உலக ஹாக்கி லீக்: ஸ்காட்லாந்தை வீழ்த்தி அடுத்த சுற்றுக்கு முன்னேறியது இந்தியா…

World hockey league Scotland defeat to the next round India

உலக வலைகோல் பந்தாட்ட லீக் போட்டியில் ஸ்காட்லாந்தை எதிர்கொண்ட இந்தியா அதனை 4–1 என்ற கோல் கணக்கில் வீழ்த்தி வெற்றிப் பெற்றது.

உலக வலைகோல் பந்தாட்ட லீக் அரையிறுதிச் சுற்று இரண்டு போட்டிகள் கொண்டதாகும். இதில் ஒரு போட்டி இலண்டனில் நேற்று தொடங்கியது. இதில் கலந்து கொண்ட பத்து அணிகள் இரண்டு பிரிவாக பிரிக்கப்பட்டுள்ளன.

‘ஏ’ பிரிவில் நடந்த முதலாவது லீக் ஆட்டத்தில் அர்ஜென்டினா - தென்கொரியா அணிகள் மோதின.

விறுவிறுப்பான இந்த ஆட்டத்தில் ஒலிம்பிக் சாம்பியனான அர்ஜென்டினா அணி 2–1 என்ற கோல் கணக்கில் தென்கொரியாவை வீழ்த்தியது.

‘பி’ பிரிவில் நடந்த முதலாவது லீக் ஆட்டத்தில் உலக தரவரிசையில் 6–வது இடத்தில் இருக்கும் இந்திய அணி, தரவரிசையில் 23–வது இடத்தில் உள்ள ஸ்காட்லாந்தை எதிர்கொண்டது.

இதில், இந்திய அணி 4–1 என்ற கோல் கணக்கில் ஸ்காட்லாந்தை வீழ்த்தியது.

இந்திய அணி தனது அடுத்த லீக் ஆட்டத்தில் நாளை கனடாவை எதிர்கொள்கிறது.