கோவை - டெல்லி இடையே விமானம்.. ஏர் இந்தியா விமான சேவை.. கொங்கு மண்டல மக்கள் குஷி..
By Raghupati R | First Published May 14, 2024, 11:17 PM ISTஏர் இந்தியா நிறுவனம் ஜூன் 2-ம் தேதி முதல் கோவை - டெல்லி இடையே விமானத்தை இயக்க உள்ளது. சனிக்கிழமை தவிர வாரத்தில் ஆறு நாட்கள் இந்த விமானம் இயக்க திட்டமிடப்பட்டுள்ளது.
ஏர் இந்தியா நிறுவனம் ஜூன் 2 முதல் டெல்லி - கோயம்புத்தூர் - டெல்லி இடையே இடைநில்லா விமானத்தை இயக்க உள்ளது. டெல்லியில் இருந்து AI 547 என்ற விமானம் மாலை 3 மணிக்கு புறப்படும். மாலை 6 மணிக்கு கோவை சென்றடையும். கோவையில் இருந்து திரும்பும் விமானம் ஏஐ 548 மாலை 6.45 மணிக்கு புறப்படும். மற்றும் டெல்லியில் உள்ள T-3 முனையத்தை இரவு 9.50 மணிக்கு சென்றடையும். சனிக்கிழமை தவிர வாரத்தில் ஆறு நாட்கள் இந்த விமானம் இயக்க திட்டமிடப்பட்டுள்ளது.
தற்போது, ஏர் இந்தியா, சென்னை வழியாக கோவைக்கு தினசரி விமானத்தை இயக்கி வருகிறது. இது அதிக பயண காலத்தை கொண்டுள்ளது. கோவை செல்லும் விமானம், AI 429 டெல்லியில் இருந்து காலை 9.55 மணிக்கு புறப்பட்டு மதியம் 2.30 மணிக்கு கோவை சென்றடைகிறது. திரும்பும் விமானம், AI 539 கோவையில் இருந்து மாலை 3.10 மணிக்கு புறப்படுகிறது. மற்றும் 7.50 மணிக்கு டெல்லி சென்றடைகிறது.
Latest Videos
undefined
அமெரிக்கா, கனடா மற்றும் ஐரோப்பாவில் உள்ள பல்வேறு விமான நிலையங்களை எளிதாக இணைக்க ஏர் இந்தியா டெல்லிக்கு இடைநில்லா விமானத்தை இயக்க வேண்டும் என்று பல்வேறு அமைப்புகள் கோரிக்கை விடுத்தன. இடைநில்லா விமானம் பல்வேறு சர்வதேச இடங்களுக்கு பயணிப்பதற்கு ஏற்றது. ஏனெனில் டெல்லியில் அதன் வருகை நேரம் இந்த இடங்களுக்கு விமானங்களில் ஏற வசதியாக உள்ளது. கோயம்புத்தூர் செல்லும் விமானம், சர்வதேச நாடுகளில் இருந்து வரும் பயணிகளுக்கும் ஏற்றது” என்று மக்கள் தெரிவித்துள்ளனர்.
ஆபிஸ் போக ஸ்கூட்டரை தேடுறீங்களா.. இதோ 120 கிமீ மைலேஜ் தரும் ஏதரின் சிறந்த ஸ்கூட்டர்..
சேனலை கிளிக் செய்து பின்தொடரவும்