தோனியை நான் இப்படி பார்த்ததே இல்ல!! மைக் ஹஸி மிரட்சி

hussey opinion about dhoni batting in this ipl season

ஐபிஎல் 11வது சீசன் விறுவிறுப்பாக நடந்துவருகிறது. இரண்டு ஆண்டுகால தடைக்கு பிறகு களமிறங்கியுள்ள சென்னை அணி மிரட்டலாக ஆடிவருகிறது. 14 புள்ளிகளுடன் புள்ளி பட்டியலில் இரண்டாமிடத்தில் உள்ளது. சென்னை அணியின் கேப்டன் தோனியும் அபாரமாக ஆடிவருகிறார். நல்ல ஃபார்மில் இருக்கும் தோனி, அனைத்து பவுலர்களின் பந்துகளையும் பறக்கவிடுகிறார்.

சென்னை அணி வெற்றிகளை குவிப்பதற்கு நிகராக சென்னை ரசிகர்கள், தோனியின் ஆட்டத்தையும் கொண்டாடிவருகின்றனர். பொதுவாக மிகவும் பின் வரிசையில் களமிறங்கும் தோனி, இந்த தொடரில் 4 அல்லது 5வது வரிசையில் களமிறங்கி அசத்தலாக ஆடிவருகிறார்.

10 போட்டிகளில் ஆடியுள்ள தோனி, 3 அரைசதங்களுடன் 360 ரன்களை குவித்துள்ளார். இதுவரை அதிக ரன்கள் எடுத்த வீரர்களின் பட்டியலில், 7வது இடத்தில் இருக்கிறார் தோனி. இந்த தொடரில் தோனி அபார ஆட்டத்தை வெளிப்படுத்தி வருகிறார். இந்த ஐபிஎல் சீசனில் இதுவரை அதிக சிக்ஸர் அடித்த வீரரும் தோனி தான். 10 போட்டிகளில் 27 சிக்ஸர்கள் விளாசி முதலிடத்தில் உள்ளார். தோனிக்கு அடுத்த இடங்களில் தான் கெய்ல், டிவில்லியர்ஸ் ஆகியோர் உள்ளனர்.

இந்நிலையில், இந்த சீசனில் தோனியின் பேட்டிங் குறித்து கருத்து தெரிவித்துள்ள சென்னை அணியின் பேட்டிங் பயிற்சியாளர் மைக் ஹஸி, எங்கள் அணியின் மிக முக்கியமான வீரர் அவர் தோனி. அருமையான விக்கெட் கீப்பரான தோனி, தற்போது நம்ப முடியாத அளவிற்கு பேட்டிங்கிலும் நல்ல ஃபார்மில் உள்ளார். கடந்த சில ஆண்டுகளில் அவரிடம் காணாத அபாரமான பேட்டிங்கை இப்போது காண்கிறேன் என மைக் ஹஸி தெரிவித்துள்ளார்.