- Home
- Astrology
- Astrology: இந்த 3 ராசிக்காரர்கள் வெள்ளி மோதிரம் அணியக்கூடாது! ஜோதிடம் சொல்லும் அதிர்ச்சி காரணம்!
Astrology: இந்த 3 ராசிக்காரர்கள் வெள்ளி மோதிரம் அணியக்கூடாது! ஜோதிடம் சொல்லும் அதிர்ச்சி காரணம்!
Astrology 3 Zodiac Signs Who Should Not Wear Silver Rings: 3 ராசிக்காரர்கள் வெள்ளி மோதிரம் அணியக்கூடாது என ஜோதிடசாஸ்திரம் சொல்கிறது. இதற்கு எனன் காரணம்? என்பது குறித்து விரிவாக பார்ப்போம்.
இந்த 3 ராசிக்காரர்கள் வெள்ளி மோதிரம் அணிந்தால் ஆபத்தா?
ஜோதிட சாஸ்திரத்திங்களின்படி நவகிரகங்களும் உலோகங்களும் ஒன்றோடு ஒன்று நெருங்கிய தொடர்பு கொண்டவை ஆகும். ஒவ்வொரு உலோகமும் ஒரு குறிப்பிட்ட கிரகத்தின் ஆதிக்கத்திற்கு உட்பட்டது. அந்த வகையில், வெள்ளி (Silver) சுக்கிரன் மற்றும் சந்திரனின் ஆதிக்கத்தைப் பெற்ற உலோகமாக ஜோதிட அடிப்படையில் பார்க்கப்படுகிறது.
வெள்ளி அணிவது பொதுவாக மன அமைதியையும், உடல் குளிர்ச்சியையும் தரும் என்றாலும், ஜோதிட ரீதியாக ஒருசில ராசிக்காரர்கள் வெள்ளி மோதிரமோ அல்லது சங்கிலியோ அணிவதைத் தவிர்ப்பது நல்லது என்று கூறப்படுகிறது. ஜோதிட வல்லுநர்களின் கருத்துப்படி மேஷம், சிம்மம், தனுசு ஆகிய ராசிக்காரர்கள் வெள்ளியை தவிர்க்க வேண்டும் என கூறுகிறார்கள். அவை ஏன்? என அதற்கான விளக்கத்துடன் இந்த செய்தியில் விரிவாக பார்க்கலாம்.
மேஷம்
மேஷ ராசியின் அதிபதி செவ்வாய். செவ்வாய் நெருப்பு தத்துவத்தைக் கொண்டவர். குளிர்ச்சியான தன்மையைக் கொண்ட வெள்ளியை மேஷ ராசிக்காரர்கள் அணியும்போது, அது அவர்களின் ஆளுமையில் மந்தநிலையை ஏற்படுத்தக்கூடும் அல்லது முடிவெடுப்பதில் குழப்பத்தை உண்டாக்கலாம் என்று நம்பப்படுகிறது. இதனால் இவர்கள் வெள்ளியை தவிர்க்கும்படி ஜோதிடர்கள் கூறுகிறார்கள்.
சிம்மம்
சூரியனை அதிபதியாக கொண்ட சிம்ம ராசிக்காரர்களுக்கு தங்கம் மிகவும் உகந்தது. சூரியனுக்கும் சந்திரனுக்கும் (வெள்ளி) உள்ள பகை அல்லது சமநிலைத் தன்மையால், வெள்ளி அணிவது இவர்களுக்குச் சில நேரங்களில் தேவையற்ற மன அழுத்தத்தையோ அல்லது உடல்நலக் குறைபாடுகளையோ ஏற்படுத்த வாய்ப்புள்ளதாக கருதப்படுகிறது.
தனுசு
குரு பகவானை அதிபதியாகக் கொண்ட தனுசு ராசியினருக்குப் பொன் (தங்கம்) அணிவதே சிறந்தது. இவர்கள் வெள்ளி அணியும்போது அது இவர்களது அதிர்ஷ்டக் காரணியைத் தடுப்பதாக சொல்லப்படுகிறது. இதனால் இவர்களும் வெள்ளியை தவிர்க்க வேண்டும் என ஜோதிட சாஸ்திரம் சொல்கிறது.
இந்த ராசிக்காரர்கள் ஏன் வெள்ளியை தவிர்க்க வேண்டும்?
ஜோதிடத்தின்படி ஒவ்வொரு ராசிக்கும் ஒரு தத்துவம் உண்டு. நீர் ராசிகள் என அழைக்கப்படும் கடகம், விருச்சிகம், மீனம் ஆகியவற்றுக்கு வெள்ளி மிகவும் நல்லது. ஆனால் நெருப்புத் தத்துவ ராசிகளான மேஷம், சிம்மம், தனுசு ஆகியவற்றுக்கு வெள்ளி எப்போதும் சாதகமாக இருப்பதில்லை. நெருப்பு ராசிக்காரர்கள் இயல்பாகவே சுறுசுறுப்பானவர்கள். குளிர்ச்சி தரும் வெள்ளி அவர்களின் வேகத்தைக் குறைக்கலாம்.
சிலருக்கு வெள்ளி அணிந்த பிறகு தேவையற்ற செலவுகள் அதிகரிப்பதாக ஜோதிட ரீதியாக கணிக்கப்பட்டுள்ளது. சந்திரனின் ஆதிக்கம் அதிகம் உள்ள வெள்ளி, ஏற்கனவே உணர்ச்சிவசப்படும் குணம் கொண்டவர்களுக்கு மன அலைச்சலைத் தரக்கூடும் என்றும் ஜோதிட சாஸ்திரம் சொல்கிறது.
பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். தங்கம், வெள்ளி போன்ற உலோகங்கள் என்பது வெறும் அணிகலன் மட்டுமல்ல. அது ஒரு மனிதரின் குணநலன்களை, அவர்களின் ஏற்றத்தாழ்வுகளை தீர்மானிக்காது.
