- Home
- Astrology
- 2026 குரு பெயர்ச்சி பலன்கள்: மேஷம் முதல் மீனம் வரை 12 ராசிகளுக்குமான ஷார்ட் அண்ட் ஸ்வீட் பலன் அண்ட் பரிகாரங்கள்!
2026 குரு பெயர்ச்சி பலன்கள்: மேஷம் முதல் மீனம் வரை 12 ராசிகளுக்குமான ஷார்ட் அண்ட் ஸ்வீட் பலன் அண்ட் பரிகாரங்கள்!
Guru Peyarchi 2026 Palan and Pariharam For all 12 Zodiac Signs: 2026-ம் ஆண்டு நிகழப்போகும் குரு பெயர்ச்சி, எந்தெந்த ராசிகளுக்குப் பண மழையையும், கோடீஸ்வர யோகத்தையும் தரப்போகிறது என்பதை விரிவாகப் பார்க்கலாம்.
2026 குரு பெயர்ச்சி பலன்கள்
நவக்கிரகங்களின் அமைச்சராகவும், முழு முதற் சுப கிரகமாகவும் விளங்குபவர் குரு பகவான். ஒருவரது ஜாதகத்தில் 'வியாழன்' என்று அழைக்கப்படும் குருவின் திருவருள் இருந்தால், இருண்ட வாழ்க்கையிலும் ஒளிவீசும். கல்வியில் ஞானம், அள்ள அள்ளக் குறையாத செல்வம், மழலைச் செல்வம் மற்றும் சமூகத்தில் தலைதூக்கி வாழும் நற்பெயர் என அனைத்து சௌபாக்கியங்களும் ஒருவருக்கு குருவருளால் மட்டுமே கைகூடும் என்பது ஐதீகம். சுகபோகங்களை வழங்கக் கூடிய குரு பகவான் வரும் ஜூன் 2ஆம் தேதி மிதுன ராசியிலிருந்து கடக ராசிக்கு பெயர்ச்சியாகிறார். குரு பகவானின் இந்த பெயர்ச்சி மேஷம் முதல் மீனம் வரையிலான 12 ராசியினருக்கு என்ன பலன்களை கொடுக்கும் என்று இப்போது சுருக்கமாக பார்க்கலாம். பின்னர் ஒவ்வொரு ராசியினருக்கும் தனித்தனியாக பார்க்கலாம்.
மேஷம் - குரு பெயர்ச்சி அதிர்ஷ்ட ராசிகள்
நிதி நிலைமையில் வியக்கத்தக்க முன்னேற்றம் ஏற்படும். பல ஆண்டுகளாக வராமல் இருந்த நிலுவைத் தொகைகள் மற்றும் வாராக்கடன்கள் எதிர்பாராத விதமாக வசூலாகும். கையில் பணப்புழக்கம் அதிகரிப்பதால், நீண்ட நாள் கடன் சுமைகளில் இருந்து விடுபடுவீர்கள். குடும்பத்தில் இருந்த குழப்பங்கள் நீங்கி மகிழ்ச்சி தங்கும். திருமண முயற்சிகள், குழந்தை பாக்கியம் போன்ற சுப நிகழ்ச்சிகள் இல்லத்தில் கோலாகலமாக நடைபெறும். தொழில் துறையில் இருப்பவர்களுக்கு இது ஏறுமுகமான காலம். புதிய முதலீடுகள் கைகொடுக்கும். உத்தியோகத்தில் மேலதிகாரிகளின் ஆதரவு கிடைக்கும். கடின உழைப்பிற்கு ஏற்ற பதவி உயர்வும், ஊதிய உயர்வும் தேடி வரும்.
ரிஷப ராசி - குரு பெயர்ச்சி பலன்கள் 2026
ரிஷப ராசி நேயர்களே, உங்களின் நீண்ட காலக் கவலைகள் முடிவுக்கு வரப்போகின்றன. தொட்டதெல்லாம் துலங்கும் ஒரு அற்புதமான காலகட்டம் இது. கணவன் - மனைவி இடையே இருந்த கருத்து வேறுபாடுகள் மறைந்து, அன்யோன்யம் அதிகரிக்கும். ஒருவரை ஒருவர் புரிந்து கொண்டு செயல்படுவதால் இல்லற வாழ்க்கை இனிமையாக மாறும். பிரிந்திருந்த தம்பதியினர் ஒன்று சேரும் யோகமும் உண்டு. குருவின் அருளால் உங்களுக்குப் புதிய வீடு, நிலம் அல்லது சொத்துக்கள் வாங்கும் யோகம் கைகூடி வரும். நீண்ட நாள் கனவான சொந்த வீடு கனவு நனவாகும் காலம் இது.
