பிரெஞ்ச் ஓபன் டென்னிஸ்: ருமேனியா - ஸ்பெயின் வீராங்கனைகள் நேருக்கு நேர் மோதல்...

French Open tennis Romania - Spanish face-to-face confrontation

பிரெஞ்ச் ஓபன் டென்னிஸ் போட்டியில் மகளிர் ஒற்றையர் பிரிவின் அரையிறுதியில் ருமேனியாவின் சிமோனா ஹேலப் - ஸ்பெயினின் கார்பின் முகுருஸா ஆகியோர் மோதவுள்ளனர்.

பிரெஞ்ச் ஓபன் டென்னிஸ் போட்டியில் காலிறுதி ஒன்றில் உலகின் முதல் நிலை வீராங்கனையான சிமோனா ஹேலப், போட்டித் தரவரிசையில் 12-வது இடத்தில் இருந்த ஜெர்மனியின் ஏஞ்ஜெலிக் கெர்பருடன் மோதினார்.

விறுவிறுப்பாக நடைபெற்ற ஆட்டத்தின் முடிவில் சிமோனா 6-7(2/7), 6-3, 6-2 என்ற செட்களில் வெற்றி பெற்றார். 

இதையடுத்து பிரெஞ்ச் ஓபன் அரையிறுதிக்கு 3-வது முறையாக தகுதிபெற்றார் சிமோனா.

மற்றொரு காலிறுதியில் உலகின் 3-ஆம் நிலை வீராங்கனையான கார்பின் முகுருஸா, போட்டித் தரவரிசையில் 28-வது இடத்தில் இருந்த ரஷியாவின் மரியா ஷரபோவாவை எதிர்கொண்டார்.

இந்த ஆட்டத்தில் முகுருஸா 6-2, 6-1 என்ற கணக்கில் எளிதாக ஷரபோவாவை வீழ்த்தினார்.  இதனையடுத்து அரையிறுதிக்கு முகுருஸா முன்னேறினார்.

இதையடுத்து அரையிறுதி ஆட்டம் ஒன்றில் சிமோனா ஹேலப் - கார்பின் முகுருஸா மோதவுள்ளனர். 

இந்த ஆட்டத்தின் வெற்றியின் அடிப்படையிலேயே அடுத்த வாரம் வெளியாக உள்ள உலகின் முதல் நிலைக்கான இடம் நிர்ணயிக்கப்படவுள்ளது குறிப்பிடத்தக்கது.