WI vs IND 5th Test: இந்தியா பேட்டிங்: ஹாட்ரிக் வெற்றி பெற்று தொடரை கைப்பற்றுமா இந்தியா?

வெஸ்ட் இண்டீஸ் அணிக்கு எதிரான 5ஆவது மற்றும் கடைசி டி20 போட்டியில் டாஸ் வென்ற இந்தியா பேட்டிங் தேர்வு செய்துள்ளது.

வெஸ்ட் இண்டீஸில் சுற்றுப்பயணம் மேற்கொண்ட இந்திய அணி முதலில் 1-0 என்று டெஸ்ட் தொடரை கைப்பற்றியது. அதன் பிறகு 2-1 என்று ஒரு நாள் தொடரை கைப்பற்றியது. இதையடுத்து 5 டி20 போட்டிகள் கொண்ட தொடர் நடந்து வருகிறது. இதில், முதலில் 2 போட்டிகளில் வெஸ்ட் இண்டீஸ் அணி வெற்றி பெற்று தொடரில் முன்னிலை பெற்றது. அதன் பிறகு நடந்த 2 போட்டிகளிலும் இந்தியா வெற்ற் பெற்று தொடரை சமன் செய்தது.

இந்த நிலையில், தான் தொடரை தீர்மானிக்கும் கடைசி மற்றும் 5ஆவது டி20 போட்டி இன்று இரவு 8 மணிக்கு நடக்கிறது. இதில், டாஸ் வென்ற இந்திய அணியின் கேப்டன் பேட்டிங் தேர்வு செய்துள்ளார். நேற்றைய போட்டியைப் போன்று இந்தப் போட்டியிலும் அணியில் எந்த மாற்றமும் செய்யப்படவில்லை. ஆனால், வெஸ்ட் இண்டீஸ் அணியில் ஓபெட் மெக்காய்க்கு பதிலாக அல்சாரி ஜோசஃப் அணியில் சேர்க்கப்பட்டுள்ளார்.

வெஸ்ட் இண்டீஸ்:

பிராண்டன் கிங், கைல் மேயர்ஸ், ஷாய் ஹோப், நிக்கோலஸ் பூரன் (விக்கெட் கீப்பர்), ரோவ்மன் பவல் (கேப்டன்), ஷிம்ரன் ஹெட்மயர், ஜேசன் ஹோல்டர், ரொமாரியா ஷெப்பர்டு, ஓடியன் ஸ்மித், அகீல் ஹூசைன், அல்சார் ஜோசஃப்.

இந்தியா:

யஷஸ்வி ஜெஸ்வால், சுப்மன் கில், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), சஞ்சு சாம்சன் (விக்கெட் கீப்பர்), அக்‌ஷர் படேல், குல்தீப் யாதவ், அர்ஷ்தீப் சிங், யுஸ்வேந்திர சகால், முகேஷ் குமார்.

இந்தப் போட்டியில்இந்திய அணி வெற்றி பெற்று தொடரை கைப்பற்றும் என்று எதிர்பார்க்கப்படுகிறது. ஏற்கனவே அமெரிக்காவில் ஃபுளோரிடாவின் லாடர்ஹில்லில் உள்ள மைதானத்தில் நடந்த டி20 போட்டிகளில் இந்தியா தான் வெற்றி பெற்றிருக்கிறது.

இதுவரையில் லாடர்ஹில் ஒரு டி20 போட்டியில் கூட வெஸ்ட் இண்டீஸ் வெற்றி பெறவில்லை. மேலும், நேற்றைய போட்டியில் டாஸ் வென்று முதலில் பேட்டிங் செய்து 178 ரன்கள் எடுத்தது. அதன் பிறகு ஆடிய இந்தியா 179 ரன்கள் எடுத்து 9 விக்கெட்டுகள் வித்தியாசத்தில் வெற்றி பெற்றது. நேற்று நடந்த போட்டியில் வெஸ்ட் இண்டீஸ் அணி 3 மாற்றங்களை செய்தது. எனினும், வெற்றி பெறவில்லை. ஆனால், இந்திய அணியில் எந்த மாற்றமும் செய்யப்படவில்லை.