மிதுன ராசி - கோடீஸ்வர யோகம் தரும் ராசிகள் 2026
மிதுன ராசி நேயர்களே, இந்த குரு பெயர்ச்சி உங்கள் வாழ்க்கையில் ஒரு புதிய பாதையை வகுத்துக் கொடுக்கப் போகிறது. ஓயாத உழைப்பால் களைத்திருந்த உங்களுக்கு ஆன்மீகம் மருந்தாக அமையும். புனிதப் பயணங்கள் மேற்கொள்ளும் வாய்ப்பு உண்டாகும். நீண்ட நாட்களாக வெளிநாடு செல்ல முயற்சிப்பவர்களுக்கும், வெளியூர் சென்று வேலை தேடுபவர்களுக்கும் இது பொற்காலம். வேலையில் சிலருக்கு விரும்பிய இடமாற்றம் கிடைக்கலாம். உங்கள் திறமைக்குக் கிடைத்த அங்கீகாரமாகப் பதவி உயர்வு தேடி வரும். கடன் சுமைகள் இந்தப் பெயர்ச்சியின் மூலம் படிப்படியாகக் குறையத் தொடங்கும்.
கடகம்
குரு ராசிக்கு வருவதால் தன்னம்பிக்கை அதிகரிப்பதோடு, பேச்சில் ஒரு தெளிவும் முதிர்ச்சியும் உண்டாகும். மற்றவர்கள் உங்களை மதிக்கும் விதத்தில் உங்கள் செயல்பாடுகள் அமையும். குருவின் பார்வை குடும்ப ஸ்தானத்தின் மீது விழும்போது, தடைபட்டு வந்த திருமண வரன்கள் தானாகவே கைகூடி வரும். வேலையில் நிலையற்ற தன்மை நீங்கி, ஒரு நிரந்தரமான இடமோ அல்லது நீண்ட கால வளர்ச்சிக்கான வாய்ப்போ அமையும். பொருளாதார ரீதியாகவும் இது ஒரு நிதானமான வளர்ச்சியைத் தரும். நீங்கள் செய்யும் முயற்சிகளுக்கு அங்கீகாரம் கிடைப்பதோடு, பொது வெளியில் உங்கள் பெயரும் புகழும் உயரும்.
சிம்மம்
இந்தக் கிரகப் பெயர்ச்சி சிம்ம ராசிக்காரர்களுக்கு உறவுகள் மற்றும் தொழில் ஆகிய இரண்டிலும் சாதகமாக அமையும். நீண்டகாலப் பிரச்னைகள் படிப்படியாகக் குறையும். பணியிடத்தில் முன்னேறுவதற்கான புதிய வழிகள் உருவாகும். மேலும் தடைபட்ட பணிகள் நிறைவடைய தொடங்கும். தனிப்பட்ட வாழ்க்கை மேம்படும். உறவுகளில் புரிதல் அதிகரிக்கும், கருத்து வேறுபாடுகள் தீர்க்கப்படும். திருமணமாகாதவர்களுக்குத் திருமணப் பிரேரணைகள் வரலாம். அவர்களின் நிதி நிலைமை வலுப்பெறும்.
கன்னி
உங்கள் விருப்பங்கள் நிறைவேறும், அன்புக்குரியவர்களிடமிருந்து உங்களுக்கு ஆதரவு கிடைக்கும். கன்னி ராசியினருக்கு பல ஆண்டுகளாக நிறைவேறாமல் இருந்த ஆசைகள் இப்போது நிறைவேறக்கூடும். மூத்த உடன்பிறப்புகள் மற்றும் நண்பர்களிடமிருந்து தாராளமான ஆதரவைப் பெறுவீர்கள். தொடர்புகளை வளர்ப்பதன் மூலம் குறிப்பிடத்தக்க நிதி ஆதாயங்கள் கிடைக்கும் என எதிர்பார்க்கப்படுகிறது.
துலாம்
இந்தக் கிரகப் பெயர்ச்சி துலாம் ராசிக்காரர்களுக்கு மங்களகரமானதாக அமையும். இந்தக் காலகட்டத்தில், உங்கள் தன்னம்பிக்கை அதிகரித்து, உங்கள் ஆளுமை மேலும் கவர்ச்சிகரமானதாக மாறும். மக்கள் உங்களால் ஈர்க்கப்படுவார்கள். சமூக மட்டத்தில் உங்கள் மரியாதையும் அங்கீகாரமும் அதிகரிக்கும். புதிய தொழில் வாய்ப்புகள் உருவாகி, உங்கள் முன்னேற்றத்திற்கு உதவும். நிதி ரீதியாகவும் இந்தக் காலம் சிறப்பாக இருக்கும். சுகபோகங்களும் ஆடம்பரங்களும் அதிகரித்து, வாழ்க்கை மேலும் சமநிலையுடன் காணப்படும்.
