இந்திய ஸ்நாக்ஸ் நிறுவன பங்குகளை ரூ.5,160 கோடிக்கு வாங்கும் ஸ்பேஸ்எக்ஸ் முதலீட்டாளர்!

ஹல்திராம் எனப்படும் இந்திய ஸ்நாக்ஸ் நிறுவன பங்குகளை எலான் மஸ்க்கின் ஸ்பேஸ்எக்ஸ் முதலீட்டாளர் வாங்க‌ உள்ளதாக தகவல் வெளியாகி உள்ளது.

Haldiram

Alpha Wave Global buys shares in Haldiram: எலான் மஸ்க்கின் ஸ்பேஸ்எக்ஸின் முதலீட்டாளரான ஆல்பா வேவ் குளோபல், ஹல்திராம் ஸ்நாக் ஃபுட்டில் ஆறு சதவீத பங்குகளை வாங்க பேச்சுவார்த்தை நடத்தி வருவதாக எகனாமிக் டைம்ஸ் அறிக்கை வெளியிட்டுள்ளது. முன்பு ஃபால்கன் எட்ஜ் கேபிடல் என்று அழைக்கப்பட்ட ஆல்பா வேவ் குளோபல், ஐக்கிய அரபு எமிரேட்ஸின் தேசிய பாதுகாப்பு ஆலோசகர் ஷேக் தஹ்னூன் பின் சயீத்தின் டிரில்லியன் டாலர் வணிகம் கொண்ட நிறுவனமாகும். 

இந்திய ஸ்நாக்ஸ் நிறுவனம் ஹல்திராம் 

எகனாமிக் டைம்ஸ் அறிக்கையின்படி ஆல்பா வேவ் குளோபல் இந்திய சிற்றுண்டி நிறுவனமான ஹல்திராம் பங்குகளை ரூ.5,160 கோடிக்கு வாங்கும். ஹல்திராம் பங்குகளை விற்பனை செய்வது இது இரண்டாவது முறையாகும். முன்னதாக, சிங்கப்பூரின் முதலீட்டு நிறுவனமான டெமாசெக், ஹல்திராம் விளம்பரதாரர்களுடன் சுமார் ஒன்பது சதவீத பங்குகளை வாங்க ஒப்பந்தம் செய்திருந்தது. 

நாட்டின் மிகப்பெரிய ஒப்பந்தம் 

ஆல்பா வேவின் சாத்தியமான முதலீட்டு ஒப்பந்தங்கள் நடைமுறைக்கு வந்தால் இந்தியாவில் மிகப்பெரிய PE நுகர்வோர் ஒப்பந்தமாக இருக்கும் என்று ET அறிக்கை மேலும் கூறியது. சாத்தியமான ஒப்பந்தம் இருந்தபோதிலும், ஆல்பா வேவ் ஹல்திராம் குழுவில் இடம் பெறாது என்று ET அறிக்கை மேலும் கூறியது. மறுபுறம், டெமாசெக் ஹால்டிராம் குழுவில் குறைந்தபட்சம் ஒரு இடத்தையாவது பெற வாய்ப்புள்ளது. 

அதிகாரப்பூர்வ அறிக்கை இல்லை

ஆனால் இந்த ஒப்பந்தங்கள் தொடர்பாக ஆல்பா வேவ் அல்லது ஹால்டிராம் இது தொடர்பாக எந்த அதிகாரப்பூர்வ அறிக்கையும் வெளியிடவில்லை. ஸ்பேஸ்எக்ஸ் தவிர, ஆல்பா வேவின் உலகளாவிய போர்ட்ஃபோலியோவில் லிஃப்ட், கிளார்னா ஆகியவை ஆகும். இந்தியாவில் ஹல்திராம் மிகவும் பரந்து விரிந்துள்ளது. 

இந்தியாவின் சிற்றுண்டி சந்தை மதிப்பு 

நாட்டின் முன்னணி ஸ்நாக்ஸ் மற்றும் உணவு பிராண்டாக விளங்கும் ஹல்திராம் ஸ்வீட்ஸ் மற்றும் ஸ்நாக்ஸ்களை விற்பனை செய்து வருகிறது. 2023 மதிப்பீடுகளின்படி இந்தியாவின் சிற்றுண்டி சந்தை ரூ.42,694 கோடியாக இருக்கும் என்று ET அறிக்கை தெரிவித்துள்ளது குறிப்பிடத்தக்கது.