தமிழக கூட்டுறவு வங்கி, 2025ஆம் ஆண்டிற்கான 50 உதவியாளர் பணியிடங்களை நிரப்ப புதிய அறிவிப்பை வெளியிட்டுள்ளது. டிகிரி படித்தவர்கள், கூட்டுறவு பயிற்சி பெற்றிருந்தால் ரூ.96,210 வரை சம்பளத்தில் இந்த நிரந்தர அரசு வேலைக்கு விண்ணப்பிக்கலாம்.
தமிழக கூட்டுறவு வங்கி வேலைவாய்ப்பு 2025 – 50 உதவியாளர் பணியிடங்கள் அறிவிப்பு! விண்ணப்பிக்க தயாரா?
தமிழக கூட்டுறவு வங்கி 2025ஆம் ஆண்டிற்கான 50 உதவியாளர் (Assistant) பணியிடங்களை நிரப்ப புதிய அறிவிப்பை வெளியிட்டுள்ளது. 02/2025 என்ற அறிவிப்பு எண் கொண்ட இந்த வேலைவாய்ப்பு அறிவிப்பின்படி, 11.12.2025 அன்று வெளியிடப்பட்ட அறிவிப்புக்குப் பிறகு, ஆன்லைன் விண்ணப்ப பதிவு 14.12.2025 அன்று தொடங்கி 31.12.2025 மாலை 05.45 மணி வரை செயல்படும்.
அட்டகாசமான வாய்ப்பு
சென்னை மாவட்ட மத்திய கூட்டுறவு வங்கிகளில் பணியமர்த்தப்படவுள்ள இந்த உதவியாளர் பணியிடங்கள், நிரந்தர அடிப்படையில் வழங்கப்படுவதால், அரசு வேலைக்கு தயாராக உள்ள விண்ணப்பதாரர்களுக்கு இது மிக முக்கியமான வாய்ப்பாக கருதப்படுகிறது. விண்ணப்பிக்கும் முன், TN Cooperative Bank Assistant 2025 முழு அறிவிப்பையும் படித்து கல்வி தகுதி, வயது வரம்பு, பயிற்சி தகுதி மற்றும் பிற தகுதிகளை விண்ணப்பதாரர்கள் உறுதிப்படுத்த வேண்டும்.
Related Articles
டிகிரி இருக்கா… அப்ப பிரச்சினை இல்லை
இந்த பணியிடங்களுக்கு எந்த ஒரு துறையிலும் பட்டப்படிப்பு பெற்றவர்கள் விண்ணப்பிக்கலாம். குறிப்பாக B.E, B.Tech (CS/IT/ECE), சட்டப் பட்டம், B.Com, Civil மற்றும் Electrical பொறியியல் பட்டம் பெற்றவர்களும் தகுதியானவர்களாக கருதப்படுவர். கூட்டுறவு பயிற்சி முடித்திருக்க வேண்டும் அல்லது பயிலும் நிலையில் இருக்க வேண்டும் என்பதும் முக்கிய நிபந்தனைகளில் ஒன்று. மேலும் Cooperation தொடர்பான சில பட்டப்படிப்புகள் படித்தவர்களுக்கு கூட்டுறவு பயிற்சியில் இருந்து விலக்கு வழங்கப்பட்டுள்ளது. வயது வரம்பில் OC விண்ணப்பதாரர்களுக்கு 18–32 வயது வரையிலும், SC/ST/BC/MBC/DNC உள்ளிட்ட பிற பிரிவுகளுக்கு அதிகபட்ச வயது வரம்பு இல்லாததும் இந்த அறிவிப்பின் சிறப்பு அம்சம்.
சூப்பரோ சூப்பர் செம்ம சம்பளம்
சம்பள வரம்பு ரூ.32,020 முதல் ரூ.96,210 வரை நிர்ணயிக்கப்பட்டுள்ளதால், இது ஒரு உயர்ந்த ஊதிய அரசுப் பணியாகக் கருதப்படுகிறது. தேர்வு முறையாக எழுத்துத் தேர்வு மற்றும் சான்றிதழ் சரிபார்ப்பு இடம்பெறும். தேர்வு 24.01.2026 அன்று காலை 10 மணி முதல் மதியம் 1 மணி வரை சென்னை நகரில் நடைபெற உள்ளது. தேர்வு பாடத்திட்டத்தில் Co-operative Management, Co-operative Credit & Banking, Accounting, Computer Basics, Mental Ability, Reasoning, Tamil போன்ற பாடங்கள் இடம்பெறுகின்றன. விண்ணப்பக் கட்டணம் SC/ST/PWBD/DW பிரிவினருக்கு ₹250, BC/MBC பிரிவினருக்கு ₹500 என்ற வகையில் நிர்ணயிக்கப்பட்டுள்ளது.
விண்ணப்பிக்க விரும்புவோர் அதிகாரப்பூர்வ இணையதளமான https://tncoopsrb.in/ சென்று ஆன்லைன் விண்ணப்பத்தை பூர்த்தி செய்ய வேண்டும். தேவையான ஆவணங்கள், புகைப்படம், கையொப்பம் ஆகியவற்றை சரியான வடிவத்தில் பதிவேற்றுவதும் கட்டணத்தை ஆன்லைனில் செலுத்துவதும் அவசியம். விண்ணப்பம் சமர்ப்பிக்க கடைசி தேதி 31.12.2025 என்பதால், ஆர்வமுள்ளவர்கள் தாமதிக்காமல் உடனே தயாராகி கொள்ள வேண்டும். உயர்ந்த சம்பளம், அரசு சலுகைகள், மருத்துவ காப்பீடு, PF போன்ற பலன்களுடன் கூடிய இந்த வேலைவாய்ப்பை அரசு வேலை விரும்பிகள் தவறவிடக்கூடாது.
