Budget Cars: மாதம் ₹20,000 சம்பளமா.. உங்க பட்ஜெட்டுக்கு ஏற்ற கார்கள் லிஸ்ட் இதோ!

Budget Cars: ஒரு நடுத்தரக் குடும்பத்துக்கு கார் என்பது இப்போது அத்தியாவசியமாகிவிட்டது. மாதம் ₹20,000 சம்பளம் வாங்குபவர்கள் கூட எளிதாகப் பராமரிக்கக்கூடிய மாருதி கார்கள் எவை என்பதைப் பற்றி இங்கே பார்க்கலாம்.

Image Credit : ChatGPT

மாருதி எஸ்-பிரஸ்ஸோ (Maruti S-Presso)

கம்மி பட்ஜெட்ல, கொஞ்சம் உயரமான SUV லுக்ல ஒரு கார் வேணும்னா, எஸ்-பிரஸ்ஸோ ஒரு சூப்பர் சாய்ஸ். இதன் கிரவுண்ட் கிளியரன்ஸ் நல்லா இருக்குறதால, மோசமான சாலைகள், பள்ளங்களை ஈஸியா சமாளிக்கும். இதன் எக்ஸ்-ஷோரூம் விலை ₹3.50 லட்சத்தில் இருந்து ₹5.25 லட்சம் வரை இருக்கு. பெட்ரோலில் லிட்டருக்கு 21.4 கி.மீ, சிஎன்ஜியில் கிலோவுக்கு 32.7 கி.மீ மைலேஜ் கொடுக்குது. நீங்க சுமார் ₹1 லட்சம் முன்பணம் கட்டினா, மாதாந்திர EMI ₹5,500 முதல் ₹6,500 வரை வரும். மாசம் ₹20,000 சம்பளம் வாங்குறவங்க கூட இதை சுலபமா சமாளிக்கலாம்.

Image Credit : Maruti Suzuki

மாருதி ஆல்டோ கே-10 (Maruti Alto K-10)

இந்தியாவில் நடுத்தர மக்கள் அதிகம் விரும்பும் கார் ஆல்டோ. புதிய கே-10 மாடலில் அதிக இடவசதி, நல்ல தோற்றம், பவர்ஃபுல் இன்ஜின் இருக்கு. சிட்டி டிராஃபிக், குறுகிய சந்துகளுக்கு இது ஒரு பெர்ஃபெக்ட் சாய்ஸ். இதன் எக்ஸ்-ஷோரூம் விலை ₹3.70 லட்சம் முதல் ₹5.45 லட்சம் வரை இருக்கு. பெட்ரோலில் லிட்டருக்கு 24.4 கி.மீ, சிஎன்ஜியில் கிலோவுக்கு 33.9 கி.மீ மைலேஜ் தருது. இதன் பேஸ் மாடலுக்கு நீங்க மாசம் ₹6,000 EMI கட்டினா போதும். பராமரிப்பு செலவும் ரொம்ப குறைவு. அதனால உங்க பாக்கெட்ல பெரிய ஓட்டை விழாது.

Image Credit : stockPhoto

மாருதி செலிரியோ (Maruti Celerio)

நீங்க தினமும் அதிக தூரம் பயணம் செஞ்சு, பெட்ரோல் செலவை குறைக்க நினைச்சா, மாருதி செலிரியோ ஒரு நல்ல ஆப்ஷன். ஒவ்வொரு பெட்ரோல் துளிக்கும் முழுமையான மதிப்பைக் கொடுக்கும் கார் இது. இதன் கேபின் ரொம்ப மாடர்னாகவும், பார்க்க ஸ்டைலாகவும் இருக்கும். செலிரியோவின் எக்ஸ்-ஷோரூம் விலை ₹4.70 லட்சம் முதல் ₹6.73 லட்சம் வரை இருக்கு. பெட்ரோலில் லிட்டருக்கு 25.0 கி.மீ, சிஎன்ஜியில் கிலோவுக்கு 34.4 கி.மீ மைலேஜ் கொடுக்குது. இதன் பேஸ் வேரியன்ட்டுக்கு மாதாந்திர EMI சுமார் ₹7,500 வரை வரலாம். ₹20,000 சம்பளத்தில் கொஞ்சம் செலவை குறைச்சுக்கிட்டா, இது ஒரு நல்ல டீல்.

Image Credit : Maruti Suzuki

மாருதி வேகன்ஆர் (Maruti WagonR)

மாருதி வேகன்ஆர் காரை 'இந்தியாவின் டால்-பாய் கார்'னு சொல்வாங்க. இதுல ஹெட்ரூம் (தலைக்கு மேல் இடம்), லெக்ரூம் (கால்களுக்கு இடம்) ரொம்ப தாராளமா இருக்கும். அதனால 5 பேர் கொண்ட குடும்பம் ரொம்ப வசதியா பயணிக்கலாம். இதன் எக்ஸ்-ஷோரூம் விலை ₹4.99 லட்சம் முதல் ₹6.84 லட்சம் வரை இருக்கு. பெட்ரோலில் லிட்டருக்கு 20.5 கி.மீ, சிஎன்ஜியில் கிலோவுக்கு 33.5 கி.மீ மைலேஜ் தருது. வேகன்ஆர் பேஸ் வேரியன்ட் எடுத்தா, மாதாந்திர EMI சுமார் ₹7,800 முதல் ₹8,200 வரை வரலாம். உங்க சம்பளம் ₹30,000-க்குள்ள இருந்தா, அல்லது வீட்ல வேற சைடு இன்கம் இருந்தா, யோசிக்காம இந்த காரை தேர்ந்தெடுக்கலாம்.

Image Credit : Asianet News

கவனத்தில் கொள்க

நிதி ஆலோசகர்களின்படி, உங்க மாத சம்பளத்தில் பாதிக்கு மேல் கார் EMI இருக்கக்கூடாது. நீங்க 5 அல்லது 7 வருஷத்துக்கு லோன் எடுத்தா, உங்க மாதாந்திர EMI ₹6,000 முதல் ₹7,500 வரை இருக்குற மாதிரி பாத்துக்கோங்க. அப்போதான் மாசம் ₹20,000 சம்பளம் வந்தாலும், EMI போக மீதமுள்ள ₹13,000-₹14,000 உங்க வீட்டுச் செலவுகள் மற்றும் பிற தேவைகளுக்குப் போதுமானதாக இருக்கும். அதனால கார் EMI உங்க சம்பளத்தில் 30-40 சதவீதத்தைத் தாண்டாமல் இருப்பது நல்லது.

இந்தக் கட்டுரையில் கொடுக்கப்பட்டுள்ள மாருதி சுஸுகி கார்களின் விலைகள் (எக்ஸ்-ஷோரூம்) மற்றும் மைலேஜ் விவரங்கள் நிறுவனத்தின் அதிகாரப்பூர்வ தகவல்களை அடிப்படையாகக் கொண்டவை. ஆன்-ரோடு விலை உங்கள் நகரம், மாநிலம், ஆர்டிஓ பதிவு மற்றும் இன்சூரன்ஸ் விதிகளுக்கு ஏற்ப மாறலாம். லோன் EMI நீங்கள் செலுத்தும் முன்பணம், வங்கி வட்டி விகிதங்கள் மற்றும் கடன் காலத்தைப் பொறுத்தது. இறுதி முடிவு எடுப்பதற்கு முன், உங்கள் அருகிலுள்ள டீலரைத் தொடர்புகொண்டு சமீபத்திய விலைகள் மற்றும் சலுகைகளை உறுதிப்படுத்திக்கொள்ளுங்கள்.