யூனியன் வங்கியில் 250 Wealth Manager காலியிடங்கள் அறிவிப்பு! ரூ.64,820 சம்பளத்துடன் ஆகஸ்ட் 25, 2025க்குள் விண்ணப்பிக்கலாம்.
வங்கி வேலை தேடுபவரா நீங்கள்?
இந்திய யூனியன் வங்கியில் (Union Bank of India) 250 Wealth Manager பணியிடங்களுக்கான அருமையான வேலைவாய்ப்பு அறிவிக்கப்பட்டுள்ளது. வங்கித் துறையில் சிறப்பான எதிர்காலத்தை அமைத்துக் கொள்ள விரும்பும் தகுதியான நபர்களிடமிருந்து விண்ணப்பங்கள் வரவேற்கப்படுகின்றன. இந்தப் பணிக்குத் தேவையான கல்வித் தகுதி, சம்பளம், காலியிடங்கள், விண்ணப்பிக்கும் முறை போன்ற அனைத்து விவரங்களையும் இங்கு காணலாம்.
கல்வி மற்றும் அனுபவத் தகுதிகள்
Related Articles
இந்தப் பணிக்கு விண்ணப்பிக்க, அரசு அங்கீகாரம் பெற்ற பல்கலைக்கழகம் அல்லது நிறுவனத்தில் Full time 2-year MBA/ MMS/ PGDBA/ PGDBM/ PGPM/ PGDM பட்டம் பெற்றிருக்க வேண்டும். மேலும், பொதுத்துறை வங்கிகள், தனியார் வங்கிகள், வெளிநாட்டு வங்கிகள், புரோக்கிங் நிறுவனங்கள், செக்யூரிட்டீஸ் நிறுவனங்கள் அல்லது சொத்து மேலாண்மை நிறுவனங்களில் Wealth Management பிரிவில் அதிகாரி அல்லது மேலாளர் மட்டத்தில் குறைந்தபட்சம் 3 வருடப் பணி அனுபவம் அவசியம்.
வயது வரம்பு மற்றும் தளர்வுகள்
விண்ணப்பதாரர்கள் 25 வயது பூர்த்தி அடைந்தவராகவும், 35 வயதுக்கு மேற்படாதவராகவும் இருக்க வேண்டும். அரசு விதிகளின்படி, SC/ ST பிரிவினருக்கு 5 வருடங்களும், OBC பிரிவினருக்கு 3 வருடங்களும், PwBD (General/ EWS) பிரிவினருக்கு 10 வருடங்களும், PwBD (SC/ ST) பிரிவினருக்கு 15 வருடங்களும், PwBD (OBC) பிரிவினருக்கு 13 வருடங்களும் வயது வரம்பில் தளர்வு அளிக்கப்படும்.
விண்ணப்பக் கட்டணம் மற்றும் தேர்வு முறை
விண்ணப்பக் கட்டணம் SC/ ST/ முன்னாள் ராணுவத்தினர்/ PWD பிரிவினருக்கு ரூ.177/- ஆகும். மற்றவர்களுக்கு ரூ.1180/- கட்டணம் செலுத்த வேண்டும். விண்ணப்பதாரர்கள் ஆன்லைன் தேர்வு, குழு விவாதம் (Group Discussion) மற்றும் நேர்காணல் (Personal Interview) ஆகியவற்றின் அடிப்படையில் தேர்வு செய்யப்படுவார்கள்.
எப்படி விண்ணப்பிப்பது?
தகுதியுள்ள விண்ணப்பதாரர்கள் யூனியன் வங்கியின் அதிகாரப்பூர்வ இணையதளமான www.unionbankofindia.co.in மூலம் ஆன்லைனில் விண்ணப்பிக்கலாம். விண்ணப்பிப்பதற்கு முன், அதிகாரப்பூர்வ அறிவிப்பில் குறிப்பிடப்பட்டுள்ள அனைத்துத் தகுதிகளும் தங்களிடம் உள்ளதா என்பதை உறுதிப்படுத்திக் கொள்ளவும். விண்ணப்பங்கள் ஆகஸ்ட் 05, 2025 அன்று தொடங்கி ஆகஸ்ட் 25, 2025 அன்று முடிவடையும்.