவர்களுக்கு ஏற்படுத்தும் சேதங்களுக்கு பணம் செலுத்துகிறது. விபத்து (Collision) கவரேஜ் விபத்து ஏற்பட்டால் உங்கள் வாகனத்தை பாதுகாக்கிறது. அதே சமயம் திருட்டு அல்லது இயற்கை பேரழிவுகள் போன்ற சம்பவங்களுக்கும் விரிவான பாதுகாப்பு வழங்குகிறது. வாகனத்தை சட்டப்பூர்வமாக இயக்க, குறைந்தபட்சம் மூன்றாம் தரப்பு காப்பீட்டு வைத்திருக்க வேண்டும். ஆனால், விரிவான காப்பீட்டில் கூடுதல் நன்மைகளும் பாதுகாப்பும் கிடைக்கும்.
Car insurance requirements
தேவைகளைப் புரிந்து கொள்ளுங்கள்: உங்கள் தனிப்பட்ட தேவைகளை மதிப்பிடுவது பொருத்தமான கார் காப்பீட்டைத் தேர்ந்தெடுப்பதற்கான முதல் படியாகும். உங்கள் வாகனத்தின் ஆயுள்காலம் மற்றும் மதிப்பு, உங்கள் பட்ஜெட், உங்கள் வாகனம் ஓட்டும் பழக்கம் ஆகியவற்றைக் கவனித்து முடிவு எடுக்க வேண்டும். புதிய, விலை உயர்ந்த கார் வைத்திருந்தால், விரிவான பாதுகாப்பு பரிந்துரைக்கப்படுகிறது. பழைய வாகனங்களுக்கு, பொறுப்புக் கவரேஜ் போதுமானதாக இருக்கலாம்.
Car insurance policy comparison
வெவ்வேறு பாலிசிகளை ஒப்பிடுங்கள்: சிறந்த காப்பீட்டுக் காப்பீட்டைக் கண்டறிவதற்கு பல இன்சூரன்ஸ் திட்டங்களையும் ஒப்பிட்டுப் பார்ப்பது அவசியம். பல காப்பீட்டு நிறுவனங்கள் வழங்கும் திட்டங்களில் விலை மற்றும் கவரேஜ் ஆகியவற்றை ஒப்பிடவும். விலை குறைவான பாலிசியைத் தேர்ந்தெடுப்பதாக இருந்தாலும், காப்பீட்டு நிறுவனத்தின் ஒட்டுமொத்த மதிப்பு மற்றும் நற்பெயரைக் கருத்தில் கொள்வது அவசியம். புகழ்பெற்ற காப்பீட்டு நிறுவனத்திடம் இருந்து சற்று அதிக விலையுள்ள பாலிசியை எடுத்தாலும், அது நீண்ட காலத்திற்கு சிறந்த சேவைக்கான நம்பகத்தன்மையைக் கொடுக்கும்.
Car Insurance Policy CSR
காப்பீட்டு நிறுவனத்திடம் விசாரியுங்கள்: காப்பீட்டு நிறுவனத்தின் க்ளெய்ம் செட்டில்மென்ட் ரேஷியோவை (CSR) ஆராயுங்கள். உடனடியாகவும் நியாயமாகவும் க்ளெய்ம் செட்டில் செய்யப்படுகிறதா என்று பார்க்க வேண்டும். காப்பீட்டு நிறுவனத்தின் வாடிக்கையாளர் சேவை நன்றாக இருக்கிறதா என்றும் பார்ப்பது நல்லது.
Car insurance buying
நினைவில் கொள்ள: இந்தக் காரணிகளைக் கருத்தில் கொண்டு, சிறந்த கார் காப்பீட்டைத் தேர்வு செய்யலாம். உங்கள் தேவைகள் மற்றும் பட்ஜெட்டுக்கு மிகவும் பொருத்தமான கார் இன்சூரன்ஸ் பாலிசியைத் தேர்வு செய்ய வேண்டும் என்பதை நினைவில் கொள்ளவேண்டும்.