ஆஸ்திரேலிய ஓபன் டென்னிஸ் ஃபைனலில் க்ரீஸ் வீரர் சிட்சிபாஸை வீழ்த்தி சாம்பியன் பட்டம் வென்றார் செர்பியா வீரர் நோவாக் ஜோகோவிச். 22வது கிராண்ட்ஸ்லாம் பட்டத்தை வென்று ரஃபேல் நடாலின் சாதனையை சமன் செய்தார்.
ஒவ்வொரு ஆண்டின் முதல் கிராண்ட்ஸ்லாம் தொடரான ஆஸ்திரேலிய ஓபன் டென்னிஸ் தொடர் மெல்பர்னில் நடந்துவருகிறது. ஆடவர் ஒற்றையர் இறுதிப்போட்டியில் செர்பியா வீரரும் சமகாலத்தின் தலைசிறந்த டென்னிஸ் வீரர்களில் ஒருவருமான நோவாக் ஜோகோவிச் மற்றும் க்ரீஸ் வீரர் சிட்சிபாஸ் ஆகிய இருவரும் மோதினர்.
தொடக்கம் முதலே மிகவும் விறுவிறுப்பாக நடந்த இந்த ஆட்டத்தில் சிட்சிபாஸ் மீது ஆதிக்கம் செலுத்தி ஆடினார் ஜோகோவிச். 6-3, 7-6 மற்றும் 7-6 என்ற நேர் செட் கணக்கில் சிட்சிபாஸை வீழ்த்தி ஜோகோவிச் அபார வெற்றி பெற்று சாம்பியன் பட்டம் வென்றார்.
ஒருநாள் உலக கோப்பையை ஜெயிக்கணும்னா இதை செய்யுங்க..! ரோஹித், டிராவிட்டுக்கு தாதா தரமான அறிவுரை
இது ஜோகோவிச்சின் 22வது கிராண்ட்ஸ்லாம் டைட்டில் ஆகும். இதன்மூலம், அதிக கிராண்ட்ஸ்லாம் பட்டங்களை வென்ற ரஃபேல் நடாலின் சாதனையை சமன் செய்தார் ஜோகோவிச்.