பேங்க் வேலை வேண்டுமா.. எஸ்பிஐ வங்கியில் காத்திருக்கும் வேலை.. இந்த டிகிரி இருந்தால் போதும்!
ஸ்டேட் பேங்க் ஆஃப் இந்தியா ஸ்பெஷலிஸ்ட் அதிகாரி பதவிகளுக்கான காலியிடங்களை, வழக்கமான மற்றும் ஒப்பந்த அடிப்படையில் நிரப்புவதற்கான அறிவிப்பை வெளியிட்டுள்ளது.
 )
Followஸ்டேட் பேங்க் ஆஃப் இந்தியா (எஸ்பிஐ) ஒப்பந்த அடிப்படையில் சிறப்புப் பணியாளர்களை எடுக்க உள்ளது. இதற்கான அறிவிப்பை வெளியிட்டுள்ளது. இதற்கான விண்ணப்பப் படிவங்கள் ஜூலை 20க்குப் பிறகு நிரப்பப்படும். வழக்கமான மற்றும் ஒப்பந்த அடிப்படையில் ஸ்பெஷலிஸ்ட் கேடர் ஆபிசர் பணிக்கு தகுதியானவர்களிடமிருந்து எஸ்பிஐ விண்ணப்பங்களை வரவேற்கிறது.இந்த ஆட்சேர்ப்புகள் மூத்த துணைத் தலைவர், உதவித் துணைத் தலைவர் மற்றும் பிற பதவிகளில் செய்யப்படும்.
வங்கி தனது அதிகாரப்பூர்வ இணையதளமான https://sbi.co.in/web/careers/current-openings இல் ஆன்லைன் விண்ணப்ப இணைப்பை வெளியிட்டுள்ளது. ஆன்லைனில் விண்ணப்பங்களைச் சமர்ப்பிப்பதற்கான கடைசி தேதி ஜூலை 24. இதன் மூலம் மொத்தம் 16 சிறப்பு அதிகாரி பணியிடங்களை நிரப்பும். ஆன்லைன் விண்ணப்ப முறை ஆனது ஜூலை 3 லிருந்து தொடங்கியது. ஆன்லைனில் விண்ணப்பிப்பதற்கான கடைசி தேதி 24 ஜூலை ஆகும்.
காலியிட விவரங்கள்
மூத்த துணைத் தலைவர் (IS ஆடிட்டர்) - 2 பதவிகள்
உதவி துணைத் தலைவர் (IS ஆடிட்டர்) - 3 பதவிகள்
மேலாளர் (IS ஆடிட்டர்) - 4 பதவிகள்
துணை மேலாளர் (IS ஆடிட்டர்) - 7 பதவிகள்
துணை மேலாளர் (மார்க்கெட்டிங்-நிதி நிறுவனங்கள்) - 4 பதவிகள்
கல்வி தகுதி
விண்ணப்பிக்க விரும்பும் விண்ணப்பதாரர்கள் தகவல் தொழில்நுட்பம்/கணினி அறிவியல்/எலக்ட்ரானிக்ஸ்/எலக்ட்ரானிக்ஸ் மற்றும் இன்ஸ்ட்ரூமென்டேஷன் ஆகியவற்றில் BE/BTech பட்டம் பெற்றிருக்க வேண்டும். பதவி தொடர்பான அனுபவமும் அவசியம். மேலும் விவரங்களுக்கு அதிகாரப்பூர்வ அறிவிப்பைப் பார்க்கலாம்.
தேர்வு முறை
ஸ்பெஷலிஸ்ட் கேட் அதிகாரியின் ஆட்சேர்ப்பு குறுகிய பட்டியல் மற்றும் நேர்காணலின் அடிப்படையில் இருக்கும். நேர்காணல் 100 மதிப்பெண்களுக்கு இருக்கும். நேர்முகத் தேர்வின் தகுதி மதிப்பெண்கள் வங்கியால் தீர்மானிக்கப்படும்.
விண்ணப்பக் கட்டணம்
பொது, EWS மற்றும் OBC பிரிவினருக்கு விண்ணப்பக் கட்டணம் மற்றும் அறிவிப்புக் கட்டணம் ரூ. 750. அதே நேரத்தில், SC, ST மற்றும் PWD விண்ணப்பதாரர்களுக்குக் கட்டணம் அல்லது அறிவிப்புக் கட்டணம் கிடையாது. விண்ணப்பக் கட்டணத்தை டெபிட் கார்டு, கிரெடிட் கார்டு அல்லது நெட் பேங்கிங் மூலம் ஆன்லைன் முறையில் செலுத்த வேண்டும்.
சேனலை கிளிக் செய்து பின்தொடரவும்
