இனி 6 போட்டியில் 4ல் ஜெயிச்சாலும் போதும், இந்திய அணிக்கு அரையிறுதி வாய்ப்பு சிம்பிளாக கிடைத்துவிடும்!

உலகக் கோப்பை கிரிக்கெட் தொடரில் இந்திய அணி விளையாடிய 3 போட்டிகளிலும் வெற்றி பெற்று புள்ளிப்பட்டியலில் நம்பர் 1 இடம் பிடித்துள்ளது.

இந்தியாவில் 13ஆவது கிரிக்கெட் உலகக் கோப்பை தொடர் பிரம்மாண்டமாக நடந்து வருகிறது. இதில், இந்தியா விளையாடிய ஆஸ்திரேலியா, ஆப்கானிஸ்தான் மற்றும் பாகிஸ்தான் அணிகளுக்கு எதிரான 3 போட்டிகளிலும் வெற்றி பெற்று 6 புள்ளிகளுடன் ரன் ரேட்டில் 1.821 என்று முன்னிலையில் உள்ளது. புள்ளிப்பட்டியலில் முதல் 4 இடங்களைப் பிடிக்கும் அணிகள் தான் அரையிறுதிப் போட்டிக்கு முன்னேறும்.

இந்திய அணி இன்னும் வங்தேசம், நியூசிலாந்து, இங்கிலாந்து, இலங்கை மற்றும் தென் ஆப்பிரிக்கா அணிகளுக்கு இடையிலான போட்டிகளில் விளையாட இருக்கிறது. இந்த 6 போட்டிகளில் இந்திய அணி குறைந்தது 5 அல்லது 4 போட்டிகளில் வெற்றி பெற்றால் 10 அல்லது 8 புள்ளிகள் கிடைக்கும். இதன் மூலமாக மொத்தம் 16 அல்லது 14 புள்ளிகள் பெறும். அப்படி புள்ளிகள் பெறும் பட்சத்தில் இந்திய அணி புள்ளிப்பட்டியலில் முதல் 4 இடங்களை எளிதாக பெற்றுவிடும்.

மேலும், இந்திய அணிக்கு அரையிறுதி வாய்ப்பும் பிரகாசமாகிவிடும். வரும் 19 ஆம் தேதி மகாராஷ்டிரா மாநிலம் புனேயில் இந்தியா மற்றும் வங்கதேச அனிகளுக்கு இடையிலான 17ஆவது உலகக் கோப்பை லீக் போட்டி நடக்க இருக்கிறது என்பது குறிப்பிடத்தக்கது.