ஹோண்டா காருக்கு ரூ.1 லட்சம் வரை தள்ளுபடி அறிவிக்கப்பட்டுள்ளது. இது தொடர்பான முழு விவரங்களை பார்ப்போம்.
செப்டம்பர் மாதத்தில் ஜப்பானிய வாகன நிறுவனமான ஹோண்டா கார்ஸ் இந்தியா தனது கார்களுக்கு சிறந்த தள்ளுபடிகளை வழங்குகிறது. இதில் நிறுவனத்தின் பிரபலமான சிட்டி செடான் காரும் அடங்கும். இந்த செடான் காரில் சுமார் ஒரு லட்சம் ரூபாய் வரை தள்ளுபடி வழங்கப்படுகிறது. இந்த மாதம் வாடிக்கையாளர்கள் இந்த காரை வாங்கினால், ரூ.92,000 தள்ளுபடியுடன் சில கூடுதல் சலுகைகளையும் பெறலாம்.
ஹோண்டா செடான் கார்
இந்த செடான் கார் ஹைப்ரிட் எஞ்சினிலும் கிடைக்கிறது. e:HEV உடன் SV, V, VX, ZX வேரியண்ட்களில் ஹோண்டா சிட்டி கிடைக்கிறது. இதன் ஆரம்ப விலை ரூ.12.38 லட்சம். சிட்டி e:HEV-யின் விலை ரூ.19.90 லட்சத்தில் இருந்து தொடங்குகிறது. இந்தியாவில், இது ஸ்கோடா ஸ்லாவியா, ஹூண்டாய் வெர்னா, ஃபோக்ஸ்வேகன் விர்ச்சஸ் போன்ற கார்களுக்கு போட்டியாக உள்ளது.
Related Articles
என்னென்னெ அம்சங்கள்?
சிட்டியின் ஆரம்ப விலை ரூ.11.82 லட்சம். வயர்லெஸ் ஆண்ட்ராய்டு ஆட்டோ, ஆப்பிள் கார்ப்ளே கொண்ட 8 இன்ச் டச் ஸ்க்ரீன் இன்ஃபோடெயின்மென்ட் சிஸ்டம், லெதர் அப்ஹோல்ஸ்டரி, ரெயின் சென்சிங் வைப்பர், வயர்லெஸ் ஃபோன் சார்ஜர், க்ரூஸ் கண்ட்ரோல், சன்ரூஃப், ஆம்பியன்ட் லைட்டிங் போன்ற அம்சங்கள் ஹோண்டா சிட்டியில் உள்ளன.
எவ்வளவு மைலேஜ் கிடைக்கும்?
ஹோண்டா சிட்டியில் 1.5 லிட்டர் பெட்ரோல் எஞ்சின் உள்ளது. இது 121 bhp பவரையும் 145 Nm டார்க்கையும் உருவாக்குகிறது. காரின் எஞ்சின் 6-ஸ்பீட் மேனுவல், 7-ஸ்டெப் CBT கியர்பாக்ஸுடன் இணைக்கப்பட்டுள்ளது. 1.5 லிட்டர் ஆட்டோமேட்டிக் வேரியண்டில் லிட்டருக்கு 17.8 கிமீ மைலேஜ் கிடைக்கும் என்று நிறுவனம் கூறுகிறது. 1.5 லிட்டர் CVT வேரியண்ட் லிட்டருக்கு 18.4 கிமீ வரை மைலேஜ் தருகிறது. அதே நேரத்தில், ஹைப்ரிட் மாடலின் மைலேஜ் 26.5 கிமீ/லிட்டர் வரை உள்ளது.
பாதுகாப்பு அம்சங்கள் என்னென்ன?
ஹோண்டா சிட்டியின் பாதுகாப்பு அம்சங்களைப் பற்றி பேசினால், ஆறு ஏர்பேக்குகள், டயர் பிரஷர் மானிட்டரிங் சிஸ்டம், எலக்ட்ரானிக் ஸ்டெபிலிட்டி கண்ட்ரோல், ரியர் வியூ கேமரா, EBD உடன் ABS, ADAS போன்ற அம்சங்கள் உள்ளன. ஹோண்டா இதில் ADAS பாதுகாப்பு அம்சங்களையும் வழங்குகிறது. இந்திய சந்தையில், ஃபோக்ஸ்வேகன் விர்ச்சஸ், மாருதி சுஸுகி சியாஸ், ஸ்கோடா ஸ்லாவியா, ஹூண்டாய் வெர்னா போன்ற மாடல்களுக்கு ஹோண்டா சிட்டி போட்டியாக உள்ளது.