- Home
- விவசாயம்
- Agri Export: வாழை விவசாயிகளுக்கு ஜாக்பாட்.! இனி நீங்களும் ஏற்றுமதியாளர் ஆகலாம்.! வழிகாட்டுகிறது தமிழக அரசு.!
Agri Export: வாழை விவசாயிகளுக்கு ஜாக்பாட்.! இனி நீங்களும் ஏற்றுமதியாளர் ஆகலாம்.! வழிகாட்டுகிறது தமிழக அரசு.!
தமிழ்நாடு அரசு, வாழை விவசாயிகளின் வருமானத்தை உயர்த்தும் நோக்கில் ஒரு சிறப்பு வழிகாட்டி நிகழ்வை நடத்தவுள்ளது. ஈரோட்டில் நடைபெறும் இந்த நிகழ்வு, வாழை விவசாயிகளுக்கு ஒரு பொன்னான வாய்ப்பாக அமையும்.
வாழை விவசாயிகளுக்கு அழைப்பு
தமிழ்நாடு அரசு, விவசாயிகளின் வருமானத்தை பலமடங்கு உயர்த்தும் நோக்கில் தொடர்ந்து பல்வேறு திட்டங்களை செயல்படுத்தி வருகிறது. குறிப்பாக வாழை விவசாயிகளுக்கு ஏற்றுமதி வாய்ப்புகளை உருவாக்கும் வகையில், ஒருங்கிணைந்த தோட்டக்கலை அபிவிருத்தி இயக்கம் மற்றும் தேசிய தோட்டக்கலை இயக்கம் (2025–26) ஆகிய திட்டங்களின் கீழ் சிறப்பு வழிகாட்டி நிகழ்வு நடத்தப்பட உள்ளது. இந்த முயற்சி, வாழை விவசாயிகளை உற்பத்தியாளர்களாக மட்டுமின்றி, நேரடி ஏற்றுமதியாளர்களாக மாற்றும் முக்கியமான முன்னெடுப்பாக பார்க்கப்படுகிறது.
தொழில்நுட்ப ஆதரவு, மானிய திட்டங்களை பெறலாம்
“வாழ்க விவசாயம்… வளமடையும் உழவர்” என்ற கருப்பொருளுடன் நடைபெறும் இந்த நிகழ்வில், வாழை பயிரிடுதல், தரமான உற்பத்தி, மதிப்பு கூட்டுதல் மற்றும் சர்வதேச சந்தை தேவைகளுக்கு ஏற்ப வாழை ஏற்றுமதி செய்வது குறித்து விரிவான விளக்கங்கள் அளிக்கப்பட உள்ளன. வாழை விவசாயத்தில் உள்ள சவால்களை கடந்து லாபத்தை அதிகரிக்க அரசின் தொழில்நுட்ப ஆதரவு மற்றும் மானிய திட்டங்கள் பற்றியும் விவரிக்கப்பட உள்ளது.
ஏற்றுமதி தொடர்பான ஆலோசனைகள் கிடைக்கும்
இந்த சிறப்பு நிகழ்வு 2025 டிசம்பர் 18ஆம் தேதி, காலை 10 மணிக்கு நடைபெறுகிறது. இடமாக, ஈரோடு மாவட்டம், கோபிச்செட்டிபாளையம், மொடச்சூர் ரோட்டில் அமைந்துள்ள கே.எம்.எஸ் மஹால் தேர்வு செய்யப்பட்டுள்ளது. இந்த நிகழ்வில், வாழை விவசாயிகள், தோட்டக்கலைத் துறை அதிகாரிகள் மற்றும் நிபுணர்கள் கலந்துகொண்டு ஏற்றுமதி தொடர்பான நடைமுறை ஆலோசனைகளை வழங்க உள்ளனர்.
தமிழக வாழைக்கு தனி அடையாளம் உருவாகும்
வாழை ஏற்றுமதிக்கான அரசு உதவித் திட்டங்கள், சந்தை இணைப்புகள், பேக்கிங், தர நிர்ணயம், சர்வதேச சான்றிதழ்கள் போன்ற முக்கிய அம்சங்கள் குறித்தும் விவாதிக்கப்பட உள்ளது. இதன் மூலம், உள்ளூர் சந்தையைத் தாண்டி வெளிநாட்டு சந்தைகளிலும் தமிழக வாழைக்கு தனி அடையாளம் உருவாகும் என எதிர்பார்க்கப்படுகிறது.
உண்மையான ஜாக்பாட் வாய்ப்பு
வாழை விவசாயிகள் அனைவரும் இந்த அரிய வாய்ப்பை பயன்படுத்தி, தங்களின் உழைப்புக்கு உயர்ந்த மதிப்பை பெறவும், ஏற்றுமதி விவசாயத்தின் புதிய பாதையில் முன்னேறவும் தமிழக அரசு அழைப்பு விடுத்துள்ளது. இது வாழை விவசாயிகளுக்கு உண்மையான ஜாக்பாட் வாய்ப்பு என கூறலாம்.
