Asia Cup 2023: இந்தியா – பாகிஸ்தான் போட்டி ஆசிய கோப்பைக்கான புரோமோ வீடியோ வெளியீடு!

இந்தியா மற்றும் பாகிஸ்தான் அணிகளுக்கு இடையிலான ஆசிய கோப்பைக்கான 2023 புரோமோ வீடியோவை ஸ்டார் ஸ்போர்ட்ஸ் நிறுவனம் வெளியிட்டுள்ளது.

கடந்த 1984 ஆம் ஆண்டு முதல் ஆசிய கோப்பை தொடர் நடத்தப்பட்டு வருகிறது. இரண்டு ஆண்டுகளுக்கு ஒரு முறை நடத்தப்படும் இந்த ஆசிய கோப்பை தொடரில் இந்தியா 7 முறை சாம்பியனாகியுள்ளது. மூன்று முறை இரண்டாம் இடம் பிடித்துள்ளது. இதே போன்று இலங்கை 6 முறையும், பாகிஸ்தான் 2 முறையும் வெற்றி பெற்றுள்ளன. தற்போது 16ஆவது சீசனுக்கான ஆசிய கோப்பை தொடரானது பாகிஸ்தான் மற்றும் இலங்கையில் நடக்கிறது.

இதில், பாகிஸ்தான், இலங்கை, இந்தியா, நேபாள், வங்கதேசம் மற்றும் ஆப்கானிஸ்தான் என்று 6 அணிகள் இரு பிரிவுகளாக பிரிக்கப்பட்டு மோதுகின்றன. இந்த தொடரானது வரும் 30 ஆம் தேதி தொடங்கி செப்டம்பர் 17 ஆம் தேதி வரையில் நடக்கிறது. இதில் இந்தியா மற்றும் பாகிஸ்தான் அணிகளுக்கு இடையிலான போட்டியானது செப்டம்பர் 2 ஆம் தேதி நடக்கிறது.

இந்த நிலையில், நாட்டின் 77ஆவது சுதந்திர தினத்தை முன்னிட்டு ஸ்டார் ஸ்போர்ட்ஸ் நிறுவனமானது இந்தியா மற்றும் பாகிஸ்தான் அணியின் புரோமோ வீடியோவை வெளியிட்டுள்ளது.