Today Chennai Gold Rate: தங்கம் விலை குறைவு| வாரத்தின் முதல்நாளே இன்ப அதிர்ச்சி: இன்றைய நிலவரம் என்ன?

வாரத்தின் முதல்நாளான இன்று தங்கம் விலை குறைந்துள்ளது. நடுத்தரக் குடும்பத்தினருக்கு விலைக் குறைவு ஆறுதலாக அமைந்துள்ளது.

தங்கம் விலை இன்று கிராமுக்கு 10 ரூபாயும், சவரனுக்கு 80 ரூபாயும் விலை குறைந்துள்ளது.
சென்னையில் ஆபரணத் தங்கத்தின் விலை சனிக்கிழமை நிலவரப்படி, கிராம் ரூ.5,290ஆகவும், சவரன், ரூ.42,320ஆகவும் இருந்தது.

22 காரட் ஆபரணத் தங்கத்தின் விலை இன்று(திங்கள்கிழமை) கிராமுக்கு 10 ரூபாய் சரிந்து ரூ.5,280ஆகவும், சவரனுக்கு 80 ரூபாய் குறைந்து ரூ.42 ஆயிரத்து 240ஆகக் வீழ்ந்துள்ளது.
கோவை, திருச்சி, வேலூரில் தங்கம் கிராம் ரூ.5,280க்கு விற்கப்படுகிறது

கடந்த 5வது நாளாக தங்கத்தின் விலை குறைந்து நிலையில் கடந்த சனிக்கிழமை திடீரென சவரனுக்கு 320ரூபாய் உயர்ந்தது. இந்நிலையில் வாரத்தின் முதல்நாளில் சவரனுக்கு ரூ.80 குறைந்துள்ளது நடுத்தரக் குடும்பத்தினருக்கு மகிழ்ச்சியை அளிக்கும்.

கடந்த வாரத்தில் சவரனுக்கு 390ரூபாய் குறைந்தது, இந்த வாரம் சரிவுடன் தங்கம் விலை குறைந்திருப்பது நகைப்பிரியர்களுக்கு சாதகமாக அமையும் என எதிர்பார்க்கலாம்.

வெள்ளி விலை இன்றும் குறைந்துள்ளது. வெள்ளி கிராம் ஒன்று ரூ.71.80 ஆக இருந்தநிலையில் கிராமுக்கு 10 பைசா குறைந்து, ரூ.71.70 ஆகவும், கிலோ ரூ.71,800 ஆக இருந்தநிலையில், கிலோவுக்கு ரூ.100 சரிந்து, ரூ.71,700 ஆக குறைந்துள்ளது.