கிரிக்கெட் போட்டியில் 2-வது வெற்றியை குவித்தது இந்திய மகளிர் அணி...

Indian women team won 2nd match

ஆசியக் கோப்பை மகளிர் டி-20 கிரிக்கெட் போட்டியில் இரண்டாவது வெற்றியை பெற்று அசத்தியது இந்திய மகளிர் அணி.

ஆசியக் கோப்பை மகளிர் டி-20 கிரிக்கெட் போட்டி கோலாலம்பூரில் நடந்து வருகிறது. 

ஆறு நாடுகள் கலந்து கொள்ளும் இப்போட்டியில் ஏற்கெனவே முதல் ஆட்டத்தில் மலேசியாவை 142 ஓட்டங்கள் வித்தியாசத்தில் இந்தியா வென்று அசத்தியது.

இந்த நிலையில் நேற்று இரண்டாவது ஆட்டத்தில் இந்தியாவும் - தாய்லாந்தும் மோதின. முதலில் ஆடிய இந்திய மகளிரணி 20 ஓவர்களில் 4 விக்கெட்டை இழந்து 132 ஓட்டங்களை எடுத்தது. ஹர்மன்பிரீத் கெளர் 27 ஓட்டங்கள், ஸ்மிருதி மந்தானா 22 ஓட்டங்கள் குவித்தனர். 

பின்னர் ஆடிய தாய்லாந்து அணி 8 விக்கெட்டை இழந்து 66 ஓட்டங்களை மட்டுமே எடுத்து தோல்வியைத் தழுவியது. அந்த அணியின் நட்டாயா 21 ஓட்டங்களை குவித்தார்.

இந்திய அணியின் ஹர்மன்பிரீத் கெளர் 3 விக்கெட்டையும், தீப்தி சர்மா 2 விக்கெட்டை வீழ்த்தினர். 

இறுதியில் இந்தியா 66 ஓட்டங்கள் வித்தியாசத்தில் வெற்றி பெற்றது அசத்தியது.