ரூ.90,000-க்கு மாஸ் எண்ட்ரி கொடுத்த ஹோண்டா QC1 எலக்ட்ரிக் ஸ்கூட்டர்
ஹோண்டா QC1 ஸ்கூட்டர் அறிமுகம். ரூ.90,000 எக்ஸ்-ஷோரூம் விலையில் கிடைக்கும் இந்த ஸ்கூட்டர், நிறுவனத்தின் மிகவும் மலிவு விலை எலக்ட்ரிக் ஸ்கூட்டராகும்.
Followஹோண்டா மோட்டார்சைக்கிள் மற்றும் ஸ்கூட்டர் இந்தியா, ஹோண்டா QC1 ஸ்கூட்டரை அறிமுகப்படுத்தியுள்ளது. இந்த புதிய ஸ்கூட்டரின் எக்ஸ்-ஷோரூம் விலை ரூ.90,000. நிறுவனத்தின் மிகவும் மலிவு விலை எலக்ட்ரிக் ஸ்கூட்டர் இது. ஆக்டிவா எலக்ட்ரிக்கின் விலை ரூ.1.17 லட்சம். இதைவிட சுமார் ரூ.27,000 குறைவு ஹோண்டா QC1.
டிசைனைப் பொறுத்தவரை, ஹோண்டா QC1 மிகவும் எளிமையானது. மினிமல் பாடி ஸ்டைலிங் கொண்டது. பாடி பேனல்கள் எந்த விதமான விஷுவல் கிராபிக்ஸ் மூலமும் அலங்கரிக்கப்படவில்லை. மொத்தம் ஐந்து வண்ணங்களில் இந்த ஸ்கூட்டர் அறிமுகப்படுத்தப்பட்டுள்ளது. பேர்ல் ஷாலோ ப்ளூ, பேர்ல் மிஸ்டி வொயிட், பேர்ல் நைட்ஸ்டார் பிளாக், பேர்ல் செரினிட்டி ப்ளூ, மேட் ஃபோகி சில்வர் மெட்டாலிக் ஆகியவை அடங்கும்.
ஹோண்டா QC1-ல், 1.5kWh திறன் கொண்ட நிலையான பேட்டரி பேக் வழங்கப்பட்டுள்ளது. இது ஹப்-மவுண்டட் BLDC எலக்ட்ரிக் மோட்டாருடன் இணைக்கப்பட்டுள்ளது. இந்த மோட்டார் 1.8kW பவரையும் 77Nm டார்க்கையும் உருவாக்குகிறது. இந்த பேட்டரி பேக் ஸ்கூட்டருக்கு சுமார் 80 கிலோமீட்டர் டிரைவிங் ரேஞ்ச் வழங்கும் என்று நிறுவனம் கூறுகிறது. மேலும், இந்த ஸ்கூட்டர் 0-40 கிமீ/மணி வேகத்தை வெறும் 9.7 வினாடிகளில் எட்டும், அதன் அதிகபட்ச வேகம் மணிக்கு 50 கிமீ. இந்த ஸ்கூட்டரின் பேட்டரியை முழுமையாக சார்ஜ் செய்ய ஆறு மணி நேரம் 50 நிமிடங்கள் ஆகும் என்று ஹோண்டா கூறுகிறது.
இந்த எலக்ட்ரிக் ஸ்கூட்டரில் 5 இன்ச் எல்சிடி இன்ஸ்ட்ரூமென்ட் கிளஸ்டரை ஹோண்டா வழங்கியுள்ளது. இது தவிர, முழு எல்இடி லைட்டிங் பொருத்தப்பட்ட இந்த ஸ்கூட்டரில் யூஎஸ்பி டைப்-சி சார்ஜிங் போர்ட் போன்ற அம்சங்களும் வழங்கப்பட்டுள்ளன. சீட்டின் கீழ் 26 லிட்டர் பூட் ஸ்பேஸ் உள்ளது. அதாவது, சீட்டின் கீழ் சேமிப்பு இடம் கிடைக்கும். அதில் உங்களுக்குத் தேவையான பொருட்களை வைத்துக் கொள்ளலாம். எக்கோ, ஸ்டாண்டர்ட் என இரண்டு ரைடிங் மோடுகளும் உள்ளன.
QC1ன் எடை வெறும் 89.5 கிலோகிராம். இதில் பெட்ரோல் ஆக்டிவாவைப் போல 130 மிமீ (முன்) 110 மிமீ (பின்) டிரம் பிரேக் செட்டப் உள்ளது. முன்புறம் 12 இன்ச் வீல் காம்பினேஷனும் பின்புறம் 10 இன்ச் அலாய் வீல் காம்பினேஷனும் உள்ளது. இதன் டிசைன் ஆக்டிவா எலக்ட்ரிக்கைப் போலவே இருந்தாலும், கூர்ந்து கவனித்தால், சிறிய வேறுபாடுகளைத் தெளிவாகப் புரிந்து கொள்ள முடியும்.
இந்தியா முழுவதும் செல்லுபடியாகும் கேர் பிளஸ் பேக்கேஜையும் ஹோண்டா அறிவித்துள்ளது. இதன் விலை ரூ.9,900. இது ஐந்து ஆண்டுகளுக்கு ஆண்டு பராமரிப்பை (AMC) வழங்குகிறது. இதில் மூன்று ஆண்டுகள் ஸ்டாண்டர்ட் வாரண்டியும் இரண்டு ஆண்டுகள் நீட்டிக்கப்பட்ட வாரண்டியும் அடங்கும். வாடிக்கையாளர்கள் கேர் பிளஸ் பேக்கேஜை தனியாக வாங்க வேண்டும். இருப்பினும், இந்த ஸ்கூட்டருக்கு நிறுவனம் ஸ்டாண்டர்டாக மூன்று ஆண்டுகள் வாரண்டி வழங்குகிறது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா இந்த எலக்ட்ரிக் ஸ்கூட்டருக்கான முன்பதிவைத் தொடங்கியுள்ளது. நிறுவனத்தின் அதிகாரப்பூர்வ இணையதளம் மற்றும் அங்கீகரிக்கப்பட்ட டீலர்ஷிப் மூலம் வெறும் ரூ.1000க்கு முன்பதிவு செய்யலாம். தொடக்கத்தில், இந்த ஸ்கூட்டர் நாட்டின் ஆறு நகரங்களில் விற்பனைக்குக் கிடைக்கும். டெல்லி, புனே, பெங்களூரு, ஹைதராபாத், மும்பை, சண்டிகர் ஆகியவை இந்த நகரங்களில் அடங்கும்.
சேனலை கிளிக் செய்து பின்தொடரவும்
