அதிமுக பத்திரமாக இருக்க வேண்டும் என்ற கவலை எங்கள் எல்லோருக்கும் உள்ளது! எம்.பி. கனிமொழி பேட்டி

தஞ்சாவூர், நாகப்பட்டினம், திருவாரூர் உள்ளிட்ட டெல்டா மாவட்டங்களை உள்ளடக்கிய "வெற்றி பெறும் தமிழ் பெண்கள்" பிராந்திய மகளிர் பிரிவு மாநாடு, தஞ்சாவூர் மாவட்டம் செங்கிப்பட்டியில் வரும் 26 ஆம் தேதி திமுகவால் ஏற்பாடு செய்யப்பட்டுள்ளது. மாநாட்டிற்கான ஏற்பாடுகள் முழு வீச்சில் நடைபெற்று வரும் நிலையில், எம்.பி. கனிமொழி அந்த இடத்தை பார்வையிட்டு ஏற்பாடுகளை ஆய்வு செய்தார். பின்னர், செய்தியாளர்களிடம் பேசிய அவர் அதிமுகவுக்குள் ஒற்றுமை இல்லாதவர்களால் உருவாக்கப்பட்ட கூட்டணி வெற்றிபெறாது . உடன்பாடே இல்லாதவர்கள் இணைந்து கூட்டணி உருவாக்கினால் அது எப்படி வெற்றி பெறும். அதிமுக பத்திரமாக இருக்க வேண்டும் என்ற கவலை எங்கள் எல்லோருக்கும் உள்ளது என்று திமுக எம்.பி. கனிமொழி கூறினார்.