இவ்வளவு கம்மியா? மலிவு விலையில் கிடைக்கக்கூடிய சிறந்த EV ஸ்கூட்டர்கள்
இந்தியாவில் விரைவில் அறிமுகமாகவுள்ள மலிவு விலை மின்சார ஸ்கூட்டர்கள் குறித்த தகவல்கள் இக்கட்டுரையில் உள்ளன. ஹீரோ விடா VX2, சுசூகி இ-ஆக்சஸ், புதிய பஜாஜ் ஸ்கூட்டர், டிவிஎஸ் ஆர்பிட்டர் ஆகியவை இதில் அடங்கும்.
Hero Vida VX2
இந்திய வாகனச் சந்தையில் மின்சார வாகனங்களின் வரவேற்பு அதிகரித்து வருவதால், இருசக்கர வாகன உற்பத்தியாளர்கள் மலிவு விலை மின்சார ஸ்கூட்டர்களை அறிமுகப்படுத்த தயாராகி வருகின்றனர். அன்றாட பயணங்களுக்கு ஏற்றதாகவும், எரிபொருள் சிக்கனமாகவும், நவீன வடிவமைப்பு மற்றும் தொழில்நுட்பங்களுடன் கூடியதாகவும் இந்த ஸ்கூட்டர்கள் இருக்கும். விரைவில் அறிமுகமாகவுள்ள நான்கு மலிவு விலை மின்சார ஸ்கூட்டர்கள் குறித்த முக்கிய தகவல்கள் இங்கே.
ஹீரோ விடா VX2
2025 ஜூலை 1 அன்று அறிமுகமாகவுள்ள ஹீரோ விடா VX2, மலிவு விலை மின்சார ஸ்கூட்டராக இருக்கும். 2024 EICMA-வில் காட்சிப்படுத்தப்பட்ட விடா Z-ஐ அடிப்படையாகக் கொண்டது. விடா V2-ல் உள்ள சில அம்சங்கள் VX2-ல் இருக்காது. V2 தற்போது V2 ப்ரோ, V2 பிளஸ், V2 லைட் என மூன்று வகைகளில் கிடைக்கிறது.
Suzuki E Access
சுசூகி இ-ஆக்சஸ்
2025 ஆட்டோ எக்ஸ்போவில் சுசூகி இ-ஆக்சஸ் அறிமுகப்படுத்தப்பட்டது. 3.07kWh LFP பேட்டரி மற்றும் ஸ்விங் ஆர்ம் மவுண்டட் மோட்டார் கொண்டது. இந்த மோட்டார் 4.1kW பவர் மற்றும் 15Nm டார்க் திறன் கொண்டது. 95 கிமீ IDC ரேஞ்ச் மற்றும் 71 கிமீ வேகம் வழங்கும். எக்கோ, ரைடு A, ரைடு B என மூன்று ரைடிங் மோடுகள் உள்ளன.
Bajaj Electric Scooter
புதிய பஜாஜ் மின்சார ஸ்கூட்டர்
பஜாஜ் ஆட்டோ விரைவில் மலிவு விலை மின்சார ஸ்கூட்டரை அறிமுகப்படுத்தவுள்ளது. சேத்தக் 3503-க்கு கீழே இது இருக்கும். சேத்தக் 2903-ஐ அடிப்படையாகக் கொண்டது. ஃப்ளோர்போர்டு மவுண்டட் பேட்டரி மூலம் அதிக ரேஞ்ச் மற்றும் சீட்டின் கீழ் அதிக இடம் கிடைக்கும்.
TVS Electric Scooter
டிவிஎஸ் ஆர்பிட்டர்
டிவிஎஸ் மோட்டார்ஸ் மலிவு விலை மின்சார ஸ்கூட்டரை உருவாக்கி வருகிறது. டிவிஎஸ் ஆர்பிட்டர் எனப் பெயரிடப்படலாம். டிவிஎஸ் ஐக்யூப் வடிவமைப்பை அடிப்படையாகக் கொண்டது. Bosch ஹப் மவுண்டட் மோட்டார் கொண்டிருக்கும். ஐக்யூப், ஜூபிடர், XL ஆகியவற்றுக்கு கீழே இது இருக்கும்.