சிவம் சிங், ஆதித்யா கணேஷ் அதிரடியால், திண்டுக்கல் டிராகன்ஸ் வெற்றி!

By Rsiva kumar  |  First Published Jun 29, 2023, 1:00 AM IST

ஐடிரீம் திருப்பூர் தமிழன்ஸ் அணிக்கு எதிரான போட்டியில் திண்டுக்கல் டிராகன்ஸ் அணி 8 விக்கெட் வித்தியாசத்தில் வெற்றி பெற்றுள்ளது.

Follow

தமிழ்நாடு பிரீமியர் லீக் தொடர் தற்போது விறுவிறுப்பாக நடந்து வருகிறது. இதில், இன்றைய 20 ஆவது போட்டியில் திண்டுக்கல் டிராகன்ஸ் அணி, ஐடிரீம் திருப்பூர் தமிழன்ஸ் அணியை எதிர்கொண்டது. இதில் டாஸ் வென்ற திண்டுக்கல் டிராகன்ஸ் அணியின் கேப்டன் பாபா இந்திரஜித் முதலில் பந்து வீச்சு தேர்வு செய்துள்ளார். இதற்கு முன்னதாக திண்டுக்கல் டிராகன்ஸ் அணியின் கேப்டனாக இருந்த ரவிச்சந்திரன் அஸ்வின் துலீப் டிராபி போட்டியில் விளையாட சென்றதால், எஞ்சிய போட்டிகளில் அவர் பங்கேற்கமாட்டார் என்று தெரிகிறது.

Tap to resize

Latest Videos

திண்டுக்கல் டிராகன்ஸ்:

பாபா இந்திரஜித் (கேப்டன்/விக்கெட் கீப்பர்), விமல் குமார், சிவம் சிங், பூபதி குமார், சி சரத் குமார், சுபோத் பதி, பி சரவணக்குமார், எம் மதிவாணன், வருண் சக்கரவர்த்தி, ஜி கிஷோர், ஆஷிக் ஸ்ரீநிவாஸ்.

ஐடிரீம் திருப்பூர் தமிழன்ஸ்:

எஸ் ராதாகிருஷ்ணன், துஷார் ரஹேஜா (விக்கெட் கீப்பர்), ரவிஸ்ரீநிவாசன் சாய் கிஷோர், விஜய் சங்கர், பாலசந்தர் அனிருத், ராஜேந்திரன் விவேக், என் எஸ் சதுர்வேத் (கேப்டன்), எஸ் அஜித் ராம், அல்லிராஜ் கருப்பசாமி, பி புவனேஷ்வரன், ஜி பெரியசாமி

டாஸ் போடப்பட்டதைத் தொடர்ந்து மழை பெய்த நிலையில், போட்டி தாமதமாக தொடங்கப்பட்டது. கிட்டத்தட்ட 55 நிமிடங்கள் போட்டி தாமதமாக தொடங்கப்பட்ட நிலையில், ஓவர்கள் குறைக்கப்படவில்லை. இனியும் மழை குறுக்கீடு இருந்தால் அப்போது ஓவர்கள் குறைக்கப்படுவதற்கு வாய்ப்புகள் உள்ளது.

இதையடுத்து முதலில் பேட்டிங் ஆடிய ஐடிரீம் திருப்பூர் தமிழன்ஸ் அணியில் ராதாகிருஷ்ணன் 10 ரன்களில் ஆட்டமிழந்தார். மற்றொரு தொடக்க வீரர் துஷார் ரஹேஜா 30 ரன்கள் எடுத்திருந்த போது ரன் அவுட் முறையில் ஆட்டமிழந்தார். அதன் பிறகு சாய் கிஷோர் மற்றும் விஜய் சங்கர் இருவரும் இணைந்து ரன் குவிப்பில் ஈடுபட்டனர். ஒரு கட்டத்தில் விஜய் சங்கர் 43 ரன்களாக இருந்த போது ரன் அவுட் முறையில் ஆட்டமிழந்தார்.

இதே போன்று சாய் கிஷோர் 45 ரன்களில் ஆட்டமிழந்தார். இறுதியாக ஐடிரீம் திருப்பூர் தமிழன்ஸ் அணி 20 ஓவர்களில் 5 விக்கெட் இழப்பிற்கு 173 ரன்கள் எடுத்தது. இதைத் தொடர்ந்து 174 ரன்களை வெற்றி இலக்காக கொண்ட திண்டுக்கல் டிராகன்ஸ் அணி விளையாடியது. இதில் தொடக்க வீரர் விமல் குமார் 14 ரன்களில் ஆட்டமிழந்தார். பூபதி குமார் 14 ரன்கள் வெளியேறினார். மற்றொரு தொடக்க வீரர் சிவம் சிங் மற்றும் ஆதித்யா கணேஷ் இருவரும் இணைந்து ரன் குவிப்பில் ஈடுபட்டனர். சிவம் சிங் 57 பந்துகளில் 11 பவுண்டரி உள்பட 74 ரன்கள் எடுத்து கடைசி வரை களத்தில் இருந்தார். ஆதித்யா கணேஷ் 30 பந்துகளில் 5 பவுண்டரி, 3 சிக்ஸர்கள் உள்பட 59 ரன்கள் எடுத்து கடைசி வரை களத்தில் இருந்தார்.

இறுதியாக திண்டுக்கல் டிராகன்ஸ் அணி 18.3 ஓவர்களில் 2 விக்கெட் இழப்பிற்கு 174 ரன்கள் எடுத்து 8 விக்கெட் வித்தியாசத்தில் வெற்றி பெற்றது. இந்தப் போட்டியில் வெற்றி பெற்றதன் மூலமாக திண்டுக்கல் டிராகன்ஸ் அணி 5 போட்டிகளில் விளையாடி 4ல் வெற்றி பெற்று 8 புள்ளிகளுடன் புள்ளிப்பட்டியலில் 3ஆவது இடம் பிடித்துள்ளது. ஐடிரீம் திருப்பூர் தமிழன்ஸ் அணி 5 போட்டிகளில் 2ல் வெற்றி பெற்று புள்ளிப்பட்டியலில் 6ஆவது இடம் பிடித்துள்ளது.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

tags

• Adithya Ganesh
• Baba Indrajith Suboth Bhati
• Dindigul Dragons
• IDream Tiruppur Tamizhans
• NS Chaturved

Read More