- Home
- Astrology
- Mars Transit : ஜூன் 20-ல் ராசி மாறும் செவ்வாய்... எந்தெந்த ராசிக்கு செவ்வாய் பெயர்ச்சியால் அதிக பாதிப்பு ஏற்படும்?
Mars Transit : ஜூன் 20-ல் ராசி மாறும் செவ்வாய்... எந்தெந்த ராசிக்கு செவ்வாய் பெயர்ச்சியால் அதிக பாதிப்பு ஏற்படும்?
Mars Transit 2026 : ஜூன் 20-ம் தேதி செவ்வாய் கிரகம் எந்த ராசியிலிருந்து எந்த ராசிக்கு மாறுகிறது? இந்த செவ்வாய் பெயர்ச்சியால் எந்தெந்த ராசிகளுக்கு அதிக பாதிப்பு ஏற்படும்? என்பதை விரிவாக பார்க்கலாம்.
Mars Transit 2026
ஜோதிட சாஸ்திரத்தில் செவ்வாய் ஒரு கோபமான, குரூரமான கிரகமாக பார்க்கப்படுகிறது. இந்த கிரகம் மேஷம் மற்றும் விருச்சிக ராசிகளின் அதிபதியாகும். 2026 ஜூன் 20-ம் தேதி, செவ்வாய் கிரகம் மேஷ ராசியிலிருந்து ரிஷப ராசிக்கு பெயர்ச்சி அடைகிறார். ஆகஸ்ட் 2-ம் தேதி வரை அங்கேயே இருப்பார். ரிஷப ராசியில் இருக்கும் செவ்வாய் மீது சனியின் மூன்றாவது பார்வையும், கேது மீது செவ்வாயின் பார்வையும் இருக்கும். இந்த செவ்வாய் பெயர்ச்சி 12 ராசிக்காரர்களின் வாழ்க்கையிலும் தாக்கத்தை ஏற்படுத்தும். எந்த ராசிக்கு என்ன பலன் என்று விரிவாகப் பார்க்கலாம்.
மேஷம்
உங்கள் ராசிக்கு இரண்டாம் வீட்டில் செவ்வாய் பெயர்ச்சி ஆவதால், பல நல்ல மாற்றங்கள் வரலாம். நீண்ட நாட்களாக கிடப்பில் போட்ட வேலைகள் வேகம் பிடிக்கும். தடைபட்ட வேலைகள் முடிவுக்கு வரும். பண வரவு அதிகரிக்கும், வருமானத்திற்கு புதிய வழிகள் பிறக்கும்.
ரிஷபம்
உங்கள் ராசியிலேயே செவ்வாய் பெயர்ச்சி நடப்பதால், இதன் தாக்கம் உங்களுக்கு அதிகமாகவே இருக்கும். தொழில், வியாபாரம் மற்றும் சமூக வாழ்க்கையில் நல்ல பலன்கள் கிடைக்கும். மதிப்பும் மரியாதையும் உயரும். மக்கள் மத்தியில் உங்கள் செல்வாக்கு அதிகரிக்கும். லாபம் ஈட்ட நல்ல வாய்ப்புகள் அமையும்.
மிதுனம்
பன்னிரண்டாம் வீட்டில் செவ்வாய் இருப்பதால், நீங்கள் கவனமாக இருக்க வேண்டும் என்பதற்கான அறிகுறி இது. இந்த நேரத்தில் அவசரப்பட்டு எந்த முடிவையும் எடுக்க வேண்டாம். எதிரிகள் சுறுசுறுப்பாக இருந்து உங்கள் வேலைகளில் தடையை ஏற்படுத்த முயற்சிப்பார்கள். செலவுகள் அதிகரிக்கலாம். யோசித்து முடிவெடுப்பது நல்லது.
கடகம்
பதினொன்றாம் வீட்டில் செவ்வாய் இருப்பதால் லாபமும் முன்னேற்றமும் உண்டாகும். சொத்து, நிலம், வீடு அல்லது வாகனம் தொடர்பான விஷயங்களில் வெற்றி கிடைக்க வாய்ப்புள்ளது. வியாபாரத்தில் வளர்ச்சி ஏற்படும், லாபம் அதிகரிக்கும். அரசு தொடர்பான வேலைகளில் ஆதரவு கிடைக்கும். நண்பர்களின் உதவியும் உண்டு.
