நாட்டு மக்களிடம் நல்ல மதிப்பை பெற்ற கார்களில் ஒன்றான டாடா நெக்ஸான் EV காரில் 2025 ஜூன் மாதத்தில் ரூ.40,000 வரை சலுகைகள் அறிவிக்கப்பட்டுள்ளது.
Tata Nexon EV: புதிய மின்சார கார் வாங்க திட்டமிட்டால், உங்களுக்கு ஒரு நல்ல செய்தி. 2025 ஜூன் மாதத்தில் டாடா நிறுவனம் தனது பிரபலமான நெக்ஸான் EV மின்சார SUV காரில் அதிரடி சலுகைகளை அறிவித்துள்ளது. இந்த காலகட்டத்தில், 2024 மாடல் டாடா நெக்ஸான் EV காரில் ரூ.40,000 வரை சேமிக்கலாம். சலுகைகள் பற்றிய கூடுதல் விவரங்களுக்கு, உங்கள் அருகிலுள்ள டீலரை தொடர்பு கொள்ளவும்.
டாடா நெக்ஸான் EV காரில், இரண்டு பேட்டரி பேக்குகள் விருப்பத்தேர்வாக கிடைக்கின்றன. முதல் பேட்டரி பேக் 30kWh திறன் கொண்டது. இது அதிகபட்சமாக 129bhp பவரையும் 215Nm டார்க்கையும் வழங்கும். இரண்டாவது பேட்டரி பேக் 40.5kWh திறன் கொண்டது. இது அதிகபட்சமாக 144bhp பவரையும் 215Nm டார்க்கையும் வழங்கும். சிறிய பேட்டரி பேக் ஒற்றை சார்ஜில் 325 கிமீ வரையிலும், பெரிய பேட்டரி பேக் ஒற்றை சார்ஜில் 465 கிமீ வரையிலும் பயணிக்கும் என்று நிறுவனம் தெரிவித்துள்ளது.
காரின் உட்புறத்தில், 12.3 இன்ச் டச் ஸ்க்ரீன் இன்ஃபோடெயின்மென்ட் சிஸ்டம், 10.25 இன்ச் டிஜிட்டல் டிரைவர் டிஸ்ப்ளே, வயர்லெஸ் சார்ஜிங், சன்ரூஃப் போன்ற வசதிகள் உள்ளன. பாதுகாப்பிற்காக, 6 ஏர்பேக்குகள் மற்றும் 360 டிகிரி கேமரா ஆகியவை உள்ளன. பாரத் NCAP நடத்திய மோதல் சோதனையில், டாடா நெக்ஸான் EV காரிற்கு 5 நட்சத்திர மதிப்பீடு கிடைத்துள்ளது. டாடா நெக்ஸான் EV காரின் ஆரம்ப விலை ரூ.12.49 லட்சம் முதல் ரூ.17.19 லட்சம் வரை (எக்ஸ்-ஷோரூம்).
Related Articles
குறிப்பு: மேலே குறிப்பிட்டுள்ள சலுகைகள் பல்வேறு தளங்களில் இருந்து தொகுக்கப்பட்டவை. சலுகைகள் மாநிலம், நகரம், டீலர் மற்றும் காரின் வகையை பொறுத்து மாறுபடலாம். கார் வாங்குவதற்கு முன், உங்கள் அருகிலுள்ள டீலரை தொடர்பு கொண்டு சலுகைகள் மற்றும் விவரங்களை சரிபார்க்கவும்.
