Vastu: 3 பர்னர் ஸ்டவ் யூஸ் பண்ணா வீட்டில் காசு தங்காதா? வாஸ்து சொல்றது என்ன?
Kitchen Vastu : சமையலறையில் 3 பர்னர் கேஸ் ஸ்டவ் இருந்தால் வறுமை வரும்னு ஒரு பேச்சு இருக்கே, அது உண்மையா? வாஸ்து சாஸ்திரம் இதைப்பத்தி என்ன சொல்லுது என்பதை பற்றி இங்கே பார்க்கலாம்.
Gas Stove Vastu
சமையலறை என்பது உணவு சமைக்கும் இடமாக மட்டுமல்லாமல், வீட்டின் செழிப்பு மற்றும் குடும்ப நலனுடன் தொடர்புடைய முக்கியமான பகுதியாகவும் வாஸ்து சாஸ்திரத்தில் பார்க்கப்படுகிறது. அன்னபூரணியின் அருள் நிறைந்திருக்கும் இடம் என்பதால், சமையலறையில் நெருப்பு மற்றும் நீர் இருக்கும் இடம், அவற்றின் திசை போன்றவை முக்கியத்துவம் பெறுகின்றன. இன்றைய நவீன வாழ்க்கை முறையில் குடும்பத்தின் தேவைக்கு ஏற்ப 3 அல்லது 4 பர்னர் கொண்ட கேஸ் ஸ்டவ்கள் பயன்படுத்தப்படுகின்றன.
இதில் குறிப்பாக 3 பர்னர் ஸ்டவ் வைத்திருந்தால் பணக்கஷ்டம் ஏற்படும், வறுமை வரும் என்ற கருத்து சிலரிடம் உள்ளது. ஆனால், பர்னர்களின் எண்ணிக்கையால் மட்டும் வாஸ்து தோஷம் ஏற்படும் என்று கூறுவதற்கு குறிப்பிட்ட விதி எதுவும் இல்லை என வாஸ்து நம்பிக்கைகள் தெரிவிக்கின்றன. அப்படியானால் கேஸ் ஸ்டவ்வை எப்படி, எந்த திசையில் வைக்க வேண்டும்? முக்கியமான 4 வாஸ்து விதிகளைப் பார்க்கலாம்.
Money Plant Vastu: பச்சை பாட்டிலில் மணி பிளான்ட்... இந்த ஒரு டிப்ஸ் போதும், உங்க லைஃபே மாறும்!
தென்கிழக்கு மூலையில் ஸ்டவ் வைப்பது சிறப்பு
வாஸ்து சாஸ்திரத்தில் தென்கிழக்கு திசை ‘அக்னி மூலை’ என்று அழைக்கப்படுகிறது. எனவே சமையலறையில் நெருப்புடன் தொடர்புடைய கேஸ் ஸ்டவ்வை இந்தப் பகுதியில் வைப்பது சிறந்ததாக கருதப்படுகிறது. சரியான இடத்தில் அடுப்பை அமைப்பது வீட்டில் நேர்மறையான ஆற்றல் நிலவவும், குடும்பத்தில் செழிப்பு அதிகரிக்கவும் உதவும் என்பது வாஸ்து நம்பிக்கை. வீட்டின் அமைப்புக்கு ஏற்றவாறு ஸ்டவ்வை தென்கிழக்கு பகுதியில் அமைப்பது நல்லது.
சமைக்கும்போது கிழக்கு நோக்கி இருப்பது நல்லதா?
சமையல் செய்யும் நபர் கிழக்கு திசையை நோக்கி நிற்கும் வகையில் அடுப்பு அமைக்கப்பட்டிருப்பது வாஸ்து ரீதியாக சாதகமானதாகக் கருதப்படுகிறது. கிழக்கு திசை சூரியனுடன் தொடர்புடையது என்பதால், இந்த திசையை நோக்கி சமைப்பது வீட்டில் ஆரோக்கியம், மன அமைதி மற்றும் நல்ல ஆற்றலை அதிகரிக்கும் என்ற நம்பிக்கை உள்ளது. எனவே, சமையலறையின் அமைப்பை திட்டமிடும்போது அடுப்பு வைக்கும் இடத்துடன் சேர்த்து, சமைப்பவர் எந்த திசையை நோக்கி நிற்கிறார் என்பதையும் கவனத்தில் கொள்வது நல்லது.
வடகிழக்கு பகுதியில் அடுப்பை வைக்காதீர்கள்
சமையலறையின் வடகிழக்கு பகுதி அல்லது ஈசான்ய மூலை வாஸ்துவில் மிகவும் முக்கியமான இடமாக பார்க்கப்படுகிறது. இந்த பகுதி நீர் மற்றும் ஆன்மிக ஆற்றலுடன் தொடர்புடையதாக கருதப்படுவதால், நெருப்புக்கான அடுப்பை இங்கு வைப்பதை தவிர்ப்பது நல்லது என வாஸ்து நம்பிக்கைகள் கூறுகின்றன. வடகிழக்கில் நெருப்பு அமைப்பு இருந்தால் வீட்டில் தேவையற்ற மனக்கசப்பு, குடும்பத்தில் கருத்து வேறுபாடு அல்லது நிதி சார்ந்த சிக்கல்கள் ஏற்படலாம் என்பது பாரம்பரிய வாஸ்து கருத்தாக உள்ளது.
சிங்க் மற்றும் கேஸ் ஸ்டவ்வுக்கு இடையில் இடைவெளி அவசியம்
சமையலறையில் நீர் மற்றும் நெருப்பு ஒன்றுக்கொன்று மிக அருகில் இருப்பதை தவிர்ப்பது முக்கியமான வாஸ்து விதிகளில் ஒன்றாக கருதப்படுகிறது. கேஸ் ஸ்டவ்வும் சமையலறை சிங்க்கும் அருகருகே இருந்தால், நெருப்பு மற்றும் நீர் என்ற எதிர்மறை தன்மை கொண்ட சக்திகள் மோதுவதாக வாஸ்து நம்பிக்கையில் பார்க்கப்படுகிறது. எனவே, இரண்டுக்கும் இடையில் போதுமான இடைவெளி இருப்பது நல்லது. இது குடும்பத்தில் தேவையற்ற கருத்து வேறுபாடுகளை தவிர்க்கவும், சமையலறையை ஒழுங்காக அமைக்கவும் உதவும் என நம்பப்படுகிறது.
3 பர்னர் ஸ்டவ் இருந்தால் கவலை வேண்டாம்!
உங்கள் வீட்டில் 3 பர்னர் கேஸ் ஸ்டவ் இருந்தால், அதனால் மட்டும் வறுமை அல்லது பணக்கஷ்டம் ஏற்படும் என்று பயப்படத் தேவையில்லை. பர்னர்களின் எண்ணிக்கையைவிட அடுப்பு வைக்கப்படும் திசை, சமைக்கும் முறை மற்றும் சமையலறையின் ஒட்டுமொத்த அமைப்புதான் வாஸ்து அடிப்படையில் முக்கியம் என்று கூறப்படுகிறது.
