- Home
- Astrology
- Venus Transit: சுக்கிர பெயர்ச்சி 2026.. இந்த 5 ராசிகளுக்கு பணம், வேலை விஷயத்தில் நல்ல வாய்ப்பு!
Venus Transit: சுக்கிர பெயர்ச்சி 2026.. இந்த 5 ராசிகளுக்கு பணம், வேலை விஷயத்தில் நல்ல வாய்ப்பு!
Venus Transit: சுக்கிரன் துலாம் ராசியில் சஞ்சரிக்கும் காலம் சில ராசிகளுக்கு முக்கியமானதாக இருக்கலாம். குறிப்பாக பணம், வேலை, தொழில், குடும்ப உறவுகள் போன்ற விஷயங்களில் மாற்றங்கள் ஏற்பட வாய்ப்பு இருப்பதாக ஜோதிடர்கள் கருதுகின்றனர்.
சுக்கிர பெயர்ச்சி பலன்கள்
வேத ஜோதிடத்தில் சுக்கிரன் காதல், அழகு, வசதி, செல்வம், உறவுகள் உள்ளிட்ட விஷயங்களுடன் தொடர்புடைய கிரகமாகக் கருதப்படுகிறார். சுக்கிரன் தனது சொந்த ராசியான துலாமில் இருப்பது ஜோதிட ரீதியாக முக்கியமான நிலையாக பார்க்கப்படுகிறது. 2026-ம் ஆண்டு சுக்கிரன் செப்டம்பர் 2-ம் தேதி துலாம் ராசியில் நுழைந்ததாக ஜோதிடக் கணக்குகள் தெரிவிக்கின்றன. நவம்பர் 6-ம் தேதி அதிகாலை வரை இந்த நிலையில் இருந்து கன்னி ராசிக்கு செல்கிறது. அதன் பிறகு நவம்பர் 22-ம் தேதி மீண்டும் துலாம் ராசிக்குள் சுக்கிரன் நுழைகிறது. இதனால் தற்போது முதல் நவம்பர் தொடக்கம் வரையிலான காலத்தை சுக்கிர பெயர்ச்சியாக எடுத்துக்கொண்டு ஜோதிட பலன்கள் கூறப்படுகின்றன.
கன்னி
இதில் கன்னி ராசிக்காரர்களுக்கு பண வரவு மற்றும் செலவுகளை சீர்படுத்துவதற்கான வாய்ப்புகள் கிடைக்கலாம் என்று ஜோதிட நம்பிக்கை கூறுகிறது. நீண்ட நாட்களாக முடியாமல் இருந்து நகரத் தொடங்கலாம் என்றும், வேலை தேடுபவர்களுக்கு சில புதிய வாய்ப்புகள் வரலாம் என்றும் கூறப்படுகிறது. குடும்பம் மற்றும் காதல் உறவுகளில் இருந்த கருத்து வேறுபாடுகள் படிப்படியாக குறைய வாய்ப்பு இருப்பதாகவும் ஜோதிடர்கள் கருதுகின்றனர். இவை அனைத்தும் பொதுவான ராசி பலன்கள் மட்டுமே என்பதால், ஒவ்வொருவரின் பிறந்த நேரம் மற்றும் தனிப்பட்ட ஜாதக அமைப்புக்கு ஏற்ப பலன்கள் மாறுபடலாம்.
துலாம்
துலாம் ராசிக்காரர்களுக்கு இந்த பெயர்ச்சி காலம் ஜோதிட ரீதியாக குறிப்பிடத்தக்கதாக பார்க்கப்படுகிறது. காரணம், சுக்கிரனே துலாம் ராசியின் அதிபதியாக இருப்பதால், சுக்கிரன் தனது சொந்த ராசியில் சஞ்சரிப்பதாகக் கணக்கிடப்படுகிறது. இதனால் வேலை தொடர்பாக புதிய பொறுப்புகள் கிடைப்பது, ஏற்கனவே செய்து வரும் பணியில் மாற்றங்கள் ஏற்படுவது அல்லது புதிய வாய்ப்புகள் கிடைப்பது போன்ற பலன்கள் இருக்கலாம் என்று ஜோதிட நம்பிக்கைகள் கூறுகின்றன. தொழில் செய்து வருபவர்களுக்கு புதிய தொடர்புகள் அல்லது முன்னேற்றத்திற்கான வாய்ப்புகள் உருவாகலாம் என்றும் கருதப்படுகிறது.
கும்பம்
கும்ப ராசிக்காரர்களுக்கு வேலை மற்றும் தொழிலில் நீண்ட நாட்களாக இருந்து வந்த சில சிக்கல்கள் குறையக்கூடும். பணிச்சுமை குறைவதால் புதிய உற்சாகம். குடும்பத்தினரின் ஆதரவு கிடைப்பதற்கும் வாய்ப்பு இருக்கலாம். வருமானத்துக்கு ஏற்றவாறு செலவுகளை திட்டமிடுவதன் மூலம் பண நிலையை சீர்படுத்த முடியும் என்ற எண்ணமும் உருவாகலாம்.
மகரம்
மகர ராசிக்காரர்களுக்கு புதிய முயற்சிகளை தொடங்குவதற்கான ஆர்வம் அதிகரிக்கலாம். தொழில், தனிப்பட்ட அல்லது புதிய திட்டம் குறித்து நீண்ட நாட்களாக யோசித்து வந்தவர்கள் அதை செயல்படுத்துவதற்கான சூழல் உருவாகலாம் என்று ஜோதிட நம்பிக்கை கூறுகிறது. முன்பு தடைபட்ட வேலைகள் மீண்டும் நகரத் தொடங்கலாம். பண நிலை மெதுவாக மேம்படுவதால் சேமிப்பில் கவனம் செலுத்தும் வாய்ப்பும் இருக்கலாம்.
தனுசு
தனுசு ராசிக்காரர்களுக்கு வருமானம் மற்றும் குடும்ப வாழ்க்கை தொடர்பான விஷயங்களில் சாதகமான மாற்றங்கள் ஏற்படும் என்று ஜோதிட நம்பிக்கைகள் கூறுகின்றன. கூடுதல் வருமானத்துக்கான வாய்ப்புகள் உருவாகலாம் என்றும், முன்பு செய்த முதலீடுகள் தொடர்பாக சாதகமான தகவல்கள் கிடைக்கலாம் என்றும் பொதுவான பலன்கள் தெரிவிக்கின்றன. குடும்பத்தினருடன் அதிக நேரம் செலவிடுவதால் உறவுகளில் நெருக்கமும் புரிதலும் அதிகரிக்கலாம்.
