டிவியில் பார்த்த நிகழ்ச்சி.. சிறுவனை கடத்திய சிறுவர்கள்..போலீசார் ஷாக்.!
பள்ளி குழந்தை ஒன்றை கடத்தி அதன் மூலம் மிரட்டி பணம் பறிக்கலாம் என திட்டம் தீட்டி 7 வயது சிறுவனை கடத்தியுள்ளார்.
Followபிரபல கிரைம் தொடரை பார்த்து அதன் மூலம் ஈர்க்கப்பட்ட சிறுவர்கள் சிலர் 7 வயது பள்ளி மாணவரை கடத்தி கொலை செய்த சம்பவம் அதிர்ச்சியை ஏற்படுத்தியுள்ளது. இந்த குற்றச் சம்பவம் தொடர்பாக 5 சிறார்களை காவல்துறையினர் கைது செய்துள்ளனர். உத்தரப் பிரதேசத்தைச் சேர்ந்த சிறுவன் ஒருவன் தனது பணம் ரூ.40,000ஐ தவறவிட்டுள்ளார்.
தான் இழந்த தொகையை எப்படியாவது திரும்பப் பெற வேண்டும் என சிறுவன் தனது நண்பர்களிடம் கூறியுள்ளார். நண்பர்கள் பிரபல டிவி கிரைம் தொடரை உதாரணம் காட்டி அதுபோல ஆள் கடத்தலில் ஈடுபட்டு பணம் பெறலாம் என யோசனை தந்துள்ளனர். எனவே, பள்ளி குழந்தை ஒன்றை கடத்தி அதன் மூலம் மிரட்டி பணம் பறிக்கலாம் என திட்டம் தீட்டி, ஜூலை 9ஆம் தேதி 7 வயது சிறுவனை கடத்தியுள்ளார்.
மேலும் செய்திகளுக்கு..என்ன நடக்கிறது கள்ளக்குறிச்சியில்? பதவி தான் முக்கியமா? திமுகவை பொளந்த அண்ணாமலை
இந்த சிறுவனை கடத்தி அலிகர் என்ற பகுதிக்கு வண்டியில் கூட்டிச் சென்று அடைத்து வைத்துள்ளனர். ஒரு வேகத்தில் கடத்தலில் ஈடுபட்ட சிறுவர்கள் தங்கள் திட்டம் தோல்வியில் அடைந்தால் என்ன செய்வது என பதற்றம் அடைந்து, பின் சிறுவனை கொலை செய்து விஷயத்தை மூடி மறைத்து விடலாம் என முடிவெடுத்து, அந்த சிறுவனை கொலைசெய்து அலிகரில் உள்ள ஆற்றில் வீசியுள்ளனர்.
இதற்கிடையே சிறுவனின் தந்தை காவல்துறையில் தன் மகனை காணவில்லை என புகார் தந்துள்ளார். சில நாள்களுக்கு பின் சிறுவனின் உடல் நதிக்கரையில் கண்டெடுக்கப்பட்டது. பின் காவல்துறையினர் 6 தனிப்படைகள் அமைத்து சிசிடிவி காட்சிகளின் அடிப்படையில் குற்றவாளிகளை கைது செய்துள்ளனர். டிவி தொடரை பார்த்து 7 வயது சிறுவனை கடத்தி சிறுவர்கள் கொலை செய்துள்ள சம்பவம் அதிர்ச்சியை ஏற்படுத்தியுள்ளது.
மேலும் செய்திகளுக்கு..பள்ளிகளுக்கு விடுமுறை கிடையாது.. மெட்ரிகுலேசன் இயக்குநரகம் எச்சரிக்கை !
சேனலை கிளிக் செய்து பின்தொடரவும்
