இந்தியன் சூப்பர் லீக் - 4 (ஐ.எஸ்.எல்.) கால்பந்து போட்டியின் 22-வது ஆட்டத்தில் மும்பை அணி 1-0 என்ற கோல் கணக்கில் சென்னை அணியை வீழ்த்தியது.
இந்தியன் சூப்பர் லீக் - 4 (ஐ.எஸ்.எல்.) கால்பந்து போட்டியின் 22-வது ஆட்டம் மும்பையில் நேற்றிரவு சென்னையின் எப்.சி. அணி மற்றும் மும்பை சிட்டி எப்.சி. அணிகளுக்கு இடையே நடைப்பெற்றது.
விறுவிறுப்பாக நடந்த இந்த ஆட்டத்தில் பந்தை கடத்துவதிலும், ஷாட் அடிப்பதிலும் சென்னை அணியே ஆதிக்கம் செலுத்தியது. ஆனாலு, 60-வது நிமிடத்தில் மும்பை வீரர் பல்வந்த் சிங்கை, கோல் பகுதியில் வைத்து சென்னை வீரர் தள்ளிவிட்டதால் அந்த அணிக்கு பெனால்டி வாய்ப்பு கொடுக்கப்பட்டது.
பெனால்டி வாய்ப்பில் மும்பை வீரர் ஆசிலி எமானா கோல் அடித்து முதல் கோலைப் பதிவு செய்தார். ஆட்டத்தின் இறுதிவரை சென்னை அணியை கோல் போட விடாமல் தடுப்பாட்டம் ஆடிய மும்பை அணி 1-0 என்ற கோல் கணக்கில் வெற்றிப் பெற்றது.
இந்த வெற்றி மும்பை அணிக்கு 2-வது வெற்றி ஆகும். 5-வது ஆட்டத்தில் ஆடிய சென்னை அணிக்கு இது 2-வது தோல்வி ஆகும்.