- Home
- Astrology
- Astrology : சிம்ம ராசியில் அரங்கேறும் கிரக விளையாட்டு... டேஞ்சர் ஜோனில் சிக்கிய 4 ராசிகள்...!
Astrology : சிம்ம ராசியில் அரங்கேறும் கிரக விளையாட்டு... டேஞ்சர் ஜோனில் சிக்கிய 4 ராசிகள்...!
Mercury Sun Ketu Conjunction : புதன் ஏற்கனவே சிம்ம ராசியில் பிரவேசித்து, கேது மற்றும் சூரியனுடன் இணைந்துள்ளது. இதன் காரணமாக, 4 ராசிகளைச் சேர்ந்தவர்கள் பல பிரச்சனைகளை சந்திக்க நேரிடலாம்.
Mercury Sun Ketu Conjunction
ஜோதிடக் கணிப்புகளின்படி, கிரகங்களின் இளவரசனாகக் கருதப்படும் புதன் ஆகஸ்ட் 22ஆம் தேதி சிம்ம ராசிக்குள் நுழைந்தார். ஏற்கனவே சிம்மத்தில் சூரியனும் கேதுவும் சஞ்சரித்து வருவதால், இந்த மூன்று கிரகங்களின் சேர்க்கை உருவாகியுள்ளது. இந்த கிரக நிலை செப்டம்பர் 7ஆம் தேதி வரை நீடிக்கும் எனக் கூறப்படுகிறது. அதன்பிறகு புதன் கன்னி ராசிக்கு நகர்கிறார்.
புதன் அறிவு, பேச்சுத்திறன், வியாபாரம், கணக்கீடு மற்றும் சிந்தனையை குறிக்கிறார். சூரியன் தன்னம்பிக்கை, அதிகாரம், தலைமைப் பண்பு ஆகியவற்றுடன் தொடர்புடையவர். கேது எதிர்பாராத மாற்றங்கள், குழப்பம் மற்றும் உள்ளார்ந்த சிந்தனைகளைக் குறிக்கும் கிரகமாக பார்க்கப்படுகிறது. எனவே, இந்த மூன்று கிரகங்களின் கூட்டணி ஒவ்வொரு ராசிக்கும் வெவ்வேறு விதமான தாக்கங்களை ஏற்படுத்தக்கூடும்.
குறிப்பாக, தொழில், பணியிடம், உறவுகள் மற்றும் முக்கிய முடிவுகளில் சில ராசிக்காரர்கள் கூடுதல் கவனத்துடன் செயல்பட வேண்டிய சூழல் உருவாகலாம். அந்த வகையில், இந்த காலகட்டத்தில் எச்சரிக்கையாக இருக்க வேண்டிய 4 ராசிகள் எவை என்பதை பார்க்கலாம்.
ரிஷபம்
புதன், சூரியன் மற்றும் கேதுவின் சேர்க்கை ரிஷப ராசியினரின் குடும்பம் மற்றும் தொழில் சார்ந்த விஷயங்களில் அழுத்தத்தை ஏற்படுத்தக்கூடும். வீட்டில் உருவாகும் சில பிரச்சனைகள் உங்கள் மனநிலையையும் பணியிலும் பாதிக்க வாய்ப்புள்ளது.
வேலையில் எதிர்பாராத மாற்றங்கள் வரலாம். புதிய பொறுப்புகள் அல்லது பணிச்சுமை அதிகரிப்பதால் சோர்வு ஏற்படலாம். இதேபோல், காதல் மற்றும் குடும்ப உறவுகளில் தேவையற்ற தவறான புரிதல்கள் உருவாகும் வாய்ப்பும் இருப்பதால், பேசும்போது நிதானத்தை கடைப்பிடிப்பது நல்லது.
மிதுனம்
மிதுன ராசியின் அதிபதியே புதன் என்பதால், இந்த கிரக நிலை உங்களுக்கு முக்கியத்துவம் வாய்ந்ததாக இருக்கலாம். வேலை தொடர்பான சந்திப்புகள், நேர்காணல்கள், பயணங்கள் மற்றும் முக்கிய ஒப்பந்தங்களில் அவசர முடிவுகளைத் தவிர்ப்பது நல்லது.
சிறிய கவனக்குறைவு கூட எதிர்பாராத சிக்கலை உருவாக்கலாம். பணியிடத்தில் உயர் அதிகாரிகளுடன் கருத்து வேறுபாடுகள் ஏற்பட வாய்ப்புள்ளதால், உங்கள் கருத்தை வெளிப்படுத்தும்போது வார்த்தைகளில் கவனம் தேவை. நிதி விஷயங்களிலும் அவசர முதலீடுகளை செய்வதை தவிர்ப்பது பாதுகாப்பானது.
கன்னி
கன்னி ராசியினருக்கு இந்த கிரக சேர்க்கை வேலை மற்றும் மனநிலை சார்ந்த விஷயங்களில் அழுத்தத்தை ஏற்படுத்தலாம். ஒரு விஷயத்தைப் பற்றி அதிகமாக சிந்திப்பதால் குழப்பம் அதிகரித்து, சரியான நேரத்தில் முடிவெடுக்க முடியாத சூழல் உருவாகக்கூடும்.
பணியிடத்தில் ஏற்படும் சிறிய பிரச்சனைகளையும் பெரிதாக எடுத்துக்கொள்ளாமல் நிதானமாக அணுக வேண்டும். குடும்பச் சூழலில் ஏற்படும் சில கருத்து வேறுபாடுகள் மன அழுத்தத்தை அதிகரிக்கலாம். நண்பர்கள் மற்றும் சக ஊழியர்களுடன் தேவையற்ற வாக்குவாதங்களைத் தவிர்ப்பதும் முக்கியம்.
கும்பம்
கும்ப ராசிக்காரர்களுக்கு கூட்டாண்மை, வாடிக்கையாளர்கள், தொழில் மற்றும் வியாபாரம் தொடர்பான விஷயங்களில் இந்த கிரக சேர்க்கை சில சவால்களை ஏற்படுத்தக்கூடும். முக்கிய தொழில் முடிவுகளை எடுக்கும்போது குழப்பம் அல்லது மன அழுத்தம் ஏற்பட வாய்ப்புள்ளது.
பணியிடத்தில் உயர் அதிகாரிகளுடன் வாக்குவாதம் செய்வதை தவிர்க்க வேண்டும். தொழில் கூட்டாளிகள் அல்லது வாடிக்கையாளர்களுடன் பேசும்போதும் நிதானமாக அணுகுவது அவசியம். திருமண மற்றும் காதல் உறவுகளில் அகந்தை அல்லது தவறான புரிதல்கள் இடம் பெறாமல் கவனமாக இருக்க வேண்டும். அதிகப்படியான மன அழுத்தம் மற்றும் சோர்வு ஏற்படாத வகையில் ஓய்வுக்கும் முக்கியத்துவம் கொடுப்பது நல்லது.
