ஏதர் ஸ்கூட்டர்களுக்கு ரூ.20,000 தள்ளுபடி.. மார்ச் 31க்கு முன் வாங்கினால் பெரிய லாபம்
ஏதர் எனர்ஜி நிறுவனம் அதன் ரிஸ்ட்டா மற்றும் 450 சீரிஸ் மின்சார ஸ்கூட்டர்களுக்கு மார்ச் 2026 மாதத்திற்கான சிறப்பு சலுகைகளை அறிவித்துள்ளது. இந்த சலுகையின் கீழ் வாடிக்கையாளர்கள் ரூ.20,000 வரை பலன்களைப் பெறலாம்.
ஏதர் எனர்ஜி ஸ்கூட்டர் சலுகைகள்
இருசக்கர வாகன சந்தையில் முக்கியமான நிறுவனமாக இருக்கும் ஏதர் எனர்ஜி, மார்ச் 2026 மாதத்திற்கான சிறப்பு சலுகைகளை அறிவித்துள்ளது. இந்த சலுகைகள் ஏதர் நிறுவனத்தின் ரிஸ்ட்டா மற்றும் 450 Series மின்சார ஸ்கூட்டர்களுக்கு வழங்கப்படுகின்றன. நிறுவனம் வெளியிட்ட தகவலின்படி, இந்த மாதத்தில் வாங்கும் வாடிக்கையாளர்கள் மொத்தமாக ரூ.20,000 வரை பலன்கள் பெறும் வாய்ப்பு உள்ளது.
ரூ.5,000 மானியம்
நிறுவனம் கூறுவதாவது, மத்திய அரசின் PM E-Drive திட்டத்தின் கீழ் ரூ.5,000 மானியம் மார்ச் 31, 2026க்கு நிறுத்தப்பட உள்ளது. அதனால், மின்சார ஸ்கூட்டர் வாங்க நினைப்பவர்கள் இந்த காலக்கெடு முடிவதற்கு முன்பு வாங்குவது சிறந்த வாய்ப்பாக இருக்கும்.
ரூ.10,000 தள்ளுபடி
இந்த சலுகை தொகுப்பில் பல வகையான நன்மைகள் அடங்கியுள்ளன. அதன்படி, கிரெடிட் கார்டு மூலம் பணம் செலுத்தும் வாடிக்கையாளர்களுக்கு ரூ.10,000 தள்ளுபடி வழங்கப்படுகிறது. அதோடு, நேரடி ரூ.6,500 கேஷ் தள்ளுபடி மற்றும் ரூ.3,500 மதிப்புள்ள கூடுதல் காம்போனென்ட் வாரண்டி ஆகியனவும் சேர்த்து மொத்தம் ரூ.20,000 வரை பயன்கள் கிடைக்கும்.
மார்ச் 31க்கு முன் வாங்குங்கள்
இந்த சலுகைகள் இந்தியா முழுவதும் உள்ள ஏதர் Experience Centers வழியாக கிடைக்கும். ஆனால் இந்த சலுகைகள் மார்ச் 31, 2026 வரை மட்டுமே செல்லுபடியாகும் என்று நிறுவனம் தெளிவுபடுத்தியுள்ளது. அதனால் இந்த மாதத்திற்குள் வாகனம் வாங்கும் வாடிக்கையாளர்களுக்கு மட்டுமே இந்த நன்மைகள் கிடைக்கும்.
ரிஸ்ட்டா ஸ்கூட்டர் விலை
இந்த சலுகைகளுக்குப் பிறகு, ரிஸ்ட்டா S மாடல் மும்பையில் ரூ.1,04,758 (எக்ஸ்-ஷோரூம்) விலையில் கிடைக்கிறது. மேலும் ஏதர் 450S மாடல் ரூ.1,13,100 (எக்ஸ்-ஷோரூம், மும்பை) எந்த விலையில் வழங்கப்படுகிறது. மேலும், இந்த வாகனங்களை வாங்கும் வாடிக்கையாளர்கள் PM E-Drive திட்டத்தின் கீழ் ரூ.5,000 மதிப்பையும் மார்ச் 31க்கு முன்பு பெற முடியும்.
