- Home
- Astrology
- Sun Transit: கத்திரி வெயிலுக்கு நடுவே! மேஷம், சிம்மம் உட்பட இந்த 4 ராசிகளுக்கு அடிக்கப்போகுது மெகா ஜாக்பாட்!
Sun Transit: கத்திரி வெயிலுக்கு நடுவே! மேஷம், சிம்மம் உட்பட இந்த 4 ராசிகளுக்கு அடிக்கப்போகுது மெகா ஜாக்பாட்!
Zodiac Signs: சூரிய பகவான் கிருத்திகை நட்சத்திரத்தில் இருந்து ரோகிணி நட்சத்திரத்திற்குள் நுழைகிறார். இந்த நட்சத்திரப் பெயர்ச்சியால் பூமியின் வெப்பம் அதிகரிப்பதுடன் 4 ராசிக்காரர்களின் அதிர்ஷ்டம் பண வரவு அதிகரிக்கப் போகிறது.
சூரிய பகவான்
ஆன்மீகம், அறிவியல் என இரு தரப்பிலும் அக்னி நட்சத்திரக் காலம் மிக முக்கியமாக கருதப்படுகிறது. இந்த மே மாதத்தில் வானிலை மாற்றங்களுக்கு நடுவே, கிரகங்களின் அரசனான சூரிய பகவான் தனது நட்சத்திரப் பாதையை மாற்றவிருக்கிறார். ஜோதிடக் கணக்கீடுகளின்படி, சூரிய பகவான் கிருத்திகை நட்சத்திரத்தில் இருந்து விலகி, சுபத்துவம் வாய்ந்த ரோகிணி நட்சத்திரத்திற்குள் நுழைகிறார். சூரியன் ரோகிணி நட்சத்திரத்தில் சஞ்சரிக்கும் இந்த காலகட்டம், பூமியின் வெப்பத்தைத் தீவிரமாக்குவதுடன், அனைத்து ராசிகளின் வாழ்விலும் பெரிய மாற்றங்களை ஏற்படுத்தும். குறிப்பாக, இந்த நட்சத்திரப் பெயர்ச்சியால் 4 ராசிக்காரர்களின் அதிர்ஷ்டம் பிரகாசமாக ஜொலித்து, பண வரவு அதிகரிக்கப் போகிறது. அந்த அதிர்ஷ்ட ராசிகள் எவை என்பதை பார்ப்போம்.
மேஷம் - நிதி ஆதாயமும் புதிய வேலை வாய்ப்பும்
மேஷ ராசிக்காரர்களுக்கு இந்த சூரிய நட்சத்திரப் பெயர்ச்சியானது பொருளாதார ரீதியாகப் பொற்காலமாக அமையப் போகிறது. நீண்ட நாட்களாக வராமல் இழுபறியாக இருந்த நிலுவைப்பணம் கைக்கு வந்து சேரும். புதிய வருமான வாய்ப்புகள் உங்களை தேடி வரும். அலுவலகத்தில் உங்கள் திறமைக்குத் தகுந்த நற்பெயர் கிடைக்கும். மேலதிகாரிகளின் முழு ஆதரவோடு பதவி உயர்வு கிடைக்கலாம். வேலை தேடிக்கொண்டிருக்கும் இளைஞர்களுக்கு நல்ல நிறுவனத்தில் வேலை அமையும்.
சிம்மம் - இரட்டிப்பு லாபமும் கௌரவமும்
சிம்ம ராசியின் அதிபதியே சூரிய பகவான் என்பதால், இந்த ரோகிணி நட்சத்திரப் பிரவேசம் உங்களுக்குப் பிரம்மாண்டமான நன்மைகளை கொட்டி கொடுக்கப்போகிறது. உங்களது தொழில் சார்ந்த பேச்சுவார்த்தைகள் வெற்றியில் முடியும். புதிய கூட்டுத் தொழில் ஒப்பந்தங்கள் கையெழுத்தாகி, உங்களது லாபத்தை இரட்டிப்பாக்கும். உங்கள் உழைப்பிற்கு ஏற்ற அங்கீகாரம் கிடைப்பதுடன், சமூகத்தில் மதிப்பும், கௌரவமும் பல மடங்கு உயரும். உங்களது தன்னம்பிக்கை அதிகரிக்கும்.
கன்னி - புதிய சொத்துச் சேர்க்கையும் ஆரோக்கியமும்
கன்னி ராசியில் பிறந்தவர்களுக்கு இந்த காலகட்டம் நீண்ட நாள் கனவுகளை நனவாக்கும் காலமாக மாறப்போகிறது. சொந்தமாக வீடு, மனை அல்லது புதிய வாகனம் வாங்க வேண்டும் என்று நீண்ட நாட்களாகத் திட்டமிட்டுக் கொண்டிருந்தவர்களின் ஆசை இப்போது நிறைவேறும். குடும்பத்தில் இருந்த மனக்கசப்புகள், பதற்றங்கள் நீங்கி அமைதி உண்டாகும். பிள்ளைகள் வழியில் சுப செய்திகள் வந்து சேரும். நீண்ட நாள் ஆரோக்கியக் குறைபாடுகள் நீங்கி உடல்நிலை சீராகும்.
தனுசு - அசுர வேக பண வரவும் முதலீடுகளும்
பொருளாதார ரீதியாகப் பார்க்கும்போது தனுசு ராசிக்காரர்களுக்கு இந்த நட்சத்திரப் பெயர்ச்சி ஒரு ஜாக்பாட் என்றே கூறலாம். புதிய வழிகளில் தன லாபம் உண்டாகும். உங்களது சேமிப்பு கணிசமாக உயரும். தொழில் மற்றும் ஷேர் மார்க்கெட்டில் புதிய முதலீடுகளைச் செய்வதற்கு இதுவே மிகச்சிறந்த காலகட்டம். இப்போது நீங்கள் செய்யும் முதலீடுகள், எதிர்காலத்தில் உங்களுக்குப் பல மடங்கு அள்ளிக் கொடுக்கும் லாபமாக மாறப்போகிறது.
