அகவிலைப்படி கணக்கீடு செய்வது எப்படி? மத்திய அரசு ஊழியர்களுக்கு எவ்வளவு டி.ஏ. கிடைக்கும்!
மத்திய அரசு ஊழியர்களுக்கு அகவிலைப்படி உயர்வு அளிக்கப்பட்டுள்ள நிலையில், அதனை எப்படி கணக்கீடு செய்வது என்பது பற்றி காணலாம்
Followமத்திய அரசு ஊழியர்களின் அகவிலைப்படி 4 சதவீதம் உயர்த்தப்பட்டுள்ளது. இதன் மூலம் ஒட்டுமொத்த அகவிலைப்படி 46 சதவீதமாக உயர்ந்துள்ளது. தற்போதையை அகவிலைப்படி உயர்வானது அக்டோபர் மாதம் ஊதியத்தில் வழங்கப்படும் எனவும், இந்த உயர்வு ஜூலை 1, 2023 முதல் பொருந்தும் எனவும் அறிவிக்கப்பட்டுள்ளது.
எனவே, ஜூலை முதல் செப்டம்பர் வரையிலான மூன்று மாத அகவிலைப்படி நிலுவைத் தொகையாக மத்திய அரசு ஊழியர்கள், ஓய்வூதியதாரர்களுக்கு வழங்கப்படும். நிலுவைத் தொகையானது, அறிவிக்கப்பட்ட சதவீத உயர்வின் அடிப்படையில் செயல்படுத்தப்படும். உதாரணமாக 4 சதவீதம் அகவிலைப்படி உயர்த்தப்பட்டுள்ளதால், மூன்று மாதத்திற்கு 4 சதவீதம் நிலுவைத் தொகை வழங்கப்படும்.
மத்திய அரசு ஊழியர்களின் சம்பளம் 7ஆவது ஊதியக்குழுவின் கீழ், நிலை 1 முதல் நிலை 18 வரை வெவ்வேறு தர ஊதியமாக பிரிக்கப்பட்டுள்ளது. இதில், அகவிலைப்படியானது தர ஊதியம் மற்றும் பயணப்படியின் அடிப்படையில் கணக்கிடப்படுகிறது. நிலை 1 இல், குறைந்தபட்ச சம்பளம் ரூ.18,000 - ரூ.56900. நிலை 2 முதல் 14 வரையிலான ஊழியர்களுக்கு சம்பளம் தர ஊதியத்தின் படி மாறுபடும். நிலை 15, 17, 18க்கு தர ஊதியம் இல்லை. மாறாக, அடிப்படை சம்பளம் முறையே, ரூ.182,200, ரூ.2,25,000, ரூ.2,50,000 ஆக நிர்ணயிக்கப்பட்டுள்ளது.
அதன்படி, நிலை 1 இல் உள்ள ஊழியர்களின் தர ஊதியம் ரூ 1800 ஆகும். இதில் அடிப்படை ஊதியம் ரூ.18000. இது தவிர, பயணக் கொடுப்பனவும் (TA) சேர்க்கப்பட்டுள்ளது. லெவல்-1 கிரேடு பே-1800ல் மத்திய ஊழியர்களின் குறைந்தபட்ச அடிப்படை சம்பளம் ரூ.18,000.
Today Gold Rate in Chennai : தொடர்ந்து ஜெட் வேகத்தில் அதிகரித்த தங்கம்.. இன்று உயர்ந்ததா? குறைந்ததா?
எனவே, உயர்த்தப்பட்ட அளவின்படி, குறைந்தபட்ச அடிப்படை சம்பளத்திற்கு கணக்கிட்டால், ஆதாவதி; அகவிலைப்படை + பயணக் கொடுப்பனவு 46 சதவீதம் (ரூ.10251), அகவிலைப்படை + பயணக் கொடுப்பனவு 42 சதவீதம் (ரூ.9477) என ஜூலை, ஆகஸ்ட், செப்டம்பர் ஆகிய மூன்று மாதங்களுக்கு கணக்கிட வேண்டும். அப்படி கணக்கிட்டால், மாதம் ஒன்றுக்கு ரூ.774 வரும். மூன்று மாதங்களுக்கு நிலுவைத் தொகையாக ரூ.2322ஐ நிலை 1 இல் உள்ள ஊழியர்கள் பெறுவார்கள்.
அதேபோல், குறைந்தபட்ச அடிப்படை சம்பளம் கணக்கீட்டில் வரும் நிலை 18இல் உள்ள மத்திய ஊழியர்கள் மாதம் ஒன்றுக்கு ரூ.10288 நிலுவைத் தொகையாக மூன்று மாதங்களுக்கு ரூ.30864 பெறுவார்கள்.
சேனலை கிளிக் செய்து பின்தொடரவும்
