Asianet News TamilAsianet News Tamil

எகிறுது! சென்னை உள்ளிட்ட 8 நகரங்களில் வீடுவிலை கிடுகிடு உயர்வு

சென்னை, மும்பை, டெல்லி, கொல்கத்தா, பெங்களூரு உள்ளிட்ட 8 முக்கியநகரங்களில் வீட்டின் விலை 3 % முதல் 7%வரை அதிகரி்த்துள்ளது என ஆய்வில் தெரிவிக்கப்பட்டுள்ளது. 

Housing prices rise by 3%7% in 8 cities
Author
New Delhi, First Published Feb 28, 2022, 4:25 PM IST

சென்னை, மும்பை, டெல்லி, கொல்கத்தா, பெங்களூரு உள்ளிட்ட 8 முக்கியநகரங்களில் வீட்டின் விலை 3 % முதல் 7%வரை அதிகரி்த்துள்ளது என ஆய்வில் தெரிவிக்கப்பட்டுள்ளது. 

சிமெண்ட், உருக்கு உள்ளிட்ட உள்ளீட்டுப்பொருட்களின் விலை உயர்ந்ததால், வீடுகளின்விலையும் உயர்ந்துள்ளது.

“ரியல் இன்சைட் ரெசிடென்சியல்-ஆண்டு அறிக்கை2021” என்ற தலைப்பில் பிராப் டைகர்.காம் ஆய்வு நடத்தி வெளியிட்டுள்ளது. இதில் கடந்த 2021ம் ஆண்டு வீடுகளின் விற்பனை 13 சதவீதம் உயர்ந்துள்ளது. கடந்த 2020ம் ஆண்டில் ஒரு லட்சத்து 82ஆயிரத்து 639 வீடுகள் விற்பனையான நிலையில், கடந்த ஆண்டில் 2 லட்சத்து 5ஆயிரத்து 936 வீடுகள் விற்பனையாகின.

Housing prices rise by 3%7% in 8 cities

கொரோனா 2-வது அலையிலிருந்து மெல்லரியல்எஸ்டேட் துறை மீண்டு வருகிறது. இதில் அகமதாபாத், ஹைதராபாத்தில் வீடுகளின் விலை 7% அதிகரித்துள்ளது. பெங்களூருவில் 6 %,  புனேயில்3%, மும்பையில் 4% விலை அதிகரித்துள்ளன. சென்னை, டெல்லி என்சிஆர், கொல்கத்தா நகரங்களில் வீடுகளின் விலை 5% அதிகரித்துள்ளது.

சென்னையில் கடந்த 2020ம் ஆண்டு 10,542 வீடுகள் விற்பனையானநிலையில், கடந்த ஆண்டு 25% விற்பனை அதிகரி்த்து 13,055 வீடுகள் விற்பனையாகின. டெல்லி என்சிஆர் பகுதியில் கடந்த ஆண்டு வீடுகள் விற்பனை ஒரு சதவீதம் மட்டுமே அதிகமாகி, 17,907 வீடுகள்தான் விற்பனையாகின.

Housing prices rise by 3%7% in 8 cities

ஹைதராபாத்தில் வீடுகள் விற்பனை 36 சதவீதம் அதிகமாகி 22,239 வீடுகள் விற்பனையாகின. கடந்த 2020ம் ஆண்டில் 16,400வீடுகள்தான் விற்றிருந்தன. கொல்கத்தாவில் வீடுகள் விற்பனை 9%, மும்பையில் 8%, புனேயில் 9 % வீடுகள் அதிகமாக விற்பனையாகின. 

ஆக்சிஸ் கார்ப்பரேட் நிறுவனத்தின் இயக்குநர் ஆதித்யா குஷ்வாலா கூறுகையில் “ மத்திய அரசின் கொள்கை முடிவுகள், குறைந்த அளவு வட்டி போன்றவை வீடுகள் விற்பனை அதிகமாகக் காரணம். வீடுகளுக்கான தேவை படிப்படியாக அதிகரித்து வருகிறது. அதிலும் சொகுசான, அதிக அறைகள் கொண்ட வீடுகளுக்கு தேவை இருக்கிறது”எ னத் தெரிவித்தார்

Follow Us:
Download App:
  • android
  • ios