- Home
- Astrology
- Astrology: ஒரே நேரத்தில் வக்ர நிவர்த்தி அடையும் சனி-புதன்.! 5 ராசிகளுக்கு கோடீஸ்வர யோகம் கிடைக்கும்.!
Astrology: ஒரே நேரத்தில் வக்ர நிவர்த்தி அடையும் சனி-புதன்.! 5 ராசிகளுக்கு கோடீஸ்வர யோகம் கிடைக்கும்.!
Shani Budh Margi 2025: நவம்பர் இறுதியில் சனி பகவானும், புதன் பகவானும் வக்ர நிவர்த்தி அடைவது பல ராசிக்காரர்களுக்கு திருப்பு முனையாக அமைய உள்ளது. அது குறித்து இந்த பதிவில் பார்க்கலாம்.
வக்ர பெயர்ச்சி என்றால் என்ன?
ஜோதிடத்தில் கிரகங்கள் குறிப்பிட்ட கால இடைவெளியில் தங்கள் ராசியை மாற்றுகின்றன. சில கிரகங்கள் பின்னோக்கி செல்வது போல தோன்றும் நிலை வக்ரம் என்று அழைக்கப்படுகிறது. இது முடிவுக்கு வந்து கிரகம் மீண்டும் முன்னோக்கி நேர்கதியில் செல்லத் தொடங்குவது வக்ர நிவர்த்தி என்று அழைக்கப்படுகிறது. வக்ர நிலையால் ஏற்பட்ட தாமதங்கள், குழப்பங்கள் நீங்கி அந்த கிரகத்தின் தாக்கம் மீண்டும் வலுப்பெற்று சாதகமான பலன்களை அளிக்கத் தொடங்கும்.
வக்ர நிவர்த்தி அடையும் சனி மற்றும் புதன்
நவம்பர் 2025 இறுதியில் சனி மற்றும் புதன் பகவான் இருவரும் வக்ர நிவர்த்தி அடைய உள்ளனர். மீன ராசியில் வக்ர நிலையில் பயணித்து வரும் சனி பகவான் நவம்பர் 28 காலை 9:20 மணி முதல் நேர்கதி அடைய உள்ளார். சுமார் 4.5 மாதங்களாக சனியின் வக்ரப் பெயர்ச்சியினால் தொழில், உத்தியோகம் வாழ்க்கையில் ஏற்பட்ட மந்த நிலை பிரச்சனைகள் விலகவுள்ளது. அதேபோல் நவம்பர் 30-ஆம் தேதி புதன் பகவானும் வக்ர நிவர்த்தியடையுள்ளார். இதனால் வாழ்வில் இருந்த குழப்பங்கள், வணிகத்தில் ஏற்பட்ட தடைகள் நீங்கி தெளிவும், வேகமும் பிறக்க உள்ளது.
மிதுனம்
மிதுன ராசிக்காரர்களுக்கு தொழில் மற்றும் வணிகத்தில் இருந்து வந்த பிரச்சனைகள் நீங்கி புதிய வாய்ப்புகள் கிடைக்கும். புதிய சொத்துக்கள் வாகனம் வாங்கும் யோகம் கைகூடும். குடும்பத்தில் இருந்து வந்த குழப்பங்கள் நீங்கி, மகிழ்ச்சி அதிகரிக்கும். தாயின் ஆரோக்கியம் மேம்படும்.
துலாம்
துலாம் ராசிக்காரர்களுக்கு ஆரோக்கியத்தில் இருந்து வந்த பிரச்சனைகள் சரியாகும். உடல்நலக் கோளாறுகள் நீங்கும். மனதில் இருந்த குழப்பங்கள் நீங்கி, தெளிவு பிறக்கும். குழந்தை பாக்கியம் தொடர்பான முயற்சிகள் வெற்றிபெறும். மாணவர்கள் கல்வியில் சிறந்து விளங்குவார்கள்.
மகரம்
மகர ராசிக்காரர்களுக்கு வீண் செலவுகள் குறைந்து, பணவரவு அதிகரிக்கும். தொழிலில் லாபம் கிடைக்கும். திருமணமானவர்களுக்கு வாழ்வில் மகிழ்ச்சி பெருகும். ஆரோக்கியத்தில் இருந்த பிரச்சனைகள் தீரும். பல வழிகளில் இருந்து பணம் தேடி வரும்.
மீனம்
மீன ராசியில் சனி பகவான் நேர்ததியில் செல்ல இருப்பதால் கடந்த சில மாதங்களாக தடைபட்டு நின்ற வேலைகள் வேகமெடுக்கும். நிதி நிலைமை சீராகி லாபம் கிடைக்கும். ஏற்கனவே செய்த முதலீடுகளில் இருந்து நல்ல வருமானம் கிடைக்கும். அதிர்ஷ்டம் பிரகாசிக்கும்.
கன்னி
கன்னி ராசிக்காரர்களுக்கு வாழ்க்கையில் திடீர் திருப்பங்கள், மாற்றங்கள் ஏற்படும். அறிவாற்றல் மற்றும் புத்திக்கூர்மை மேம்படும். தொழில் மற்றும் உத்தியோகத்தில் முன்னேற்றம் காணப்படும். நிதி நிலை சீராகும். பொருளாதார ஸ்திரத்தன்மை கிடைக்கும். சேமிப்புத் திறன் அதிகரிக்கும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