சிம்மம்
பத்தாம் வீட்டில் செவ்வாய் பெயர்ச்சி ஆவது உங்கள் தொழில் மற்றும் அந்தஸ்துக்கு மிகவும் சாதகமாக இருக்கும். வேலை செய்யும் இடத்தில் உங்கள் உழைப்புக்கு நல்ல பலன் கிடைக்கும். மேலதிகாரிகளின் ஆதரவு உங்களுக்கு உண்டு. நிலம் சம்பந்தமான விஷயங்களில் லாபம் வரலாம். வாகனம் வாங்கும் யோகமும் இருக்கிறது.
கன்னி
ஒன்பதாம் வீட்டில் செவ்வாய் இருப்பதால், உங்களுக்கு கலவையான பலன்களே கிடைக்கும். அதிர்ஷ்டம் உங்கள் பக்கம் இருந்தாலும், உறவினர்கள் அல்லது நெருங்கிய நண்பர்களுடன் கருத்து வேறுபாடுகள் வரலாம். ஆன்மீக காரியங்களில் உங்கள் ஆர்வம் அதிகரிக்கும். சொத்து விஷயங்களில் அவசரம் காட்ட வேண்டாம்.
துலாம்
எட்டாம் வீட்டில் செவ்வாய் இருப்பதால் சில சவால்கள் வரலாம். சண்டை, சச்சரவு மற்றும் டென்ஷனான சூழ்நிலைகளைத் தவிர்க்க முயற்சி செய்யுங்கள். உடல் நலத்தில் சிறப்பு கவனம் தேவை, குறிப்பாக கால் அல்லது மூட்டு சம்பந்தமான பிரச்சனைகள் வரலாம். மன அழுத்தம் முன்பை விட அதிகமாகும்.
விருச்சிகம்
ஏழாம் வீட்டில் செவ்வாய் பெயர்ச்சி ஆவது உங்களுக்கு மிகவும் அதிகமான பலன்களைத் தரும். பார்ட்னர்ஷிப் தொழில்களில் வெற்றி கிடைக்கும். திருமண வாழ்க்கையில் நல்ல மாற்றங்கள் ஏற்படும். கோர்ட்-கேஸ் அல்லது சர்ச்சைக்குரிய விஷயங்களில் உங்களுக்கு சாதகமாக தீர்ப்பு வரலாம். புதிய வேலைகளைத் தொடங்கலாம்.
தனுசு
ஆறாம் வீட்டில் செவ்வாய் இருப்பதால் உங்களுக்கு நிம்மதியும் வெற்றியும் கிடைக்கும். உடல்நலப் பிரச்சனைகள் சரியாகும், பழைய நோய்களிலிருந்து நிவாரணம் கிடைக்கலாம். தடைபட்ட வேலைகள் வேகம் பிடிக்கும், புதிய திட்டங்களைத் தொடங்கலாம். எதிரிகளை எளிதில் வெல்வீர்கள்.
மகரம்
ஐந்தாம் வீட்டில் செவ்வாய் இருப்பதால் நல்ல பலன்களே கிடைக்கும். தொழில் மற்றும் வியாபாரத்தில் முன்னேற்றம் இருக்கும். முதலீடுகள் மூலம் லாபம் கிடைக்க வாய்ப்புள்ளது. காதல் உறவுகள் வலுப்படும். திருமணமாகாதவர்களுக்குத் திருமண யோகம் கூடிவரும். பிள்ளைகள் மூலமும் நல்ல செய்தி வரலாம்.
கும்பம்
நான்காம் வீட்டில் செவ்வாய் இருப்பதால் சில பிரச்சனைகள் அதிகரிக்கலாம். குடும்ப விஷயங்களில் டென்ஷன் ஏற்படலாம், திட்டங்களில் தடைகள் வரலாம். பண நெருக்கடியை உணர்வீர்கள், எனவே செலவுகளைக் கட்டுப்படுத்துங்கள். கடன் அல்லது சட்ட விஷயங்களில் கவனமாக இருப்பது அவசியம்.
மீனம்
மூன்றாம் வீட்டில் செவ்வாய் இருப்பதால் உங்கள் தைரியம், வீரம் மற்றும் தன்னம்பிக்கை அதிகரிக்கும். புதிய திட்டங்களில் வெற்றி கிடைக்க வாய்ப்புள்ளது. வேலை மற்றும் வியாபாரத்தில் புதிய வாய்ப்புகள் வரலாம். உடன் பிறந்தவர்களின் ஆதரவு கிடைக்கும். சமூகத்தில் உங்கள் வட்டம் விரிவடையும். டார்கெட்களை சரியான நேரத்தில் முடிப்பீர்கள்.
