கடந்த சில வாரங்களாக தங்கத்தின் விலை ஏறியும், இறங்கியும் வருகிறது. நீண்ட நாட்களுக்கு பிறகு தற்போது விலை தொடர்ந்து குறைந்து வருகிறது.
உலகம் முழுவதும் கொரோனா தொற்றால் முதலீட்டாளர்கள் தங்களது முதலீட்டினை ரிட்டர்ன் எடுத்து வருகின்றனர். இதனால் தங்கத்தின் விலை தொடர்ந்து சரிவை சந்தித்து வருகிறது.
இன்று ஒரு கிராம் (22 கேரட்) ஆபரணத் தங்கத்தின் விலை ரூ.4,515 ஆக குறைந்துள்ளது. நேற்று இதன் விலை 4,535 ரூபாயாக இருந்தது. அதேபோல, நேற்று 36,280 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் 160 ரூபாய் குறைந்து 36,120 ரூபாய்க்கு விற்பனையாகிறது.
சென்னையில் ஒரு கிராம் வெள்ளி விலை ரூ.65.40 ஆக குறைந்துள்ளது. ஒரு கிலோ வெள்ளி ரூ.700 குறைந்து 65,400 ரூபாய்க்கு விற்பனை செய்யப்படுகிறது.
