- Home
- Astrology
- 2026-ல் சனி பகவான் இந்த 4 ராசிகளுக்கு அதிர்ஷ்டத்தை வாரி வாரி வழங்கப் போகிறார்.! உங்க ராசி இருக்கா?
2026-ல் சனி பகவான் இந்த 4 ராசிகளுக்கு அதிர்ஷ்டத்தை வாரி வாரி வழங்கப் போகிறார்.! உங்க ராசி இருக்கா?
Sani Peyarchi 2026: 2026 ஆம் ஆண்டில் சனி பகவான் 4 ராசிகளுக்கு சுப பலன்களையும், அதிர்ஷ்டத்தையும் வாரி வழங்க இருக்கிறார். அது குறித்து இந்த பதிவில் பார்க்கலாம்.
சனி பெயர்ச்சி 2026
2026 ஆம் ஆண்டு ஜோதிட ரீதியாக எப்படி இருக்க போகிறது என்பதை அறிவதற்கு பலரும் ஆவலாக இருக்கின்றனர். குறிப்பாக சனி பகவானின் நிலை குறித்து தெரிந்து கொள்ள மக்கள் ஆர்வம் காட்டி வருகின்றனர். 2026 ஆம் ஆண்டு சனி பகவான் மீன ராசியில் சஞ்சரிக்கிறார். இரண்டரை ஆண்டுகளுக்கு ஒருமுறை ராசியை மாற்றும் அவர், 2026 முழுவதும் மீன ராசியிலேயே பயணிக்கிறார். இதன் காரணமாக புதிய ஆண்டில் சனி பகவானின் ஆசியை நான்கு ராசிக்காரர்கள் முழுமையாகப் பெற இருக்கின்றனர். அது குறித்து இங்கு விரிவாகப் பார்க்கலாம்.
ரிஷபம்
ரிஷப ராசிக்காரர்களுக்கு சனி பகவான் 11-வது வீடான லாப ஸ்தானத்தில் சஞ்சரிக்கிறார். சனி பகவான் லாப ஸ்தானத்தில் இருப்பது என்பது மிகப் பெரிய பண வரவைக் குறிக்கும். எனவே 2026 ஆம் ஆண்டு ரிஷப ராசிக்காரர்கள் பொருளாதார ரீதியாக புதிய உயரத்தை பெறப்போகிறீர்கள். இந்த ஆண்டில் உங்களுக்கு பணக்கஷ்டம் எதுவும் ஏற்படாது. தொழிலில் புதிய முதலீடுகளை செய்து லாபத்தை அதிகரிப்பீர்கள். நிலுவையில் இருந்த பாக்கிகள் வசூலாகும். நீண்ட நாள் கனவான புது வீடு வாங்கும் யோகம் உருவாகும். சனி பகவான் உங்கள் கடின உழைப்புக்கு ஏற்ற பலன்களை இரட்டிப்பாக்கி தருவார்.
கன்னி
கன்னி ராசிக்கு சனி பகவான் ஆறாம் வீட்டில் சஞ்சரிக்க இருக்கிறார். ஆறாம் வீடு சத்ரு, ரோக ஸ்தானம் ஆகும். பொதுவாக சனி பகவான் 3, 6, 11 ஆகிய இடங்களில் அமரும் பொழுது அது அந்த ராசியினருக்கு அசுர வளர்ச்சியைத் தரும் என்பது விதியாகும். ஆறாம் வீட்டில் சனி பகவான் அமர்வால் உங்கள் எதிரிகளை வீழ்த்தும் வல்லமையைப் பெறுவீர்கள். நீண்ட நாட்களாக உங்களை தொந்தரவு செய்து வந்த கடன் பிரச்சனைகள் நீங்கும். உங்களை வாட்டி வதைத்து வந்த உடல்நலக் கோளாறுகள் நீங்கி, மனநிம்மதி பெறுவீர்கள். உத்தியோகத்தில் பதவி உயர்வு மற்றும் ஊதிய உயர்வு கிடைப்பதற்கான அதிக வாய்ப்பு உள்ளது.
தனுசு
தனுசு ராசியினர் 2026 ஆம் ஆண்டு ஏழரை சனி முழுமையாக முடிந்து விடுதலைப் பெற இருக்கிறீர்ரகள். சனி பகவான் 4ஆம் வீடான சுக ஸ்தானத்தில் சஞ்சரிக்க இருக்கிறார். இதன் காரணமாக இத்தனை ஆண்டுகள் ஏழரை சனியால் பட்ட கஷ்டங்கள் அனைத்தும் விலகும். சனி பகவான் உங்களுக்கு சுப போகங்களை வழங்கத் தொடங்குவார். குடும்பத்தில் இருந்த கஷ்டங்கள், குழப்பங்கள் அனைத்தும் நீங்கி அமைதி நிலவும். திருமணம், வளைகாப்பு போன்ற தடைபட்டு வந்த சுபகாரியங்கள் இனிதே நடக்கும். புதிய வாகனம், சொத்துக்கள் வாங்கும் யோகம் சிறப்பாக உள்ளது. சனி பகவானின் பரிபூரண ஆசி இருப்பதால் 2026 ஆம் ஆண்டு மகிழ்ச்சி கொடுக்கும் ஆண்டாக அமையும்.
கும்பம்
கும்ப ராசிக்காரர்களுக்கு சனி பகவான் அதிபதியாவார். 2026 இல் இவர்களுக்கு ஏழரை சனியின் கடைசி கட்டமான பாத சனி நடக்கிறது. சனி பகவான் தனது சொந்த ராசியின் மீதான பார்வையை விலக்கிக் கொள்ளும் நேரத்தில் தான் கற்றுக் கொடுத்த பாடங்களுக்கு பரிசாக அதிர்ஷ்டத்தை வாரி வழங்க இருக்கிறார். எனவே 2026 ஆம் ஆண்டு கும்ப ராசிக்காரர்களுக்கு அதிர்ஷ்ட காற்று வீசும் ஆண்டாக இருக்கும். வெளிநாடு செல்லும் முயற்சிகள் கைகூடும். தொழிலில் இருந்த மந்த நிலைகள் நீங்கி புதிய கிளைகளை தொடங்கும் அளவிற்கு வளர்ச்சி ஏற்படும். சமூகத்தில் மதிப்பும், மரியாதையும் உயரும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