விருச்சிகம்
உங்களுக்கு அதிர்ஷ்டம் என்னும் 'பொன்னான வாய்ப்பு' கிடைக்கும். இந்தப் பெயர்ச்சி உங்களுக்கு நல்வாய்ப்புகளின் கதவுகளைத் திறக்கும். அதிர்ஷ்டம் உச்சத்தில் ஜொலிக்கும், அதனால் குறைந்தபட்ச முயற்சியே குறிப்பிடத்தக்க பலன்களைத் தரும். வெளிநாட்டுப் பயணம் அல்லது உயர் கல்விக்கான வாய்ப்பு அமையலாம். இது உங்கள் வாழ்வின் மிகவும் பலனளிக்கும் காலகட்டமாக அமையக்கூடும்.
தனுசு
குருவின் இடமாற்றம் தனுசு ராசிக்காரர்களுக்கு மிகவும் பலனளிக்கும். வியாபாரம் விரைவான வளர்ச்சியையும், நல்ல லாப வாய்ப்புகளையும் வழங்கும். நீங்கள் விரிவாக்கத் திட்டமிட்டிருந்தால், இந்தக் காலம் உங்களுக்குச் சாதகமாக இருக்கும். உங்கள் தன்னம்பிக்கை வலுவாக இருக்கும், இது பெரிய முடிவுகளை எடுப்பதில் வெற்றிபெற உதவும். அதிர்ஷ்டம் உங்கள் பக்கம் இருக்கும், கடினமான பணிகள்கூட எளிதாக முடிவடையும். சமூக வாழ்வில் உங்கள் மதிப்பும் புகழும் அதிகரிக்கும். மக்கள் உங்கள் வேலையைப் பாராட்டுவார்கள்.
மகரம்
மகர ராசியினருக்கு இந்த குரு பெயர்ச்சி காலம் மிகவும் பொற்காலமாக அமையப்போகிறது. குறிப்பாக தொழில் மற்றும் தனிப்பட்ட வாழ்க்கையில் வியக்கத்தக்க மாற்றங்கள் ஏற்படும். நீங்கள் எதிர்பார்க்காத அளவிற்கு தொழிலில் பெரும் பணவரவும், லாபமும் வந்து சேரும். புதிய கிளைகளைத் தொடங்குவது அல்லது புதிய சந்தைகளில் கால் பதிப்பது போன்ற முயற்சிகள் பெரும் வெற்றியைத் தரும். கணவன் - மனைவி இடையே நீண்ட நாட்களாக இருந்து வந்த கருத்து வேறுபாடுகள் மற்றும் மனக்கசப்புகள் முழுமையாக நீங்கும். ஒருவரையொருவர் புரிந்து கொள்ளும் பக்குவம் உண்டாகும். உங்கள் பேச்சிற்கு மதிப்பும், சமூகத்தில் கௌரவமும் உயரும். மற்றவர்களுக்கு முன்னுதாரணமாகத் திகழ்வீர்கள். குருவின் அருளால் எடுக்கின்ற ஒவ்வொரு முயற்சியும் உங்களுக்குப் புகழைத் தேடித் தரும்.
கும்பம்
குருவின் பெயர்ச்சியால் கும்ப ராசிக்காரர்களுக்கு அதிர்ஷ்டம் துணை நிற்கும். இது எல்லா செயல்களிலும் வெற்றியையும் லாபத்தையும் கொண்டு வரும். வெளிநாடு செல்ல வேண்டும் என்ற கனவு உங்களுக்கு இருந்தால், அது நனவாகும் வாய்ப்புகள் உள்ளன. உயர்கல்வி படிக்க விரும்பும் மாணவர்களின் விருப்பங்கள் நிறைவேறும். போட்டித் தேர்வுகளில் அதிக மதிப்பெண்கள் பெற்று வெற்றி பெறுவீர்கள். நிதி நிலைமை மேம்படும். கடனில் இருந்து விடுபடுவீர்கள். கடின உழைப்பிற்கான பலனைப் பெறுவீர்கள்.
மீனம்
பல ஆண்டுகளாக நீங்கள் திட்டமிட்டும், தள்ளிப்போய்க்கொண்டும் இருந்த காரியங்கள் இப்போது வேகம் எடுக்கும். புதிய வீடு வாங்குவதாகவோ, வெளிநாட்டுப் பயணமாகவோ அல்லது நீண்ட நாள் லட்சியமாகவோ இருந்தால் அது நிறைவேறும். உங்கள் திறமைகளை வெளிப்படுத்த புதிய வாய்ப்புகள் தேடி வரும். வருமானம் உயருவதுடன், தேவையற்ற விரயச் செலவுகள் குறையும். சேமிப்பின் மீது ஆர்வம் அதிகரிக்கும். உங்களின் புத்திசாலித்தனமான முதலீடுகள் எதிர்காலத்தில் நல்ல பலனைத் தரும்.